استانا. 30 ناۋرىز. بۇگىن مادەنيەت جانە سپورت مينيسترلىگىندە XV جازعى پاراليمپيا ويىندارىنا قاتىساتىن قازاقستان سپورتشىلارىنىڭ دايىندىعىنا ارنالعان جەدەل شتابتىڭ وتىرىسى ءوتتى. وسى جيىندا مينيسترلىكتىڭ سپورت جانە دەنە شىنىقتىرۋ iستەرi كوميتەتiنiڭ توراعاسى ەلسيار قاناعاتوۆ پاراليمپيا ويىندارىنىڭ چەمپيوندارى مەن جۇلدەگەرلەرىنە پاتەر بەرىلەتىنىن ايتتى. بۇل تۋرالى egemen.kz ءتىلشىسى حابارلادى.
«زاڭناماعا سايكەس, پاراليمپيادادا چەمپيون نەمەسە جۇلدەگەر اتانعان سپورتشىلارعا باسپانا بەرۋ مەن اي سايىنعى ماتەريالدىق قولداۋ نورمالارى قاراستىرىلعان. وسى كەزگە دەيىن باسپانا مەن اقشالاي سىياقىنى تەك وليمپيادا چەمپيوندارى مەن جۇلدەگەرلەرى عانا العان ەدى. ەندى جاڭا زاڭ بويىنشا پاراليمپياداشىلار دا ءتيىستى پاتەر مەن سىياقىلارىن الاتىن بولادى. بۇل وتە دۇرىس شەشىم.», دەدى ەلسيار قاناعاتوۆ.
ونىڭ ايتۋىنشا, پاراليمپيادا چەمپيونى 50 000 اقش دوللارىن, كۇمىس جۇلدەگەر 35 000 دوللار, قولا جۇلدەگەر 25 000 دوللار السا, ءتورتىنشى ورىنعا 14 000, بەسىنشى ورىنعا 6 000, التىنشى ورىن العان سپورتشىعا 4 000 اقش دوللارى بەرىلەدى.
داستان كەنجالين.
دەرەك, سۋرەت: egemen.kz
