قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بىرلەسكەن بۇيرىعى

2015 جىلعى 27 اقپان №200 استانا قالاسى قازاقستان رەسپۋبليكاسى ەنەرگەتيكا مينيسترلىگىنىڭ 2015 جىلعى 27 اقپان №155 استانا قالاسى بىرلەسكەن بۇيرىعى جەر قويناۋىن پايدالانۋ وبەكتىلەرىن جويۋ جانە  كونسەرۆاتسيالاۋ قاعيدالارىy بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» 2010 24 ماۋسىمداعى قازاقستان رەسپۋبليكاسىنىڭ زاڭى 19-بابىنىڭ 12) تارماقشاسىنا سايكەس بۇيىرامىن: 1. قوسا بەرىلىپ وتىرعان جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ .مينيسترلىگىنىڭ جەر قويناۋى جانە جەر قويناۋىن پايدالانۋ دەپارتامەنتى: 1) وسى بۇيرىقتىڭ زاڭنامامەن بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينتەرنەت-پورتالىندا ورنالاستىرىلۋىن; 4) وسى بۇيرىق قازاقستان رەسپۋبليكاسى اديەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ. ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ەنەرگەتيكا ءبىرىنشى ۆيتسە-ءمينيسترى ۇ.س.قارابالينعا جانە قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ا.پ.راۋعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن ەتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ قازاقستان رەسپۋبليكاسىنىڭ ەنەرگەتيكا ءمينيسترى ۆ.شكولنيك «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى _________________ ە.دوساەۆ 2015 جىلعى 15 مامىر قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 27 اقپانداعى №200 جانە قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 27 اقپانداعى №155 بىرلەسكەن بۇيرىعىمەن بەكىتىلگەن جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ قاعيدالارى 1. جالپى ەرەجەلەر 1. وسى جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ قاعيدالارى (بۇدان ءارى – قاعيدالار) «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭىنا سايكەس ازىرلەندى جانە جەر قويناۋىن مەملەكەتتىك گەولوگيالىق زەرتتەۋگە, بارلاۋعا جانە وندىرۋگە قاتىستى, ونىڭ ىشىندە جەر استى سۋلارىن, ەمدىك بالشىقتى بارلاۋعا جانە وندىرۋگە قاتىستى جەر قويناۋىن سارقىندى سۋلاردى اعىزۋ ءۇشىن بارلاۋمەن, سونداي-اق جەر قويناۋىن پايدالانۋ وبەكتىسىنىڭ تەحنولوگيالىق بىرلىكتەرىن (بلوكتار, پانەلدەر, قازبالار, ءتۇرلى ماقساتتاعى مۇناي جانە گاز ۇڭعىمالارى) قوسپاعاندا, بارلاۋ مەن (نەمەسە) وندىرۋمەن بايلانىستى ەمەس جەراستى قۇرىلىستارىن سالۋعا جانە (نەمەسە) پايدالانۋعا قاتىستى جۇمىستار جۇرگىزىلىپ جاتقان نەمەسە جۇرگىزىلگەن جەر قويناۋىن پايدالانۋ وبەكتىلەرىن تاراتۋ جانە كونسەرۆاتسيالاۋ ءتارتىبىن ايقىندايدى. 