دايىندىق جايى ايتىلعان باسقوسۋ

كەشە قاراعاندى قالاسىندا جالپىۇلتتىق سوتسيال-دەموكراتيالىق پارتياسى ءباسپاسوز ءماسليحاتىن وتكىزدى. جيىندا پارتيا مۇشەلەرى الدىمىزداعى 20 ناۋرىزدا بولاتىن كەزەكتەن تىس سايلاۋعا دەگەن دايىندىق جۇمىستارىن ەگجەي-تەگجەيلى ايتىپ بەردى. ءباسپاسوز ءماسليحاتىنا جسدپ سايلاۋالدى شتابىنىڭ توراعاسى ايدار الىباەۆ, «قازاقستانداعى پارلامەنتاريزمدى دامىتۋ قورى» قوعامدىق بىرلەستىگىنىڭ جەتەكشىسى زاۋرەش باتتالوۆا, «سەمەي» قوزعالىسىنىڭ جەتەكشىسى بولاتبەك ابدىكارىم, «كەنەسارى حان» قوعامدىق ءبىر­لەس­تىگىنىڭ جەتەكشىسى ءۋاليحان قايسا­روۆ, جسدپ قاراعاندى وبلىستىق فيليا­لىنىڭ ءتورايىمى ماكيلا توقسامباەۆا جانە باسقا دا جسدپ مۇشەلەرى قاتىستى. ءباسپاسوز ءماسليحاتىندا جسدپ ساي­لاۋالدى شتابىنىڭ توراعاسى, پارتيا تورالقاسىنىڭ مۇشەسى, قازاق­ستان رەسپۋبليكاسى پارلامەنتى ءماجى­لى­سىنىڭ دەپۋتاتتىعىنا كانديدات اي­دار الىباەۆ جالپىۇلتتىق سوتسيال-دەمو­كرا­تيالىق پارتياسى الداعى سايلاۋدا تۇر­عىن­داردان جەتكىلىكتى كولەمدە داۋىس الۋعا كۇش جۇمسايتىنىن ايتتى. قازىرگى تاڭدا جسدپ سايلاۋعا قىزۋ دايىندىقتى باستاپ كەتىپتى. دايىن­دىق كەزەڭىنىڭ بىرنەشە ساتىسى ارتتا قالعان. ماسەلەن, جالپىۇلتتىق سو­تسيال-دەموكراتيالىق پارتياسى سايلاۋ­الدى ناۋقانىنىڭ رەسمي تۇردەگى قاتىسۋشىسى اتان­عان, پارتيا اتىنان سايلاۋعا تۇسەتىن ۇمىتكەرلەردىڭ ءبارى تىركەۋدەن وتكەن. ولاردىڭ سانى – 23. سونداي-اق, قا­زىرگى تاڭدا وڭىرلەرگە پارتيانىڭ ۇگىت-ناسي­حات ما­تەريالدارى, ۇنپاراقتار مەن پلا­كات­تار, پارتيانىڭ سايلاۋالدى باعدار­لاماسى تاراتىلعان. سونىمەن قاتار, پارتيا باسشىلىعى مەن كانديداتتار ەلىمىزدىڭ تۇكپىر-تۇكپىرىندەگى سايلاۋشىلارمەن كەزدەسۋلەر وتكىزۋدى جوسپارلاپ وتىر ەكەن. «جسدپ ءوزىنىڭ كوپ جىل بويى ۇسىنىپ كەلە جاتقان اسا قاجەتتى وزگەرىستەر جوس­پارىن جۇزەگە اسىرۋدى ماقسات ەتىپ, قازاقستاندى ەكونوميكالىق جاعىنان ءپار­مەندى, تابىستى, الەۋمەتشىل, جاۋاپ­كەر­شىلىگى جوعارى, ەركىن, تۇراقتىلىعى مىعىم, تاۋەلسىزدىگى ورنىقتى مەملەكەت ەتۋ ءۇشىن پارلامەنت ءماجىلىسى سايلاۋىنا قا­تىسادى. سونداي-اق, ءوزىمىزدىڭ بۇكىل تاجىريبەمىزدى حالىقارالىق سوتسيال-دەموكراتيا يدەياسىنىڭ ۇزدىك جەتىستىكتەرىن بىرىكتىرە وتىرىپ جوعارىدا اتالعان ءمىن­دەتتەردى ىسكە اسىرۋ ءۇشىن قاجەتتى شارا­لار كەشەنىن جۇزەگە اسىرۋدى ماق­سات ەتەمىز. قا­زاقستانداعى جانە شەتەل­دەر­دەگى مەن­شىكتى «كولەڭكەدەن» شىعا­رىپ, ونىڭ يە­لەرىنىڭ قاتاڭ ەسەپ بەرۋىن بەل­گى­لەۋ قا­جەت», – دەپ مالىمدەدى ءباسپاسوز ءماس­­لي­حا­تىنا قاتىسقان سوتسيال-دەموكراتتار. ءباسپاسوز ءماسليحاتى بارىسىندا جسدپ مۇشەلەرى رەسپۋبليكالىق جانە جەرگىلىكتى بۇقارالىق اقپارات قۇرالدار وكىلدەرىنىڭ تاراپتارىنان قويىلعان سۇراقتارعا جاۋاپ بەرىپ, الداعى سايلاۋ­دا وزدەرىنىڭ بەلگىلى ءبىر تابىسقا قول جەتكىزەتىندىكتەرىنە سەنىمدى ەكەندىكتەرىن تىلگە تيەك ەتتى. قايرات ءابىلدينوۆ, «ەگەمەن قازاقستان». قاراعاندى.