اتىراۋ وبلىسىندا اۋدان اكىمى تاعايىندالدى

اتىراۋ. 29 ءساۋىر. اتىراۋ وبلىسىنىڭ قۇرماناعازى اۋدانىنىڭ اكىمى بولىپ بيبوز شاياحمەتوۆ تاعايىندالدى. بۇگىن وبلىس اكىمى نۇرلان نوعاەۆ اۋدان اكتيۆىنە جاڭا اكىمدى تانىستىردى. بۇل تۋرالى egemen.kz ءتىلشىسى حابارلادى. پرەزيدەنت اكىمشىلىگىنىڭ جانە اۋداندىق ءماسليحات دەپۋتاتتارىنىڭ كەلىسىمى بويىنشا, وبلىس اكىمى نۇرلان نوعاەۆتىڭ وكىمىمەن قۇرمانعازى اۋدانىنىڭ اكىمى بولىپ تاعايىندالعان بيبوز شاياحمەتوۆتىڭ جاسى 56-دا. باتىس قازاقستان اۋىل شارۋاشىلىعى ينستيتۋتىن بىتىرگەن. ەڭبەك جولىن 1976 جىلى قىزىلقوعا اۋدانىنداعى «كازسەلحوزتەحنيكا» بىرلەستىگىندە جوندەۋشى بولىپ باستاعان. 1983-1990 جىلدارى قىزىلقوعا اۋداندىق قارجى, جوسپارلاۋ بولىمدەرىندە, «ميالى اۆتوترانستپورت» كاسىپورنىندا اعا ەكونوميست, اۋداندىق كومسومول كوميتەتىندە ەكىنشى, كەيىن ءبىرىنشى حاتشى بولىپ ىستەگەن. 1990-1999 جىلدارى اۋداندىق حالىقتىق باقىلاۋ كوميتەتىندە ينسپەكتور, اۋداندىق پارتيا كوميتەتىندە نۇسقاۋشى, اۋداندىق قارجى بولىمىندە اۋىل شارۋاشىلىعى جونىندەگى اعا ەكونوميست, اۋداندىق تولەم ورتالىعىندا ءبىرىنشى ساناتتاعى مامان, اۋداندىق ەكونوميكا باسقارماسىنىڭ باستىعى, اۋدان اكىمىنىڭ ورىنباسارى قىزمەتتەرىن اتقارعان. 1999-2016 جىلدارى قىزىلقوعا اۋداندىق ەكونوميكا, ينۆەستيتسيا جانە كاسىپكەرلىكتى قولداۋ بولىمىندە, اۋداندىق كوممۋنالدىق مەنشىك, قۇرىلىس, كورىكتەندىرۋ جانە تۇرعىن ءۇي شارۋاشىلىعى بولىمىندە, اۋداندىق قالا قۇرىلىسى, قۇرىلىس, تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى بولىمىندە ءبولىم مەڭگەرۋشىسى, قىزىلقوعا اۋدانى اكىمىنىڭ ورىنباسارى بولىپ ىستەگەن. «ۇزدىك مەملەكەتتىك قىزمەتشى» توسبەلگىسىمەن ماراپاتتالعان. جولداسبەك شوپەعۇل. دەرەك, فوتو: egemen.kz.