2. قاعيدالاردا مىناداي ۇعىمدار پايدالانىلادى: 1) جەر قويناۋىن پايدالانۋ وبەكتىسىن جويۋ - جەر قويناۋىن پايدالانۋ جونىندەگى وپەراتسيالاردى جۇرگىزۋمەن بايلانىستى قىزمەت سالدارلارىن, سونداي-اق جوبالاۋ قۇجاتتارى مەن جۇمىس باعدارلاماسىنا سايكەس پايدالى قازبالار قورلارى تولىق وڭدەلگەن جاعدايدا جويۋ جونىندەگى ءىس-شارالار; 2) جەر قويناۋىن پايدالانۋ وبەكتىسىن كونسەرۆاتسيالاۋ – جەر قويناۋىن نەمەسە ونىڭ ءبىر بولىگىن پايدالانۋ جونىندەگى وپەراتسيالاردى توقتاتۋ كەزىندەگى, سونداي-اق جوبالاۋ قۇجاتتارى مەن جۇمىس باعدارلاماسىنا سايكەس پايدالى قازبالار قورلارى تولىق وڭدەلگەن جاعدايدا كونسەرۆاتسيالاۋ جونىندەگى ءىس-شارالار. 3. جەر قويناۋىن پايدالانۋ وبەكتىلەرىن جويۋدى جانە كونسەرۆاتسيالاۋدى جۇزەگە اسىراتىن جەر قويناۋىن پايدالانۋشىلارعا مىناداي تالاپتار قويىلادى: 1) جەر قويناۋىن پايدالانۋ وبەكتىلەرىن تاراتۋ جانە كونسەرۆاتسيالاۋ جونىندەگى جۇمىستاردى جۇرگىزگەن كەزدە ادامداردىڭ قاۋىپسىز بولۋىن قامتاماسىز ەتۋ; 2) كونسەرۆاتسيالانعان وبەكتىلەردىڭ ساقتالۋىن قامتاماسىز ەتۋ; 3) عيماراتتار مەن قۇرىلىستاردى جەر قويناۋىن پايدالانۋ سالدارلارىنىڭ زياندى اسەرىنەن (قوزعالىپ كەتۋىنەن, قۇلاۋىنان, كوشكىندەردەن, سۋ باسۋدان, توپىراقتىڭ وتىرۋىنان) قورعاۋ; 4) ەكولوگيالىق جانە سانيتاريالىق-ەپيدەميولوگيالىق تالاپتاردىڭ ساقتالۋىن قامتاماسىز ەتۋ; 5) ونەركاسىپتىك قاۋىپسىزدىك تالاپتارىنىڭ ساقتالۋىن قامتاماسىز ەتۋ, ونىڭ ىشىندە قازاقستان رەسپۋبليكاسىنىڭ ازاماتتىق قورعاۋ سالاسىنداعى زاڭناماسىندا بەلگىلەنگەن تارتىپپەن ونەركاسىپتىك قاۋىپسىزدىك دەكلاراتسياسىن ازىرلەۋ جانە تىركەۋ; 6) جەر قويناۋىن پايدالانۋ وبەكتىسىن جويۋ جانە كونسەرۆاتسيالاۋ جوباسى بويىنشا قورشاعان ورتاعا كەلتىرىلگەن زالالدىڭ سالدارىن جويۋ. 4. جەر قويناۋىن پايدالانۋ وبەكتىلەرىن جويۋ اياقتالعاننان كەيىن جەر قويناۋىن پايدالانۋشى كۇنتىزبەلىك وتىز كۇن ىشىندە وبلىستىڭ, رەسپۋبليكالىق ماڭىزى بار قالانىڭ نەمەسە استانانىڭ جەرگىلىكتى اتقارۋشى ورگانىن ونى باسقا شارۋاشىلىق ماقساتتاردا پايدالانۋ ءۇشىن حاباردار ەتەدى. 2. جەر قويناۋىن پايدالانۋ وبەكتىسىن جويۋ جانە كونسەرۆاتسيالاۋ ءتارتىبى 5. جەر قويناۋىن پايدالانۋ وبەكتىسىن جويۋ جانە كونسەرۆاتسيالاۋ ءۇشىن جەر قويناۋىن پايدالانۋشى قۇزىرەتتى ورگانعا جانە قورشاعان ورتانى قورعاۋ سالاسىنداعى ۋاكىلەتتى ورگانعا جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ جونىندەگى جۇمىستاردىڭ باستالۋىنىڭ جانە اياقتالۋىنىڭ بولجامدى مەرزىمدەرىن كورسەتە وتىرىپ, كۇتىلىپ وتىرعان جويۋدىڭ نەمەسە كونسەرۆاتسيالاۋدىڭ قاجەتتىلىگى تۋرالى جازباشا حابارلامانى جىبەرەدى. حابارلاماعا مىنالار قوسا بەرىلەدى: 1) جەر قويناۋىن پايدالانۋ وبەكتىلەرىن جويۋدىڭ جانە كونسەرۆاتسيالاۋدىڭ قاجەتتىلىگىن نەگىزدەيتىن تەحنيكالىق-ەكونوميكالىق نەگىزدەمە