ماشينا جاساۋشىلار جيىنى

ماسكەۋدە وداقتار ءۇيىنىڭ كولوننا زالىندا رەسەي ماشينا جاساۋشىلار وداعىنىڭ سەزى ءوتتى. سەزدىڭ باستى تاقىرىبى – كادرلار دايىنداۋ جانە جۇمىس ورىندارىن اشۋ, جوعارى تەحنولو­گيالىق ءوندىرىستى دامىتۋعا باعىت­تالعان ەل دامۋىنىڭ ەكونو­ميكالىق باعىتىنداعى تۇزەتۋلەر جونىندە ۇسىنىستار ازىرلەۋ. شاراعا وداقتىڭ 68 ايماقتىق بولىمشەسىنەن مىڭعا جۋىق دەلە­گاتتار مەن ۋاكىلەتتى وكىلدەر, رە­سەي­لىك وڭىرلەردىڭ باسشىلارى, زاڭ شى­عارۋشى جانە اتقارۋشى بي­لىك­تەردىڭ فەدەرالدىق ورگان­دارىنىڭ, قارجىلىق جانە ءى­س­كەر­­­لىك ورتانىڭ, ازاماتتىق قوعام ينستيتۋتتارىنىڭ وكىل­دەرى, جە­تەكشى ونەركاسىپتىك كور­پو­را­تسيالاردىڭ, ءىرى عىلىمي جانە ءبىلىم بەرۋ مەكەمەلەرىنىڭ باسشىلارى قاتىسۋدا. سەزگە رف پرەزيدەنتى ۆلاديمير پۋتين قاتىستى. سەزد دەلەگاتتارى قوعامدىق ۇيىمنىڭ 5 جىلدىق جۇمىسىنىڭ قورىتىندىسىن شىعارادى جانە رەسەي ماشينا جاساۋشىلار وداعى ورگاندارىنىڭ جاڭا باسشىلىق قۇرامىن سايلادى. ەلىمىز تاراپىنان سەزدە قازاق­ستان ماشينا جاساۋشىلار وداعى باسقارماسىنىڭ توراعاسى م.پىشەمباەۆ ءسوز سويلەدى. ول ءوز سوزىندە قازاقستان رەسەيدى ستراتەگيالىق وداقتاس جانە سەرىكتەس رەتىندە قابىلدايدى, تەك قانا ەكونوميكالىق بايلانىستار جاسايتىن ەل ەمەس, سونداي-اق, جال­پى تاريح, مادەنيەت جانە مەنتاليتەت تە بايلانىستىراتىن ستراتەگيالىق وداقتاسى جانە سەرىكتەسى رەتىندە قابىلدايتىنىن اتاپ ءوتتى. «ەكى مەملەكەتتىڭ ىنتى­ماق­تاس­تىعى, سونىڭ ناتيجەسىندەگى ۇلتتىق ەكونوميكا سالا­لارى ەۋرازيالىق ەكونوميكالىق وداق­­ت­ىڭ قۇرىلۋىمەن جانە جۇمىس ىستەي باستاۋىمەن ايتارلىقتاي ارتا ءتۇستى. ەاەو بىزگە ءوزارا ىقپالداستىقتىڭ جاڭا بەلەستەرىن باعىندىرۋعا, سونىمەن قاتار ەكونوميكالىق ءوسىم ءۇشىن جاڭا مۇمكىندىكتەرگە جول اشادى», دەدى م. پىشەمباەۆ. ماشينا جاساۋ سالاسىنداعى قوسىمشا شىعىنداردى تومەن­دەتۋدى, ەڭبەك ونىمدىلىگىن ارتتىرۋ ءۇشىن ءتيىمدى جۇمىس ىستەۋگە مۇمكىندىك بەرەتىن «عىلىم-تەحنيكا-ءوندىرىس» كەزەڭى بويىنشا عىلىمي-وندىرىستىك كووپەراتسيانى بىرلەسىپ دامىتۋ قاجەتتىلىگى تۋرالى ماسەلەنى كوتەرە وتىرىپ, ماشينا جاساۋشىلار وداعى­نىڭ توراعاسى سەزگە قاتىسۋشىلارعا كرەاتيۆتى جۇمىستار مەن سىن­دارلى سۇحباتتار تىلەدى. «ەگەمەن-اقپارات»