اكادەميك عاريفوللا ەسىم: جەر شەتەلدىكتەرگە ساتىلمايدى, ساتىلۋعا ءتيىستى ەمەس

اۋىل شارۋا­شى­لىعى سالاسىنا دەم بەرۋ ءۇشىن اۋىل تۇر­عىن­دارىنا مەم­لە­كەتتىك تەڭدەسسىز قول­داۋ شا­رالارى قولعا الىنۋدا. مىسالى, جەر­دى جالعا العان قازاق­ستان ازاماتتارى اۋىل­شارۋاشىلىق ماق­ساتتاعى جەرلەردى جەڭىل­دەتىلگەن باعامەن ون جىلعا دەيىن ءبولىپ تولەۋ قۇقىعىمەن جەكەمەنشىككە ساتىپ الا الادى. بىزدەگى مەنشىك يەلەرى مەن جەردى پايدالانۋشىلار اۋىل شارۋاشىلىعى نىساندارى مەن وعان قاجەتتى ينفرا­قۇ­­رى­لىمداردى سالۋ قۇ­قى­عىن پايدالانا الادى. بۇرىن اۋىل حال­قى­­نىڭ ونداي ءمۇم­كىندىكتەرى بولماعان. جەر ءبىزدىڭ ازامات­تارىمىزدىڭ سۇبەلى ەكو­نوميكالىق اكتيۆىنە اينالادى جانە بۇل اۋىلداعى ەڭبەك ونىمدىلىگىن ارتتىرۋعا مۇمكىندىك بەرەدى. اۋىل شارۋاشىلىعى جەرلەرىن جەكەمەنشىككە بەرۋ بۇل سالانىڭ دامۋىنا اسا قۋاتتى سەرپىن بەرەدى. زاڭنىڭ جاڭا نورمالارى اگ­روونەركاسىپ سالاسىنىڭ, فەر­مەرلەردىڭ, شارۋا قوجالىق­تارى جۇمىسشىلارىنىڭ قاتىسۋى­مەن تالقىلانعان جانە ول اۋىل مۇددەسىن قورعاۋدان تۋىنداعان. جەر شەتەلدىكتەرگە ساتىل­عان ەمەس, ساتى­لىپ جات­قان جوق, ساتىلمايدى دا. شە­تەلدىكتەر جەر تەلىمدەرىن تەك قا­نا شەك­تەۋلى مەرزىمگە جالعا الا الادى. سونىمەن بىرگە, ۇكىمەت شەتەل­دىك­تەرگە ۋاقىتشا جالعا بەرىلۋى ءمۇم­كىن جەر تەلىمدەرىنىڭ اۋقىمى­نا شەكتەۋ قويادى. جەردى ءتيىمسىز پايدالانۋ فاكتىسى انىقتالعان جاعدايدا ونى ماجبۇرلەپ قايتارىپ الۋعا دەيىن باراتىن قاتاڭ اكىمشىلىك شارالار قولدانىلاتىن بولادى. تەك قازاقستان رەسپۋب­لي­كا­سىنىڭ ازاماتتارى مەن مەم­لە­كەت­تىك ەمەس زاڭدى تۇل­عا­لارى­­نىڭ عانا اۋىلشارۋاشىلىق ماقساتتاعى جەرلەرگە جەكەمەن­شىك قۇقىعى بار. ءوز جەرىمىزگە يەلىك ەتۋ قۇقىعى تەك قانا قازاقستان حالقىنا تيە­سىلى. بۇل – مىزعىمايتىن قاعيدات ءجا­نە ءبىزدىڭ مەملەكەتىمىزدىڭ ناقتى ۇستانىمى.