ەكونوميكا • 25 قازان, 2023
8 ميللياردتان 85 ميللياردقا دەيىن
كەڭەس وداعىنىڭ شاڭىراعى گۇرس ەتىپ قاق ورتاعا تۇسكەن بەتتە-اق كۇللى ەكونوميكامىزدىڭ جون ارقاسىنان باسىپ قالدى. دەربەس ەكونوميكا قۇرۋ, ۆاليۋتا شىعارۋ, ءونىم ءوندىرۋ, تاۋار ساتىپ الۋ, تاۋار ساتۋ, الەۋمەتتىك احۋالدى تۇزەۋ دەيتىن تۇيتكىلدەر تىزبەكتەلىپ, ءبىرىنىڭ ارتىنان ءبىرى شىعا بەردى. قاپتاعان شارۋانىڭ قايسىسىنان باستارىڭدى بىلمەي, قاراداي شارشايتىن كەز. وسى قۇرىلىمدا ەكسپورتتىڭ ورنى ەرەك ەدى. ەل بولعان سوڭ ءوز قازانىڭدا قايناي بەرمەي, سىرتقا ءونىم ساۋدالاپ, تابىس تاپقانىڭ ءجون. تاۋەلسىزدىكتىڭ العاشقى جىلى دەۋگە بولاتىن (ويتكەنى ەگەمەندىكتى 1991 جىلدىڭ سوڭىندا جاريالادىق ەمەس پە) 1992 جىلى نەبارى 1,4 ملرد دوللاردىڭ تاۋارىن ەكسپورتتادىق. ارادا ون جىل وتكەندە – 2001 جىلى بۇل كورسەتكىش 8,6 ملرد دوللار بولدى.
ەكونوميكا • 25 قازان, 2023
ەل ىشىندەگى ايماقارالىق كوممۋنيكاتسيانى قامتاماسىز ەتۋ ماقساتىندا جانە ەكسپورتتىق الەۋەتىن ارتتىرۋ ءۇشىن تاۋەلسىزدىك جىلدارى ءتورت تاراپقا تارتىلعان ءتۇرلى باعىتتاعى جولدار اشىلدى. مىڭداعان شاقىرىمعا سوزىلعان اۆتوماگيسترالدار سالىندى. قازاقستاننان قانات قاققان كۇمىس ۇشاقتار كۇيمەسى شارتاراپقا تارام-تارام اۋە جولدارىن اشتى. تاناپتى جارىپ تىڭنان 3 مىڭ شاقىرىمعا جۋىق تەمىرجول جەلىلەرى تارتىلدى. سۋ جولدارى دا جاڭعىردى. اسىرەسە سوڭعى جىلدارى قۇلاشىن كەڭگە سەرمەگەن اقتاۋ تەڭىز ساۋدا پورتى تۋرالى اڭگىمە ءتىپتى بولەك. جالپى, بۇگىندە قازاقستان اۋماعى ارقىلى 11 حالىقارالىق ترانزيتتىك ءدالىز – 5 تەمىرجول, 6 اۆتوموبيل ءدالىزى وتەدى.
مەكتەپ • 25 قازان, 2023
رەسپۋبليكادا قازىرگى كەزدە 7 723 مەكتەپتە 3,9 ملن وقۋشى ءبىلىم الىپ جاتىر. ولاردىڭ 3700-دەن استامى – قازاق تىلىندە ءبىلىم بەرەتىن مەكتەپتەر. بىلتىرعى وقۋ جىلىندا مەكتەپ بىتىرگەن 172 مىڭ وقۋشىنىڭ 120 مىڭنان استامى قازاق ءتىلدى مەكتەپتەردە ءبىلىم العان بولسا, بۇل كورسەتكىش 2020-2021 وقۋ جىلىندا 111 183-ءتى قۇرادى. بيىلعى وقۋ جىلىندا ءبىرىنشى سىنىپقا بارعان 300 مىڭنان اسا وقۋشىنىڭ 70 پايىزعا جۋىعى مەملەكەتتىك تىلدە وقۋدى تاڭداعان.
ينفوگرافيكا • 25 قازان, 2023
ەل ەگەمەندىگىن العان سوڭ, وتاندىق عىلىم دامۋىنىڭ جاڭا كەزەڭى باستالدى. وداقتان قالعان 100-دەن اسا عىلىمي-تەحنيكالىق ۇيىم ەندى عانا ەڭسە تىكتەگەن ەلدىڭ مەنشىگىنە وتكەندىكتەن, عىلىم سالاسىن مەملەكەتتىك دەڭگەيدە قولداۋدىڭ ماڭىزى كۇن تارتىبىندە تۇردى. جوعارعى كەڭەستىڭ 1992 جىلى 15 قاڭتارداعى قاۋلىسىمەن «قازاقستان رەسپۋبليكاسىنىڭ عىلىم جانە عىلىمي-تەحنيكا ساياساتى تۋرالى» زاڭى قابىلداندى. بۇل تاۋەلسىزدىك تاريحىنداعى ءتول عىلىمعا مەملەكەت تاراپىنان جاسالعان قۇقىقتىق, قارجىلىق, جالپى كەشەندى قولداۋدىڭ باسى عانا بولاتىن.
مامان • 25 قازان, 2023
تەحنولوگيا دامىعان سايىن عالام ۇزدىكسىز وزگەرىس ۇستىندە. بۇرىن كەرەك ماماندىقتار شەتكە ىسىرىلىپ, جاڭالارى پايدا بولىپ جاتىر. تاۋەلسىزدىك العان جىلدارى جۇمىسقا جارامدى وتانداستاردىڭ 55 پايىزى تاۋار وندىرۋمەن اينالىستى, ياعني ونەركاسىپ, قۇرىلىس, اۋىل شارۋاشىلىعى سالالارىندا ەڭبەك ەتتى. 2000 جىلدارى زاڭگەر بولۋ سانگە اينالدى. ال قازىر ءار وقۋشى «ايتيشنيك» بولعىسى كەلەدى.
