• 30 ءساۋىر, 2016

يندۋستريالاندىرۋ ىسىنە اتسالىسۋعا شاقىردى

264 رەت

كورسەتىلدى

1 مين

وقۋ ءۇشىن

Egemen Qazaqstan

كەشە ۇكىمەت ۇيىندە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ امەريكا-قازاقستان بيزنەس-اسسوتسياتسياسىنىڭ (USKBA) پرەزيدەنتى ۋيليام كورتنيمەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋ بارىسىندا وندىرىستىك جانە ينۆەستيتسيالىق سالالارداعى ىنتىماقتاستىقتى ودان ءارى نىعايتۋ ماسەلەلەرى بويىنشا پىكىر الماسۋلار بولدى. باقىتجان ساعىنتاەۆ رەسپۋبليكادا قولايلى ينۆەستيتسيالىق احۋالدىڭ جاسالىپ وتىرعاندىعىن اتاپ كورسەتە كەلىپ, اقش بيزنەسمەندەرىن قازاقستاندىق رىنوكتى بەلسەندىرەك يگەرۋگە شاقىردى. پرەمەر-ءمينيستردىڭ ءبىرىنشى ورىنباسارى يندۋستريالاندىرۋدىڭ ەكىنشى ساتىسى شەڭبەرىندەگى جوبالاردى جۇزەگە اسىرۋ ءۇشىن امەريكالىق كومپانيالاردى تارتۋعا مۇددەلىلىگىن ءبىلدىردى. باقىتجان ساعىنتاەۆ, سونداي-اق, اقش بيزنەسمەندەرىن ەكسپو-2017 حالىقارالىق كورمەسىنە قاتىسۋعا شاقىردى. ونىڭ ءوزى «جاسىل تەحنولوگيالاردى» دامىتۋعا قوسىمشا سەرپىن بەرىپ, وزىق تاجىريبەلەردى كەڭىنەن كورسەتۋگە مۇمكىندىك تۋعىزباق جانە ەنەرگەتيكالىق ءتيىمدى باعدارلامالاردى ىلگەرىلەتۋگە ىقپال ەتپەك.