اتىراۋدا باسقارما باسشىسى تاعايىندالدى

اتىراۋ. 11 مامىر. اتىراۋ وبلىسىنىڭ اكىمى نۇرلان نوعاەۆتىڭ وكىمىمەن ازامات باۋىرجان ۇلى بەكەت وبلىستىق تۋريزم, دەنە شىنىقتىرۋ جانە سپورت باسقارماسىنىڭ باسشىسى بولىپ تاعايىندالدى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ازامات بەكەت 1983 جىلى تۋعان, ءبىلىمى جوعارى, 2004 جىلى قازاق گۋمانيتارلىق-زاڭ ۋنيۆەرسيتەتىن يۋريسپرۋدەنتسيا, 2009 جىلى ەكونوميكا جانە قۇقىق اكادەمياسىن قارجىگەر ماماندىعى بويىنشا بىتىرگەن. بوكستان حالىقارالىق دارەجەدەگى سپورت شەبەرى. 1997-2001 جىلدارى جاسوسپىرىمدەر مەن جاستار اراسىندا قازاقستان رەسپۋبليكاسىنىڭ چەمپيونى, 2002-2003 جىلدارى ەرەسەكتەر اراسىندا قازاقستان رەسپۋبليكاسىنىڭ كۇمىس جۇلدەگەرى, سونىمەن بىرگە, 2001-2004 جىلدارى قازاقستان رەسپۋبليكاسى قۇراما كومانداسىنىڭ قۇرامىندا بىرنەشە حالىقارالىق تۋرنيرلەرگە قاتىسىپ, تمد قارۋلى كۇشتەرى سپارتاكياداسىنىڭ چەمپيونى, ورتالىق ازيا ويىندارىنىڭ كۇمىس جۇلدەگەرى اتانعان. ەڭبەك جولىندا 2004 جىلدان الماتى, استانا, ورال قالالارىندا قارجى پوليتسياسى سالاسىندا قىزمەت ەتكەن, قارجى پوليتسياسىنىڭ كاپيتانى.  ال 2013 –2016 جىلدارى باتىس قازاقستان وبلىسى تۋريزم, دەنە شىنىقتىرۋ جانە سپورت باسقارماسىنىڭ باسشىسى لاۋازىمىن اتقارعان. جولداسبەك شوپەعۇل. دەرەك, فوتو: اتىراۋ وبلىسى اكىمىنىڭ ءباسپاسوز قىزمەتى.