جانە ەكونوميكالىق ەسەپ; 2) پايدالى قازبالاردىڭ قالعان وڭدەلمەگەن, ونىڭ ىشىندە الدىن الا قورعانۋ جانە باسقا دا ماقساتتاعى قورلارى تۋرالى, ىلەسپە وندىرىلگەن, ۋاقىتشا پايدالانبايتىن پايدالى قازبالاردىڭ بار بولۋى تۋرالى, سونداي-اق پايدالى كومپونەنتتەرى, زياندى جانە ۋلى زاتتارى بار جانە جوق ءوندىرىس قالدىقتارى (قالدىق ساقتاۋىشتاردا, ۇيىندىلەردە) تۋرالى مالىمەتتەر; 3) جەر قويناۋىن پايدالانۋشىمەن كەلىسىلگەن جانە بەكىتىلگەن جەر قويناۋىن پايدالانۋ وبەكتىسىن جويۋ جانە كونسەرۆاتسيالاۋ جوباسى. وسى قاعيدالاردىڭ 5- تارماعىنىڭ 1) 2) 3) تارماقشالارىندا كورسەتىلگەن قۇجاتتار پايدالى قازبالار قورلارىنىڭ ءىس جۇزىندەگى جاي-كۇيى, جەر قويناۋىن پايدالانۋ وبەكتىسىنىڭ, جەر بولۋمەن شەكتەلگەن جەر ءۇستىنىڭ جاي-كۇيى تۋرالى اقپاراتتى تولىق كورسەتۋگە ءتيىس. 6. جەر قويناۋىن پايدالانۋ وبەكتىلەرى جانە قورشاعان ورتانى قورعاۋ سالاسىندا جەر قويناۋىن زەرتتەۋ جانە پايدالانۋ جونىندەگى, ونەركاسىپتىك قاۋىپسىزدىك , سانيتارلىق – ەپيدەميولوگيالىق قىزمەت سالاسىنداعى, جەر رەسۋرستارىن پايدالانۋ جونىندەگى جۇمىستاردى ورىنداۋعا جانە قىزمەتتەردى كورسەتۋگە ءتيىستى ليتسەنزياسى بار جوبالاۋشى ۇيىم ازىرلەگەن جانە جەر قويناۋىن پايدالانۋشى بەكىتكەن جويۋ نەمەسە كونسەرۆاتسيالاۋ جوباسىنا سايكەس جويىلادى نەمەسە كونسەرۆاتسيالانادى. 7. جويۋ جانە كونسەرۆاتسيالاۋ جوباسى مىناداي قۇجاتتاردى قامتيدى: 1) جەر قويناۋىن پايدالانۋ وبەكتىسىن تيىسىنشە دايىنداۋ جانە تىكەلەي جويۋ جانە كونسەرۆاتسيالاۋ جونىندەگى ماسەلەلەر كورسەتىلەتىن تۇسىندىرمە جازبا; 2) وسى جەر قويناۋىن پايدالانۋ وبەكتىسىنىڭ تاۋ-كەن نەمەسە گەولوگيالىق ءبولىنۋىنىڭ شەگىندەگى جەر قويناۋىنىڭ ءىس جۇزىندەگى جاي-كۇيىن تولىق كورسەتەتىن گەولوگيالىق, ماركشەيدەرلىك جانە گرافيكالىق قۇجاتتاما; 3) پايدالى قازبالار كەن ورىندارىنىڭ جەر بەتى توپوگرافيالىق جوسپارلارىنىڭ, گەولوگيالىق كارتاسىنىڭ, بولىنىستەرىنىڭ جانە دەڭگەي جيەگى جوسپارلارىنىڭ كوشىرمەلەرى; 4) جويىلاتىن نەمەسە كونسەرۆاتسيالاناتىن جەر قويناۋىن پايدالانۋ وبەكتىلەرىن, سونداي-اق باسقا دا وندىرىستىك وبەكتىلەردى ورنالاستىرۋ سحەمالارى. 8. جويۋ جانە كونسەرۆاتسيالاۋ جوباسى مىناداي ءىس-شارالاردى قامتيدى: 1) حالىقتىڭ جانە پەرسونالدىڭ قاۋىپسىزدىگىن قامتاماسىز ەتۋ, جەر قويناۋىن جانە قورشاعان ورتانى, عيماراتتار مەن قۇرىلىستاردى قورعاۋ جونىندەگى ءىس-شارالاردى, ونىڭ ىشىندە سۋدىڭ, گازدىڭ توگىلۋىن, جەر استى ورتتەرىنىڭ تارالۋىن بولدىرماۋ جونىندەگى ءىس-شارالاردى; 2) جەر استى سۋلارىنىڭ لاستانۋىن بولدىرماۋ جونىندەگى ءىس-شارالار; 3) پەرسونال مەن حالىقتىڭ رادياتسيالىق قاۋىپسىزدىگىن قامتاماسىز ەتۋ جونىندەگى ءىس-شارالار; 4) جەر قويناۋىن