«قازاقستان» تەلەارناسى بوكسشى قانات يسلامنىڭ جەكپە-جەگىن كورسەتەدى

استانا. 30 ءساۋىر. «قازاقستان» ۇلتتىق ارناسى قانات يسلامنىڭ كاسىپقوي بوكستاعى 21 جەكپە-جەگىن تىكەلەي ەفيردە كورسەتەدى. بۇل تۋرالى «قازاقستان» رترك» اق ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. بۇل جولى قانات يسلام كولۋمبيالىق بىلعارى قولعاپ شەبەرى حۋان دە انحەلمەن كەزدەسەدى. جەكپە-جەك 9 مامىر كۇنى اقش-تىڭ فلوريدا شتاتىنداعى لەيكلەند قالاسىندا وتەدى. وتانداستارىمىز كەزدەسۋدى تىكەلەي ەفيردە استانا ۋاقىتىمەن تاڭعى 07:00-دە كورە الادى. قانات يسلام 2012 جىلى كاسىپقوي بوكسقا اۋىسقاننان كەيىن 20 جەكپە-جەك وتكىزىپ, سونىڭ  بارلىعىندا جەڭىسكە جەتكەن. ونىڭ ىشىندە 17 كەزدەسۋدە قارسىلاستارىن نوكاۋتقا جىبەرگەن. حۋان دە انحەل 2008 جىلدان بەرى كاسىپقوي بوكستا. ول شارشى الاڭدا 22 رەت ايقاسىپ, 18 رەت جەڭگەن. قالعان ءتورت كەزدەسۋدىڭ  ۇشەۋىندە دە انحەلدىڭ قارسىلاستارى باسىم تۇسسە, ءبىر كەزدەسۋدە ول تەڭ ەسەپپەن اياقتالعان. بۇل ونىڭ كاسىپقوي بوكستاعى العاشقى جەكپە-جەگى بولاتىن. قانات 4 جىلدان بەرى امەريكا قۇراما شتاتتارىندا جاتتىعىپ ءجۇر. ونىڭ جاتتىقتىرۋشىسى – امەريكالىق مامان نەلسون لوپەس. داستان كەنجالين. دەرەك: «قازاقستان» رترك