وتان – وتتان دا ىستىق

ەلباسى نۇرسۇلتان ءابىش ۇلىنىڭ باستاماسىمەن قۇرىلعان قازاقستان حالقى اسسامبلەياسى ءوزىنىڭ 25 جىل­دىعىن اتاپ وتكەلى وتىرعان تاۋەلسىز قوعامىمىزدىڭ سەنىمدى قوزعاۋشى كۇشىنە اينالدى. ونىڭ بيىك ءمىن­بەرىنەن تاريحي ءارى تاعدىرشەشتى ماسە­لەلەر كوتەرىلىپ, كوپۇلتتى حال­قى­­مىزدى ۇيىستىرۋ ارقىلى ور­تاق تا­بىستارعا قول جەتكىزۋدەمىز. مىنە, كۇنى كەشەگى بارشامىزدىڭ نازارىمىزدى اۋدارعان قازاقستان حالقى اسسامبلەياسىنىڭ سەسسياسى پاتريوتتىق اكتى قابىلداۋ ارقىلى بەيبىت تىرشىلىگىمىزدىڭ جاڭا كەزەڭى­نە قادام جاسادى. ەڭ الدىمەن, ءماجىلىستىڭ عاسىر قۇبىلىسى سانال­عان اسەم استانامىزداعى بەي­بىت­شى­لىك جانە كەلىسىم  سارايىندا وتكى­زىلۋىنىڭ ايرىقشا ماڭىزى بارى انىق. سونداي-اق, قازاقستان حالقى اسسامبلەياسىنىڭ «تاۋەلسىزدىك. كەلىسىم. بولاشاعى ءبىرتۇتاس ۇلت» كۇن تارتىبىمەن اشىلعان XXIV سەسسياسىندا ەلباسى نۇرسۇلتان نازارباەۆتىڭ ساليقالى ءسوز سويلەۋى سەسسيا سالماعىن ەسەلەي ءتۇستى. ەلباسى, اسسامبلەيا توراعاسى نۇرسۇلتان ءابىش ۇلى: «بۇگىنگى قازاق­ستان حالقى اسسامبلەياسىنىڭ سەس­سيا­سى ەسىمىزدە ساقتالدى دەپ وي­لاي­مىن, ويتكەنى, بۇل كۇننەن باستاپ ەلى­مىز­دەگى بەيبىتشىلىك پەن كەلىسىمنىڭ جاڭا كەزەڭى اشىلادى. ءبىز «ماڭگىلىك ەل» پات­ريوتتىق اكتىسىن سالتاناتتى جاع­دايدا قابىلدا­دىق. «ماڭگىلىك ەل» پات­ريوتتىق اكتىسى بەيبىتشىلىك پەن كە­لى­سىمنىڭ جاڭا كەزەڭىن پاش ەتەدى, دەدى. سونىمەن قاتار, ەلباسى اكتى ارقىلى بارشا قازاقستاندىقتاردىڭ دوستىق, بەيبىتشىلىك پەن كەلىسىمنىڭ بىرىڭعاي قۇجاتى قابىلدانعانىن اتاپ ءوتتى. قازاقستان پرەزيدەنتىنىڭ «پاتريوتتىق اكتىدە ۇلى قۇندى­لىق­تار قامتىلىپ وتىر. ونداي قۇن­دى­لىقتار – ءبىزدىڭ حالقىمىزدىڭ ەرىك-جىگەرىنىڭ, دانا شەشىمىنىڭ كورىنىسى. اكت كابينەتتەردە ويلاستىرىلعان قۇجات ەمەس, ول – تاۋەلسىزدىگىمىزدىڭ جەمىسى», – دەپ بولەكتەپ ايتۋى تاۋەلسىزدىگىمىزدىڭ ەل رۋحىن بيىككە كوتەرگەندىگىن بىلدىرەدى. وتانشىلدىق – بولاشاعى ءبىر­تۇتاس ۇلتتىڭ باعا جەتپەس قۇندى­لىعى, اينىماس ۇستانىمى. حالىقتىڭ رۋحىن شىنايى پاتريوتيزم كوتەرەتىنىن دالەلدەپ جاتۋدىڭ قاجەتى جوق. وسى تۇرعى­دان العاندا, ەلباسىنىڭ وتان­نىڭ وتتان دا ىستىق ەكەندىگى ءجونىن­دەگى قاعيدانىڭ باعاسىن جۇرەكتەر­گە جەتكىزە بىلگەنىنە ريزامىز. قولىن­دا وسىنداي اسىل قۇندىلىعى بار قازاق­ستان «ماڭگىلىك ەل» ەسى­گىن سە­نىممەن اشاتىنىنا نىق سەنىمدىمىز.    ساكەن ەرعاليەۆ, «نۇر وتان» پارتياسى اقكول اۋداندىق فيليالى توراعاسىنىڭ ءبىرىنشى ورىنباسارى