قازاقستاندىق جوبا قازاقشا نەگە سويلەمەيدى؟

«Nurmash» دەپ اتالاتىن قازاقستاندىق ستارتاپ جوباسىنىڭ موبيلدىك قوسىمشاسى ىسكە قوسىلدى. بۇل تۋرالى كەشە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتىلدى. «Nurmash» ەلىمىزدەگى «بولاشاق» باعدار­لاماسى­نىڭ تۇلەكتەرى ويلاپ تاپقان قازاق­­ستاندىق جوبا. مۇنىڭ نەگىزىن­دە تىڭ يدەيانىڭ جات­قانىن ەرەكشە اتاپ وتكەن ءجون, دەيدى جوبا اۆتورلارى. ولار­دىڭ ايتۋىنشا, بۇل – ىڭعايلى ءارi پايدالانۋعا جەڭiل تۇردە ويلاستىرىلعان موبيلدi قوسىمشا فورماتىنداعى مۋلتيمەديالىق ونلاين-قىزمەت. سونداي-اق, جوبا اۆتورلارى IT جوبا ارقىلى ساتۋشى مەن تۇتىنۋشى اراسىندا ءوزارا ءتيىمدى بايلانىس ورناتۋعا بولاتىنىن جەتكىزدى. ساتۋشى ءوز تاۋارىنا جارناما جاسايدى. تۇتىنۋشى بولسا, سول جارنامادان پايدا كورە الادى. كومپانيالار جەكە كابينەتتەرiنە كiرiپ, پرومواكتسيالار ويناتادى, قاتىسۋشىلار سمارتفوندارى ارقىلى اتالعان پرومو­اكتسيالارعا قاتىسىپ, قوماقتى اقشالاي سىيلىقتارعا يە بولادى. ال جىل سو­ڭىن­دا پرومواكتسيالاردىڭ بۇكiل قاتى­­سۋ­شىسىنىڭ اراسىندا iرi دجەك-پوت ويناتىلادى. ول ءۇشىن قوسىمشانى جۇكتەپ, facebook.com, vk.com, plus.google.com نەمەسە Instagram ارقىلى تىركەلۋ كەرەك. سوسىن جەكە كومپانيالار ۇسىنعان پرومواكتسيالاردىڭ بىرەۋىن تاڭداپ, قاتىسۋ قاجەت. قاتىسۋ شارتتارى – قىسقا ۆيدەونى قاراپ شىعۋ, فوتو جاساۋ, فوتومەن الەۋمەتتىك جەلىلەردە ءبولىسۋ نەمەسە ءبىر سۇراققا جاۋاپ بەرۋ. مىنە, اتالعان شارتتاردى ورىنداپ شىققان ادام لوتەرەياعا قاتىسادى. ونىڭ سىياقى قورى از ەمەس. لوتەرەيانىڭ قورىتىندىسى بويىنشا 40-تان استام ادام قىرۋار قارجىنى ۇتا الادى. وسىلايشا, ساتۋشى ءوز تاۋارىنا ارزان ءارى كرەاتيۆتى جارناما جاساسا, تۇتىنۋشى اقى قاجەت ەتپەيتىن شارتتاردى ورىنداپ, اقشالاي سىياقىعا يە بولا الادى. ستارتاپ اياسىندا بۇگىندە 5 ۇلتتىق جانە 3 قالالىق پرومواكتسيا باستالعان. پرومواكتسيالار قاتارىندا الەمدiك فاستفۋد جەلiسiنiڭ ايماقتىق وكiلدiك كومپانياسى, بانك, iرi سۋپەرماركەت پەن قالالىق ساۋدا ويىن-ساۋىق ورتالىقتارى بار. جوبا اۆتورى ءارى «Nurmash-CIS» جشس باس ديرەكتورى ەسكەندىر قاسەنوۆتىڭ ايتۋىنشا, باس كەزىندە ولار وسى جوبانى امەريكا سياقتى ۇلكەن نارىقتا ىسكە اسىرۋدى ويلاعان. «الايدا ونىڭ اۆتورلارى قازاقستاندىق ماماندار بولعاننان كەيىن ءوز ەلىمىزدە باستاۋدى ءجون كوردىك», دەدى ە.قاسەنوۆ. قازىرگى كۇنى جوبانىڭ باس بولىمشەسى اقش-تا ورنالاسقان. «كاسiپكەرلەر ءۇشiن جوبا اسا پايدالى. كومپانيانىڭ جەكە كابينەتiندە اۋديتوريانىڭ قۇرىلىمى, گەوگرافياسى, جاس مولشەرi, ونiمگە قاتىستى تالاپتارى مەن تiلەكتەرi جانە وزگە دە اقپارات بولادى. بارلىق مالiمەت ىڭعايلى گرافيكالىق سىزبا تۇرiندە بەرiلگەن», دەدi ۇيىمداستىرۋشىلار. امەريكادا «ومىرگە كەلىپ», قازاق­ستاندا جۇزەگە اسا باس­تاعان جوبانىڭ موبيلدىك قوسىم­شاسىنا ءبىز دە ءۇڭىلىپ كور­دىك. يدەيا اۆتورلارى ايتقانداي-اق, اقپاراتتىڭ ءبا­رى بار. الايدا, ءبىر اتتە­گەن-ايى, ورىس, اعىلشىن تىلدەرىنە تاڭ­داۋ بولعانىمەن, قازاق ءتىلى جوق. بۇل قازاقستاندىق جىگىتتەر ويلاپ تاپقان جوبا دەپ قانشا ماقتانعانىمىزبەن, جوبانىڭ قازاقشا سويلەۋگە قاۋقارى كەلمەي تۇرعانى كوڭىل قۇلازىتادى ەكەن. تىم بولماسا, ەلىمىزدە ۇشتىلدىلىك ساياساتىنىڭ قولعا الىنعانىن ەسكەرگەن ءجون بولار ما ەدى. يدەيا اۆتورلارى قازىر قا­زاق­ستاندا باستالعان جوبا بولاشاقتا الەمگە تانىمال بولادى دەگەن سەنىمدە. وعان ءمۇم­كىندىگىمىز مول, ارينە. سەبەبى, سوڭ­عى كەزدەگى قازاقستاندىق IT جوبا­لار­دىڭ جايى كوش ىلگەرى تۇزەلىپ, اقپاراتتىق-تەح­­نولوگيالاردىڭ بارىنشا كۇشەيىپ كەلە جاتقانى سۇيسىنۋگە تۇرارلىق. الاي­دا, اتتەڭ, قازاق­ستاندىق جوبالاردىڭ كوپ­شى­لىگىنىڭ قازاقشا سويلەمەيتىنى قىنجىلتادى. دينارا بىتىكوۆا, «ەگەمەن قازاقستان»