قارتتار ءاردايىم اسكەريلەر نازارىندا

قازاقستان قارۋلى كۇشتەرىنىڭ اسكەري قىزمەتشىلەرى وزدەرىنىڭ جاۋىنگەرلىك دايارلىعىن ارتتىرۋعا ۇلگەرىپ قانا قويماي, سونىمەن بىرگە, ۇلى وتان سوعىسىنىڭ اردا­گەرلەرىنە, قامقورلىق پەن ىقى­لاسقا مۇقتاج ادامداردىڭ بار­لىعىنا ارناپ قايىرىمدىلىق ءىس-شارالارىن وتكىزۋدە. استانا قالاسىنىڭ قارتتار ۇيىندە وتان قورعاۋشى كۇنى قارساڭىندا 68665 اسكەري ءبولىمىنىڭ 70-تەن اسا اسكەري قىزمەتشىسى ارداگەرلەر مەن قاريالارعا كومەك كورسەتتى.  وسى ءبولىمنىڭ وفيتسەرلەرى مەن سەرجانتتارى اجەيلەر مەن اتالارعا ۇدايى بارىپ, حال-جاعدايلارىن سۇراستىرىپ تۇرادى. ولارعا شارۋا­شىلىق بويىنشا قولعابىس ەتەدى, باۋ-باقشانىڭ جەرىن قازىپ بەرەدى, اۋماقتارىن تازالايدى, كۇركەلەر مەن ورىندىقتاردى جوندەيدى. «ارداگەرلەرگە قولۇشىن سوزا الا­تىنىمىزعا قۋانىشتىمىز. مىنەكي, ءبىز ەكىنشى جىل قاتارىنان كەلىپ, كومەك كورسەتىپ جاتىرمىز. ولارمەن اڭگىمە-دۇكەن قۇرامىز, كونتسەرتتەر وتكىزەمىز, ءارتۇرلى ءىس-شارالار ۇيىم­داستىرامىز.  مۇنىڭ بارلىعى ءبىز­گە پاتريوتيزم ساباق­تارىن, ءداس­تۇر ساباق­تاستىعىن بەرەدى. قامقورلىققا مۇقتاج جانداردىڭ جانىندا بولۋ ءبىز ءۇشىن ۇلكەن قۇرمەت», – دەدى 68665 اسكەري ءبولىمىنىڭ ۆزۆود كومانديرى, اعا لەيتەنانت دياس احمەتوۆ. «جاس جىگىتتەر بىزگە ۇنەمى كەلىپ تۇرادى جانە شارۋاشىلىق جۇمىس­­تارعا كومەكتەسەدى, قىزمەت تۋرا­لى حيكايالارىمەن بولىسەدى. ەر­لىك ساباقتارى مەن كونتسەرت­تەر وتكى­زەدى. بوزبالالاردىڭ وتانعا ادال قىز­مەت ەتىپ, ءبىزدى ۇمىت­پايتىندارى قۋان­تادى», – دەدى ۇلى وتان سوعى­سىنىڭ ارداگەرى ولەگ ليننيك. قازاقستان قارۋلى كۇشتەرىنىڭ اسكەري قىزمەتشىلەرى قايىرىمدىلىق ءىس-شارالارىن ۇدايى وتكىزىپ تۇراتى­نىن ايتا كەتەيىك. بالالار ءۇيى مەن قارت­تار ءۇيىن, ۇوس ارداگەرلەرىن قام­قور­لىققا الادى. جان جىلۋى مەن قام­قورلىققا ءزارۋ جاندارعا كومەكتەسەدى. «ەگەمەن-اقپارات»