ورالدا جاڭا تەاتر جۇمىسىن باستادى

ورال. 28 ناۋرىز. باتىس قازاقستان وبلىسىنىڭ ورتالىعى – ورال قالاسىندا حالىقارالىق تەاتر كۇنى ونەر ۇجىمى جۇمىسىن باستادى. بۇل تۋرالى 24.kz تەلەارناسىنا سىلتەمە جاساعان egemen.kz ءتىلشىسى حابارلادى. تەاتردىڭ رەجيسسەرى ءارى كوركەمدىك جەتەكشىسى بەلگىلى اكتەر – ەركىن تاسبولات. « ۇلى دالا» اتاۋىن يەلەنگەن تەاتر كەلەشەكتە الەمدىك دەڭگەيدەگى شىعارمالاردى ساحنالاۋدى ماقسات ەتەدى. ازىرگە نەگىزگى كورەرمەنى – جەتكىنشەكتەر. سوندىقتان بولار, تۇساۋكەسەر قويىلىم شىمىلدىعى دا «ساق بول» اتتى حالىق ەرتەگىسىمەن ءتۇرىلدى. بۇل تۋىندىنى كورەرمەن جىلى قابىلدادى. بەزەندىرىلۋى, دەكوراتسيا مەن اكتەرلەردىڭ ويناۋ شەبەرلىگى دە كوپشىلىك كوڭىلىنەن شىقتى. تەاتر ديرەكتورى ايجان حاميدۋللينانىڭ ايتۋىنشا, بۇگىندە ۇجىمنىڭ 5 اكتەرى ونەر سالاسىندا ءبىلىم الىپ ءجۇر. «ودان بولەك, ءبىر مۋزىكالىق وپەراتورىمىز بار. ازىرگە ۇجىمىمىز كىشكەنتاي. سوعان قاراماستان, الداعى ۋاقىتتا وبلىس, رەسپۋبليكا دەڭگەيىندە قالىپ قويماي, قازاقستاننىڭ تۋىن الەمدىك دەڭگەيدە كوتەرىپ, وزگە مەملەكەتكە اپارىپ تانىتقىمىز كەلەدى», – دەيدى ونەر ورداسىنىڭ باسشىسى. تەمىر قۇسايىن. دەرەك, سۋرەت: 24.kz.