قاراعاندىدا ءدىني ۇيىمدى ناسيحاتتاعاندار سوتتالدى

قاراعاندى. 28 ناۋرىز. قاراعاندىدا «تابليعي جاماعات» ءدىني ەكسترەميستىك ۇيىمىن ناسيحاتتاعانى ءۇشىن وبلىستىڭ ءۇش تۇرعىنى سوتتالدى. بۇل تۋرالى قاراعاندى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قاراعاندى قالاسىنىڭ قازىبەك بي اۋداندىق №1 سوتى قىلمىستىق كودەكستىڭ 405-بابى, 1-تارماعى بويىنشا ايىپتالعان ءۇش تۇرعىنعا قاتىستى ۇكىم شىعاردى. قىلمىستىق ءىس ماتەريالدارىنا سايكەس, سوتتالۋشىلار قازاقستاندا 2003 جىلدان بەرى «تابليعي جاماعات» ءدىني ەكسترەميستىك ۇيىمىنىڭ ءىس-ارەكەتىنە زاڭمەن تىيىم سالىنعانىن بىلە تۇرا, ونىڭ يدەياارىن وبلىس كولەمىندە بەلسەندى تۇردە ناسيحاتتاپ كەلگەن. قازىبەك بي اۋداندىنىڭ №1 سوتى اتالعان ۇيىمنىڭ جەرگىلىكتى توپباسشىسىن ەكى جىل التى ايعا باس بوستاندىعىنان ايىردى. ال ونىڭ ەكى سەرىگى ەكى جىلعا سوتتالدى. قايرات ءابىلدينوۆ. دەرەك: قاراعاندى وبلىستىق سوتتىڭ ءباسپاسوز قىزمەتى. فوتو: z-city.com.ua.