اقتوبە. 28 ءساۋىر. اقتوبە قالاسىنداعى «نۇر اقتوبە» شاعىن اۋدانىندا «وڭىرلەردى دامىتۋ — 2020» مەملەكەتتىك باعدارلاماسى اياسىندا «جاس وتباسىلارعا ارنالعان تۇرعىن ءۇي» باعىتى بويىنشا بوي كوتەرگەن توعىز قاباتتى جاڭا ءۇيدىڭ پاتەرلەرىنىڭ كىلتتەرىن يەلەرىنە سالتاناتتى جاعدايدا تاپسىرۋ شاراسى وتكىزىلىپ, وسىنشاما جاس وتباسى قۋانىش قۇشاعىنا بولەندى. بۇل تۋرالى egemen.kz ءتىلشىسى حابارلادى.
سالتاناتتى شارادا ءسوز العان قالا اكىمىنىڭ ورىنباسارى قۋانتقان ءالىموۆ جاس وتباسىلاردى مەرەكە قارساڭىنداعى مەرەيلى ساتتەرىمەن قۇتتىقتادى.
«ءۇش جىلدان بەرى وبلىستا «وڭىرلەردى دامىتۋ — 2020» مەملەكەتتىك باعدارلاماسى اياسىندا جۇيەلى جۇمىستار جۇرگىزىلۋدە .«تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ بەلسەندى جۇمىس جۇرگىزۋىمەن 234 جاس وتباسى جالدامالى پاتەرگە قول جەتكىزىپ وتىر.ەلباسىنىڭ تاپسىرماسى اياسىندا جۇزەگە اسىرىلىپ جاتقان وسىنداي يگى ىستەر الدادا جالعاسىن تابادى», دەدى ول .
شارا بارىسىندا قالا اكىمىنىڭ ورىنباسارى قۋانتقان ءالىموۆ پەن «تۇرعىن ءۇي قۇرىلىس جيناق بانكى» اق وبلىستىق فيليالىنىڭ باسشىسى نۇرلان كۇزەمباەۆ جاس وتباسىلارىنا پاتەر كىلتتەرىن سالتاناتتى جاعدايدا تاپسىرىپ, لەنتا قيۋ ءراسىمىن جاسادى
سالتاناتتى راسىمدە قۋانىش يەلەرى اتىنان ءسوز سويلەگەن ەركەبۇلان قانيەۆ ەلباسىنىڭ باستاماسىمەن جۇزەگە اسىرىلىپ جاتقان مەملەكەتتىك باعدارلامانىڭ جاس وتباسىلار ءۇشىن تيىمدىلىگى زور ەكەنىن ايتىپ, قالا اكىمدىگى مەن «تۇرعىن ءۇي قۇرىلىس جيناق بانكى» اق وكىلدەرىنە العىس سەزىمىن جەتكىزدى.
پاتەر كىلتتەرى قولدارىنا تيگەن جاس وتباسىلار جاقسى باستامانىڭ باسىندا بولىپ, اۋلاعا جاس اعاش كوشەتتەرىن وتىرعىزدى.
ساتىبالدى ءساۋىرباي.
دەرەك, فوتو: egemen.kz
