جامبىلدىق شارۋالار كوكتەمگى ەگىسكە 90 پايىز دايىن

تاراز. 26 اقپان. جامبىل وبلىسىنداعى اۋدانداردىڭ كوكتەمگى-دالالىق جۇمىستارعا ازىرلىگى 90 پايىزدى قۇرايدى. تراكتورلار, كومبايندار جانە باسقا دا تەحنيكا دايىندىق ساپىنا قويىلدى. بۇل تۋرالى egemen.kz ءتىلشىسى حابارلادى. جامبىل وبلىستىق اۋىل شارۋاشىلىعى باسقارماسىنىڭ باسشىسى نۇرجان نۇرجىگىتوۆتىڭ ايتۋىنشا, جانار جاعارماي مەن تۇقىمدىق قور تولىق ازىرلەنگەن. قىس كەزىندە القاپتاردا ىلعال دا جەتكىلىكتى جينالعان. وبلىس اكىمى كارىم كوكىرەكباەۆ ايماقتىڭ اۋىل شارۋاشىلىعى جەرلەرى ءتيىمدى پايدالانىلماي وتىرعانىنا نازار اۋداردى. ماسەلەن, 2015 جىلى 1100 گەكتار سۋارمالى جەر پايدالانىلماي قالعان. سونىمەن بىرگە, رەسپۋبليكانىڭ باسقا ايماقتارىمەن سالىستىرعاندا جامبىلدىق القاپتاردىڭ ءتۇسىمى تومەن بولىپ وتىر. «وتكەن جىلى وبلىس بويىنشا ءداندى داقىلداردىڭ ءتۇسىمى گەكتارىنا 16 تسەنتنەردى قۇرادى, ال كورشىلەس الماتى وبلىسىنىڭ «بايسەركە» شارۋاشىلىعىندا گەكتار اينالىمى 90 تسەنتنەرگە جەتكەن. جۋالى اۋدانىندا كارتوپ وسىرۋگە تولىعىمەن قولايلى جاعدايلار بار. الايدا, بۇل داقىلدىڭ ءتۇسىمى وتە تومەن, گەكتارىنا نەبارى 25 تسەنتنەردەن كەلەدى, ال تابيعاتى قاتال ەرتىس وڭىرىندە بۇل كورسەتكىش 70 تسەنتنەرگە جۋىقتايدى», – دەپ اتاپ ءوتتى كارىم كوكىرەكباەۆ. سونىمەن قاتار, ول: «جامبىل وبلىسىنىڭ قولايلى كليماتتىق جاعدايلارى سۇرانىسقا يە ونىمدەردەن جوعارى ەگىن جيناۋعا مۇمكىندىك بەرەدى, ال تەز پىسەتىن داقىلداردان ەكى رەتتەن ءونىم جيناپ الۋعا بولادى. اۋدان اكىمدەرى, اۋىل شارۋاشىلىعى ماماندارى بۇل ىستە ءتيىستى ىجداعاتتىلىق كورسەتۋى ءتيىس», – دەپ اتاپ ءوتتى. ورالحان ءداۋىت. دەرەك: egemen.kz. سۋرەت: turkystan.kz.