اقتوبەدە «قاراپايىم زاتتار ەكونوميكاسى» اتتى جوبالىق كەڭسە جۇمىسىن باستادى
كەڭسە جۇمىسى, نەگىزىنەن, وڭدەۋشى ونەركاسىپ جوبالارىن قارجىلاندىرۋعا باعىتتالعان. اقتوبە وبلىسى «اتامەكەن» كاسىپكەرلەر پالاتاسىندا جۇمىس ىستەي باستايتىن كەڭسە قۇرامىنا وبلىس اكىمدىگى مەن «دامۋ» قورىنىڭ وكىلدەرى كىردى. جوبالىق كەڭسە قىزمەتىنىڭ نەگىزىگى ماسەلەلەرى جونىندە باق-قا ارنالعان بريفينگتە «اتامەكەن» وڭىرلىك كاسىپكەرلەر پالاتاسىنىڭ ديرەكتورى انار دارجانوۆا مەن «دامۋ» قورىنىڭ اف ديرەكتورى بەرىك نۇرعاليەۆ ايتىپ بەردى.
بولوت شامشيەۆ: رەجيسسەرلەر اراسىنداعى ساباقتاستىق ءۇزىلىپ قالدى
قىرعىزدىڭ دارىندى رەجيسسەرى, كسرو مەملەكەتتىك سىيلىعىنىڭ لاۋرەاتى بولوت شامشيەۆپەن سۇحباتىمىز قازاق-قىرعىز رەجيسسەرلەرى مەن جازۋشىلارى اراسىنداعى ۇلى دوستىقتىڭ كينوعا اسەرى تاقىرىبىندا ءوربىدى.
ارقا جۇرتى بيىل كوكتەممەن ەرتە قاۋىشقانى كورىنىپ تۇر. قاسات قاردىڭ كوبەسىن قاقىراتا سوككەن ميزامشۋاق ماڭايدى مامىراجاي ماۋسىمعا شومىلدىرىپ, مايدىڭ جەلى جۇمساق ەسەدى. بوزتورعايدىڭ سيقىرلى اۋەنى بوز قىراتتاردى سىرلى سازعا بولەپ, سارىارقانىڭ كەڭ جازيراسى وسى جاتقاندا تاتتىمبەتتىڭ شەرتپە كۇيلەرىندەي توگىلە, قوياندى جارمەڭكەسىندە ءبىرجان ءان سالىپ جاتقانداي تەربەلەدى. قىردىڭ قازاعى مالىن الدەقاشان دالاعا جايىپ, تىرلىگى كوپ-كورىم وڭالىپ قالعانى دا بايقالادى. اڭعارعان جانعا دالا تىنىسىنىڭ وزىنەن سول مەكەندى قونىس ەتكەن الەۋمەتتىڭ كوڭىل كۇيىن بارىنشا شامالاۋ قيىن ەمەس. بايتاقتىڭ ءتوسى ءان سالىپ جاتسا, ونى جايلاعان جۇرتتىڭ دا كوكىرەگىنەن تۇنىق اندەر ەركىن توگىلەتىنى بەلگىلى.
پرەزيدەنت • 29 ناۋرىز, 2019
قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىنە وراي, قاسىم-جومارت توقاەۆتىڭ اتىنا قۇتتىقتاۋ جەدەلحاتتارى مەن حاتتار كەلىپ تۇسۋدە. بۇل تۋرالى اقوردانىڭ ءباسپاسوز قىزمەتى حابارلادى.
ەۋرازيالىق ينتەگراتسياعا – 25 جىل
قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ كوشباسشىلىق قاسيەتتەرى مەن ەرىك-جىگەرىنىڭ ارقاسىندا زاماناۋي ەۋرازيالىق ينتەگراتسيا ءتۇزىلىپ, ەۋرازەق, كەدەن وداعى, ءبىرتۇتاس ەكونوميكالىق كەڭىستىك جانە ەۋرازيالىق ەكونوميكالىق وداق قۇرۋ ىسىندە ناقتى تابىستارعا قول جەتكىزىلدى. سونىمەن قاتار ەلباسى پوستكەڭەستىك ەلدەردىڭ ىنتىماقتاستىعىن ودان ءارى دامىتۋ ماقساتىندا تىنىمسىز ىزدەنىپ, ەۋرازيالىق ينتەگراتسيانىڭ ستراتەگيالىق نەگىزىن قالادى.
