باسپانا باقىتى

ناۋرىز مەرەكەسىنىڭ قارسا­ڭىندا كەنشىلەر استاناسىنىڭ بىرنەشە تۇرعىنى باسپانالى بولىپ, باقىتتى ءساتتى باستان كەشتى. «2020 جىلعا دەيىن ءوڭىردى دامىتۋ» باعدارلاماسى اياسىندا سالىن­عان جاڭا ءۇي پاتەرلەرىنىڭ كىلتىن ولار­عا وبلىس اكىمى نۇرمۇحامبەت ابدىبەكوۆ سالتاناتتى تۇردە تابىس ەتتى. «سىزدەر ءۇشىن قۋانىشتى ءسات قازاقستان تاۋەلسىزدىگىنىڭ 25 جىلدىعى مەن قاراعاندى وب­لى­سىنىڭ 80 جىلدىق مەرەيتويى قارساڭىندا جۇزەگە استى. بۇل ەكى مەرەيتويلىق شارانى ءبىز تەك مەرەكە-سالتاناتپەن عانا ەمەس, ناقتى ىستەرمەن, اتاپ ايتقاندا, جاڭا تۇرعىن ۇيلەر سالۋمەن دە قارسى الا­مىز», دەدى ءوڭىر باسشىسى. كىرپىشتەن تۇرعىزىلعان بۇل ءۇي ءۇش قاباتتى: ونداعى 19 پاتەردىڭ 2-ءى ءبىر بولمەلى, 12-ءسى ەكى بولمەلى جانە 5-ءى ءۇش بولمەلى. جاڭا ءۇيدى قاراعاندىلىق «سمۋ-5» كومپانياسى سالعان. باسپانالى بولعانداردىڭ باسىم بولىگى بيۋدجەتتىك ۇيىمداردا ەڭبەك ەتەتىن مەملەكەتتىك قىز­مەتكەرلەر. سونىمەن قاتار, باس­پانالى بول­عانداردىڭ اراسىندا تولىق ەمەس وتباسىلار دا بار. ەسكە سالار بولساق, تەك 2015 جىل­دىڭ وزىندە قاراعاندى وبلى­سىندا «ءوڭىردى 2020 جىلعا دەيىن دامىتۋ باعدارلاماسى» اياسىندا 389 وتباسى باسپانامەن قام­تاماسىز ەتىلدى. ال بيىلعى جىل­دىڭ جوسپارى بويىنشا 367 وتباسى جاڭا پاتەرلەرگە يە بولماق. قايرات ءابىلدينوۆ, «ەگەمەن قازاقستان». قاراعاندى.