رۋحانيات • 03 قازان, 2021

قازاق ەلى قاراسازدا ەرەن اقىندى ەسكە الدى

بيىل قازاق ادەبيەتى ءۇشىن اتاۋلى كۇنگە تولى جىل بولعانى انىق. ونىڭ ىشىندە اقىن مۇقاعالي ماقاتاەۆتىڭ 90 جىلدىق مەرەيتويىن اتاپ وتۋگە دەگەن ەل ىقىلاسى ەرەكشە ەدى. اسىرەسە, اقىننىڭ كىندىك قانى تامعان جەتىسۋ ولكەسى, ونىڭ ىشىندە قاراساز اۋىلى داڭقتى پەرزەنتىنىڭ توقسان جىلدىعىن تورقالى توي ەتىپ وتكىزۋگە ۇزاق دايىندالدى.

كينو • 30 قىركۇيەك, 2021

ءداستۇردى دارىپتەگەن «قاراساز كوشەلەرى»

مۇقاعالي ماقاتاەۆ تۋعان قاراساز اۋىلىنداعى ءار تۇرعىننىڭ, ەڭبەكتەگەن بالادان, ەڭكەيگەن كارىگە دەيىن اقىن ولەڭىن جاتقا وقيتىنى تۋرالى جاعىمدى دەرەك اقپارات قۇرالدارىندا ارا-تۇرا ايتىلىپ قالاتىن. تارپاڭ تالانت تۋعان قاستەرلى مەكەندى قازاققا تانىستىرىپ جاتۋ ارتىق, «ۇيرەك ۇشىپ, قاز قونعان» قاسيەتتى قاراسازدىڭ اتى پەرزەنتىنىڭ داڭقى اۋەلەپ, ادەبيەتتىڭ ايگىلى تۇلعاسىنا اينالعالى بەرى قاتار قالىقتاپ, بىرگە اتالىپ كەلەدى. ونىڭ كىندىگىنەن وربىگەن ۇل مەن قىزدىڭ اقىن ولەڭدەرىن جاتقا وقىپ, ەسىمىن ۇلىقتاۋى تاڭىرقايتىن جاڭالىق ەمەس, سولاي بولۋى قالىپتى زاڭدىلىق سياقتى قابىلداناتىنى سوندىقتان. دەگەنمەن ەل اراسىنداعى داقپىرت دايەگى مول دەرەكتى دۇنيەگە اينالسا عانا دالەلىن تابادى.