پايدالانۋ وبەكتىسىن جويۋدىڭ جانە كونسەرۆاتسيالاۋدىڭ قورشاعان ورتاعا اسەرىن باعالاۋ; 5) كونسەرۆاتسيالاۋ كەزەڭىندە كونسەرۆاتسيالانعان جەر قويناۋىن پايدالانۋ وبەكتىسىن سانكتسيالانباعان پايدالانۋدى جانە وعان قول جەتكىزۋدى بولدىرمايتىن شارالار; 6) ءوندىرۋدى توقتاتۋ تۋرالى شۇعىل شەشىم بولعان جاعدايدا, ولاردى جويۋ جانە كونسەرۆاتسيالاۋ باستالعانعا دەيىن وندىرىستىك وبەكتىلەردى ساقتاپ قالۋدى قامتاماسىز ەتەتىن كەشەندى ءىس-شارالاردى وتكىزۋ بويىنشا شارا قابىلداۋ; 7) جويۋدى جۇرگىزۋ بارىسىنداعى ب ۇلىنەتىن جەرلەردى رەكۋلتيۆاتسيالاۋ جونىندەگى ءىس-شارالار. 8) كونۆەرۆاتسيالاۋ جوباسى كونسەرۆاتسيالاۋدا تۇرعان وبەكتىدە شارۋاشىلىق قىزمەتكە جول بەرمەۋ جونىندەگى شارالاردى كوزدەۋى ءتيىس. 9. جويۋ جوباسى ازىرلەۋگە بەرىلگەن تاپسىرما نەگىزىندە ازىرلەنەدى جانە جەر قويناۋىن پايدالانۋ وبەكتىلەرى ورنالاسقان جەر ۋچاسكەلەرىن, جەر ۋچاسكەلەرىن پايدالانۋ ەرەكشەلىكتەرى مەن رەجيمىنىڭ جانە جەرگىلىكتى جاعدايلاردىڭ باعىتتارىنا قاراي, ولاردى شارۋاشىلىق اينالىمعا تارتۋ ماقساتىندا ودان ءارى پايدالانۋ ءۇشىن جارامدى جاي-كۇيگە كەلتىرۋ جونىندەگى ءىس-شارالاردى كوزدەۋى ءتيىس. جەر قويناۋىن پايدالانۋ وبەكتىلەرىن كونۆەرساتسيالاۋ جوباسى, كونسەرۆاتسيالاۋ مەرزىمدەرىن ءاربىر ناقتى جاع­داي­دا كونسەرۆاتسيالاۋ جوسپارىندا كوزدەلەتىن ۋاكىلەتتى ورگانمەن كەلىسىم بويىنشا جەر قويناۋىن پايدالانۋشى بەلگىلەيدى. كونسەرۆاتسيالاۋدا تۇرعان وبەكتى اۋماقتاردى وپىرىلۋىن كوزدەيدى, قورشالادى جانە قورشاۋعا كونسەرۆاتسيالاناتىن وبەكتىنىڭ اتى جانە وبەكتىنى كونسەرۆاتسيالاۋ كۇنى كورسەتىلگەن تاقتايشا ورناتىلادى. 10. قورشاعان ورتانى قورعاۋ سالاسىنداعى, جەر قويناۋىن زەرتتەۋ جانە پايدالانۋ جونىندەگى, ونەركاسىپتىك قاۋىپسىزدىك, سانيتاريالىق-ەپيدەميولوگيالىق قىزمەتى سالاسىنداعى, جەر رەسۋرستارىن باسقارۋ جونىندەگى ۋاكىلەتتى ورگاندار كۇنتىزبەلىك وتىز كۇننەن اسپايتىن مەرزىمدە جەر قويناۋىن پايدالانۋشى بەكىتكەن جويۋ نەمەسە كونسەرۆاتسيالاۋ جوباسىن قارايدى, ال قايتا كەلىسكەن جاعدايدا, جويۋ جانە كونسەرۆاتسيالاۋ جوباسىن ۋاكىلەتتى ورگانداردىڭ قاراۋ مەرزىمى ون بەس كۇنتىزبەلىك قۇرايدى. 11. جويۋ جانە كونسەرۆاتسيالاۋ جوباسىن, جوبانى جوبالاۋ جانە ىسكە اسىرۋ جونىندەگى جۇمىستاردى جۇرگىزۋدى قارجىلاندىراتىن جەر قويناۋىن پايدالانۋشى بەكىتەدى, وبەكتىنى جويۋعا جانە كونسەرۆاتسيالاۋعا بايلانىستى جۇمىستاردى قارجىلاندىرۋ جويۋ قورى قاراجاتىنىڭ ەسەبىنەن جۇزەگە اسىرىلادى. ەگەر جەر قويناۋىن پايدالانۋ وبەكتىلەرىن جويۋعا ناقتى شىعىندار جويۋ قورىنىڭ مولشەرىنەن اسىپ تۇسسە, وندا جەر قويناۋىن پايدالانۋشى جەر قويناۋىن پايدالانۋ وبەكتىلەرىن جويۋدى قوسىمشا قارجىلاندىرۋدى جۇزەگە اسىرادى. ەگەر جويۋعا ناقتى شىعىندار جويۋ قورىنىڭ مولشەرىنەن از بولسا, وندا قالعان اقشا جەر قويناۋىن پايدالانۋشىدا قالادى. 12. جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ جونىندەگى جۇمىستاردى جۇرگىزۋ بەكىتىلگەن جوباعا تولىق سايكەس جۇزەگە اسىرىلۋعا ءتيىس. 13. جەر قويناۋىن پايدالانۋ وبەكتىسىن جويۋ جانە كونسەرۆاتسيالاۋ جونىندەگى جۇمىستاردى قابىلداۋ ولاردىڭ اياقتالۋى بويىنشا قۇزىرەتتى ورگان قورشاعان ورتانى قورعاۋ سالاسىنداعى, جەر قويناۋىن زەرتتەۋ مەن پايدالانۋ جونىندەگى, ونەركاسىپتىك قاۋىپسىزدىك, سانيتاريالىق-ەپيدەميولوگيالىق قىزمەت سالاسىنداعى, جەر رەسۋرستارىن باسقارۋ جونىندەگى ۋاكىلەتتى ورگانداردىڭ جانە وبلىستىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنىڭ وكىلدەرىنەن قۇراتىن كوميسسيا جۇزەگە اسىرادى. كوميسسيا قۇرامىن ءار جەكە جاعداي بويىنشا قۇزىرەتتى ورگان بەكىتەدى. شەشىمدەر جويۋ جانە كونسەرۆاتسيالاۋ جوباسىندا كوزدەلگەن ورىندالعان جۇمىستاردىڭ تولىقتىعى مەن ساپاسىن اۋىستىرۋ قۇقىعىنسىز كوميسسيانىڭ ءاربىر مۇشەسىنىڭ تىكەلەي قاراپ تەكسەرۋى مەن باعالاۋى نەگىزىندە قابىلدانادى. جويۋ جانە كونسەرۆاتسيالاۋ وبەكتىسىن تىكەلەي قاراپ تەكسەرگەن ساتتەن باستاپ بەس جۇمىس كۇنى ىشىندە وسى قاعيدالارعا 1-قوسىمشاعا سايكەس جەر قويناۋىن پايدالانۋ وبەكتىسىن جويۋ جانە كونسەرۆاتسيالاۋ جونىندەگى جۇمىستاردى قابىلداۋ اكتىسى (بۇدان ءارى قابىلداۋ اكتىسى) جاسالادى. قابىلداۋ اكتىسىنە مىنالار قوسا بەرىلۋى ءتيىس: 1) جويىلعان نەمەسە كونسەرۆاتسيالانعان جەر قويناۋىن پايدالانۋ وبەكتىلەرىن جانە باسقا وندىرىستىك وبەكتىلەردى ورنالاستىرۋ جوسپارلارى; 2) جويۋ جانە كونسەرۆاتسيالاۋ جوباسىندا كوزدەلگەن ءىس جۇزىندە ورىندالعان جۇمىستاردىڭ تىزبەسى مەن كولەمى; 3) جەر قويناۋىن پايدالانۋ وبەكتىسىن جويۋعا جانە كونسەرۆاتسيالاۋعا ءىس جۇزىندە جۇمسالعان شىعىندار تۋرالى انىقتاما. كوميسسيا ءوز قىزمەتىن قابىلداۋ اكتىسىنە قول قويعان ساتتەن باستاپ توقتاتادى. جەر قويناۋىن پايدالانۋ وبەكتىسىن جويۋ نەمەسە كونسەرۆاتسيالاۋ بويىنشا جۇمىستاردى قابىلداۋ اكتىسىن قورشاعان ورتانى قورعاۋ سالاسىنداعى ۋاكىلەتتى ورگانعا ول قورشاعان ورتانى قورعاۋ سالاسىنداعى ۋاكىلەتتى ورگانعا كەلىپ تۇسكەن كۇننەن باستاپ ون بەس جۇمىس كۇنى ىشىندە ۋاكىلەتتى ورگان بەكىتەدى. ونى العاننان كەيىن گەولوگيالىق, ماركشەيدەرلىك جانە وزگە دە قۇجاتتامانى جەر قويناۋىن پايدالانۋشىلار اياقتالۋ كەزىندە تولتىرادى جانە قابىلداۋ اكتىسىنە قول قويىلعان ساتتەن باستاپ كۇنتىزبەلىك وتىز كۇننەن اسپايتىن مەرزىمدە جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگانعا ساقتاۋ ءۇشىن ۇسىنادى. وسى قاعيدالاردىڭ 13- تارماعى 1) 2) 3) تارماقشالارىندا كورسەتىلگەن قۇجاتتار پايدالى قازبالار كەن ورىندارى قورىنىڭ جانە پايدالانىلۋ دارەجەسىنىڭ قالدىق جاي-كۇيىن, وندىرىستىك وبەكتىلەردىڭ, وسى جەر بەتىنىڭ ۋچاسكەسىندەگى جەر بەدەرىنىڭ جاي-كۇيىن كورسەتەدى. 