جارامسىز تاۋارلار

جارتى جىلدان كەيىن دە دۇكەنگە قايتارىلادى پارلامەنت سەناتىنىڭ دەپۋتاتتارى تۇتىنۋشىلاردىڭ قۇقىعى تۋرالى زاڭعا وزگەرىستەر ەنگىزگەنى تۋرالى بۇعان دەيىن حابارلاعان ەدىك. ەندى ماسەلەنى ناقتىلاي تۇسسەك, الداعى ۋاقىتتا ساپاسىز تاۋاردى ساتىپ العان جەرىنە ەكى اپتادان كەيىن ەمەس, جارتى جىلدان كەيىن دە قايتارۋعا بولادى. ۇلتتىق ەكونوميكا ءمينيسترى ەربولات دوساەۆ تۇتىنۋشىلاردىڭ بىرنەشە مارتە جاساعان شاعىمدارىنان كەيىن وسىنداي شەشىم قابىلدانعانىن مالىمدەدى. سونداي-اق, بۇل زاڭنىڭ تەز بۇزىلاتىن تاعام ونىمدەرىنە قاتىسى جوقتىعىن, ولاردى كورسەتىلگەن ۋاقىتىنا دەيىن وتكىزۋ قاجەتتىگىن ايتتى. – ءبىز بۇل نورمانى قاجەتتى قۇجاتتارىن كورسەتكەن جاعدايدا ساپاسىز تاۋارلاردى اۋىستىرىپ الۋ ءۇشىن ەنگىزدىك. مۇنداي شەشىمگە كەلمەس بۇرىن ماسەلەنى جان-جاقتى زەرتتەدىك. وسىعان وراي, تاۋارلاردى ءۇش تۇرگە ءبولىپ قاراستىردىق. سەبەبى, بەلگىلى ءبىر ماۋسىمدا عانا پايدالاناتىن تاۋارلار بولادى. ماسەلەن, جازدا ساتىپ العان زاتتىڭ قىستا ساپاسى تومەن ەكەنىن ءبىلىپ جاتاتىن كەزدەر كەزدەسەدى. ماسەلەنى زەرتتەۋدە وسىنىڭ ءبارىن زەردەلەدىك, – دەيدى ەربولات دوساەۆ. ايان ءابدۋالي, «ەگەمەن قازاقستان».