تاريح • 29 قاڭتار, 2014
ۇلى وتان سوعىسىنىڭ كەيبىر قۇپيالارى ۇلى وتان سوعىسى دەپ اتالعان قىزىل قىرعىننىڭ اشىلماعان قۇپيالارى ءالى دە كوپ. 1940-شى جىلداردىڭ باسىندا الەمدەگى ەڭ ۇزدىك سوعىس قارۋى جانە تەحنيكاسىمەن قارۋلانعان, اسكەرى وق-دارىمەن, كيىممەن, تاماقپەن, باسقا دا تۇرمىستىق قاجەتتىلىكپەن تولىق قامتاماسىز ەتىلگەن, سوعىسقا دايىندىعى جاعىنان ەڭ جەتىلگەن جويقىن ارميانى دايىندىعى مۇلدە جوق, كەشە عانا بۋحگالتەر, مۇعالىم, جۋرناليست بولىپ جۇرگەن ينتەلليگەنتسيا وكىلدەرى جانە مال باعىپ, جايلاۋدا ەسىنەپ جۇرگەن, زاۋىتتا سەگىز ساعات بويى اياعىنان تىك تۇرىپ, ۇيىنە تەز جەتۋدى عانا ارمانداعان اۋىل مەن قالا جۇمىسشىلارى قالاي جەڭدى دەگەن سۇراق كۇنى بۇگىنگە دەيىن قويىلا بەرەتىنى زاڭدى. سونىڭ ءبىرشاماسى ورىس ءتىلىن دە تۇسىنبەگەن, بەرىلگەن بۇيرىقتى تەرىس ۇعىپ, ارتقا كەتۋدىڭ ورنىنا العا بارىپ جاتقاندارى دا بولماي قالماعان.