14. جويىلاتىن جەر قويناۋىن پايدالانۋ وبەكتىلەرىنىڭ تىزبەسىن وسى قاعيدالارعا 2-قوسىمشاعا سايكەس جانە كونسەرۆاتسيالاناتىن جەر قويناۋىن پايدالانۋ وبەكتىلەرىنىڭ تىزبەسىن وسى قاعيدالارعى 3-قوسىمشاعا سايكەس نىسان بويىنشا جەر قويناۋىن زەرتتەۋ جانە پايدالانۋ سالاسىنداعى ۋاكىلەتتى ورگان جۇرگىزەدى. جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ قاعيدالارىنا 1-قوسىمشا ۇلگى جەر قويناۋىن پايدالانۋ وبەكتىسىن نەمەسە ونىڭ ءبىر بولىگىن جويۋ نەمەسە كونسەرۆاتسيالاۋ جونىندەگى جۇمىستاردى قابىلداۋ اكتىسى 20___ جىلعى « ___ » _______ № ________ ______________________________________________________________________________________________ ______________________________________________________________________________________________ (جەر قويناۋىن پايدالانۋ وبەكتىسىنىڭ نەمەسە ونىڭ ءبىر بولىگىنىڭ اتاۋى) _______________________________________________________________________________________________ _____________________________________________________________________________________________ (كوميسسيانى قۇرعان ورگاننىڭ اتاۋى) 20____ جىلعى «____» _________№ ____________________ بۇيرىعىمەن تاعايىندالعان ______________________________________________________________________________________________ ______________________________________________________________________________________________ ______________________________________________________________________________________________ _______________________________________________________________________________________________ (كوميسسيانىڭ ءاربىر مۇشەسىنىڭ تەگى, اتى, اكەسىنىڭ اتى جانە اتقارىپ وتىرعان لاۋازىمى) _____________________________________________________________________________________________ _____________________________________________________________________________________________ ______________________________________________________________________________________________ ___________________________________قۇرامىنداعى كوميسسيا جويىلعان (كونسەرۆاتسيالانعان) جەر قويناۋىن پايدالانۋ وبەكتىسىن (وبەكتىنىڭ ءبىر بولىگىن) قاراپ تەكسەردى جانە قازاقستان رەسپۋبليكاسىنىڭ جەر قويناۋى جانە جەر قويناۋىن پايدالانۋ تۋرالى زاڭناماسىنىڭ جانە جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ قاعيدالارىنىڭ, سونداي-اق جەر قويناۋىن پايدالانۋ وبەكتىسىن (وبەكتىنىڭ ءبىر بولىگىن) جويۋ (كونسەرۆاتسيالاۋ) جوباسىنىڭ تالاپتارىنا سايكەس جەر قويناۋىن پايدالانۋ وبەكتىسىن (وبەكتىنىڭ ءبىر بولىگىن) جويۋ (كونسەرۆاتسيالاۋ) ماقساتىندا جۇزەگە اسىرىلعان جۇمىستاردىڭ تولىقتىعى مەن ساپاسىن سيپاتتايتىن بارلىق ۇسىنىلعان قۇجاتتار مەن ماتەريالداردى قارادى. كوميسسيانىڭ شەشىمى: ____________________________________________________________________________ _______________________________________________________________________________________________ _____________________________________________________________________________________________ اكتىگە ورىندالعان جۇمىستاردىڭ تولىقتىعى مەن ساپاسىن كورسەتەتىن گرافيكالىق ماتەريالدار, قۇجاتتار مەن انىقتامالار, ولار بويىنشا جەر قويناۋىن پايدالانۋ جونىندەگى وپەراتسيالار جۇرگىزىلگەن قۇقىق بەلگىلەيتىن قۇجاتتاردىڭ كوشىرمەلەرى قوسا بەرىلەدى. كوميسسيا توراعاسى: كوميسسيا مۇشەلەرى: جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ قاعيدالارىنا 2-قوسىمشا ۇلگى جويىلعان جەر قويناۋىن پايدالانۋ وبەكتىلەرىنىڭ تىزبەسى ر/س № جويىلعان جەر قويناۋىن پايدالانۋ وبەكتىسىنىڭ اتاۋى, ونىڭ اۋماقتىق ورنالاسۋى, جەر قويناۋىن پايدالانۋشى يندەكسى جەر قويناۋىن پايدالانۋ وبەكتىسىنىڭ جويىلعان كۇنى, قابىلداۋ اكتىسىنىڭ كۇنى جەر قويناۋىن پايدالانۋ وبەكتىسىن (ونىڭ ءبىر بولىگىن) جويۋدىڭ نەگىزگى سەبەپتەرى جويۋ جوباسىن ازىرلەگەن ليتسەن­زياتتىڭ اتاۋى جەر قويناۋىن پايدالانۋ وبەكتىسىن (ونىڭ ءبىر بولىگىن) جويۋ تۋرالى اكتىنى بەكىتكەن مەملەكەتتىك ورگاننىڭ اتاۋى جويۋ جونىندەگى ماتە­ريالدار ساقتا­لاتىن وندىرىستىك وبەكتىنىڭ اتاۋى تاۋ-كەن ءبولۋ اكتىسىنىڭ تىزىلىمدىك № جانە ونىڭ بەرىلگەن كۇنى ەسكەرتپە 1 2 3 4 5 6 7 8 9 10 جەر قويناۋىن پايدالانۋ وبەكتىلەرىن جويۋ جانە كونسەرۆاتسيالاۋ قاعيدالارىنا 3-قوسىمشا ۇلگى كونسەرۆاتسيالانعان جەر قويناۋىن پايدالانۋ وبەكتىلەرىنىڭ تىزبەسى ر/س № كونسەرۆا­تسيالانعان وبەكتىنىڭ اتاۋى, ونىڭ اۋماقتىق ورنالاسۋى, جەر قويناۋىن پايدا­لانۋشى يندەكسى جەر قويناۋىن پايدالانۋ وبەكتىسىنىڭ جويىلعان كۇنى, قابىلداۋ اكتىسىنىڭ كۇنى جەر قويناۋىن پايدالانۋ وبەكتىسىن (ونىڭ ءبىر بولىگىن) كونسەرۆا­تسيالاۋدىڭ نەگىزگى سەبەپتەرى جويۋ جوباسىن ازىرلەگەن ليتسەن­زياتتىڭ اتاۋى جەر قويناۋىن پايدالانۋ وبەكتىسىن (ونىڭ ءبىر بولىگىن) كونس­ەرۆا­تسيالاۋ تۋرالى اكتىنى بە­كىت­كەن مەم­لە­كەتتىك ور­گاننىڭ اتاۋى كونسەرۆا­تسيالاۋ جونىندەگى ماتە­ريالدار ساقتا­لاتىن ءوندى­رىستىك وبەك­تىنىڭ اتاۋى تاۋ-كەن ءبولۋ اكتىسىنىڭ ءتىز­ىلىم­دىك № جانە ونىڭ بەرىلگەن كۇنى ەسكەرتپە 1 2 3 4 5 6 7 8 9 10 بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11499 بولىپ ەنگىزىلدى.