«بىرلىك» ءتۋريزمدى دامىتۋعا شاقىرادى

ءاربىر مەملەكەتتىڭ وركەنيەتتىلىگىن ونىڭ مادەني مۇراعا دەگەن كوزقاراسىنا قاراي تانىپ-باعامداۋعا بولادى. قازاقستاننىڭ تۋريستىك الەۋەتىن دامىتۋ جانە سىرتتان كەلەتىن ءتۋريزمنىڭ دەڭگەيىن كوتەرۋ «بىرلىك» ساياسي پارتياسىنىڭ باستى نازارىنداعى ماسەلەلەردىڭ ءبىرى بولىپ وتىر. وسىعان وراي پارتيا مۇشەلەرى مەملەكەتتىڭ جىبەك جولى بويىنداعى تاريحي ورتالىقتاردى جاڭعىرتۋ باعدارلاماسىنا ەنگىزىلگەن جامبىل وبلىسىنا ساپار شەكتى. ولار ايشا ءبيبى كەسەنەسىنە ءتاۋ ەتىپ, «كونە تاراز» ارحەولوگيالىق سايابا­عىن­داعى نىساندارمەن تانىستى. اتالعان سا­يا­باق ەكسپو-2017 حالىقارالىق كور­مە­سىنىڭ باع­دارلاماسىنا ەنگىزىلىپ, تۋريس­تەر اعىنىن وسى ايماققا باعىتتاۋ جوسپار­لانعان. كونە مۇراعاتتاردىڭ ساراپ­شى­لارىمەن كەزدەسۋ بارىسىندا «ءبىر­لىك» پارتياسىنىڭ جامبىل وبلىستىق فيليالىنىڭ جەتەكشىسى اسقار سىزدىقوۆ بۇكىل الەمدە تۋريزم ەكونوميكانىڭ تابىستى كوزى ەكەندىگىن اتاپ ءوتتى جانە ونى ەلىمىزدە دە دامىتا ءتۇسۋ كەرەكتىگىنە توقتالدى. بۇل ءوز كەزەگىندە شاعىن جانە ورتا بيزنەستى كوتەرۋ ارقىلى ەلىمىزدىڭ جالپى دامۋىنا اسەر ەتەدى. تاريحقا كوز جۇگىرتسەك, ورتاعاسىرلىق تاراز قالاسى قازاقستان تاريحىنداعى ەڭ ءىرى ساياسي, مادەني, ساۋدا, اكىمشىلىك ورتالىعى بولعان. وسىناۋ اۋليەلى ولكەدە ەجەلگى داۋىرلەردەن, ورتا عاسىرلاردان, كەيىنگى تاريحىمىزدان جەتكەن ۇزىن سانى 1000-نان اسىپ جىعىلاتىن تاريحي-مادەني مۇرالار بار. ساۋلەت ونەرىنىڭ ور­تا­عا­سىرلىق ءىنجۋ-مارجانى ايشا ءبيبى, قاراحان, داۋىتبەك كەسەنەلەرى, كيەلى تەك­تۇرماس, اقىرتاس ساراي كەشەنى, قالي ءجۇ­نىستىڭ «شىعىس مونشاسى» سەكىل­دى باعا جەتپەس جادىگەرلەر تاراز قالا­سىنا ەرەكشە كورىك بەرىپ, جىلدان-جىل­عا تۋريستەردىڭ قىزىعۋشىلىعىن ارت­تىرىپ كەلەدى. اۋليەاتا وڭىرىندەگى بۇل كە­شەندەردىڭ ءبىرازى يۋنەسكو-نىڭ ءبۇ­كىلالەمدىك مادەنيەت تىزىمىنە ەنگەن. پارتيا وكىلدەرى, سونىمەن قاتار, مەم­لەكەتتىڭ تۋريستىك ينفراقۇرىلىمدى دامى­تۋ جونىندەگى شارالارىن قولداي­تىن­دىعىن جەتكىزدى. سونىڭ ارقاسىندا تانىمال تۋريستىك مارشرۋتتار جاڭار­تىلىپ, جول بويىنداعى سەرۆيستىك قىزمەت دامىپ وتىر. شىنىندا «باتىس ەۋروپا – باتىس قىتاي» ءاۆتودالىزى قالا ىرگەسىنەن وتەدى. دەمەك, تۋريستەردىڭ اعىلىپ كەلۋىنە قولايلى جاعداي بار. ياعني, ەندىگى مىندەت – ءتۇرلى داۋىرلەردەگى ۇلى جىبەك جولىنىڭ ءبىر پۇشپاعى تارازدىڭ بەت-بەينەسىن مادەني قاباتتاردى ارشۋ ارقىلى جارقىراتا كورسەتىپ, ونىڭ بار بولمىسىن حالىققا قاۋىشتىرۋ. – ەلىمىزدەگى تاريحي ورىنداردى قورعاپ, مادەني نىسانداردى كوبەيتىپ, جاع­داي جاساۋ, تۋريزم ماسەلەسىنىڭ دامىپ, كەڭ قانات جايۋىنا اسەر ەتۋ «ءبىر­لىك» پارتياسىنىڭ سايلاۋالدى باعدار­لاماسىنداعى باستى ماقساتتاردىڭ ءبىرى, – دەدى بۇل جونىندە «بىرلىك پارتيا­سى» جام­بىل وبلىستىق فيليالى توراعا­سى­نىڭ ورىنباسارى شاحيزادا يبرايىم.  ورالحان ءداۋىت, «ەگەمەن قازاقستان». جامبىل وبلىسى.