يراكتا لاڭكەستەر مەشىتكە شابۋىل جاسادى

استانا. 25 اقپان. يراك مەملەكەتىنىڭ استاناسى باعداد قالاسىندا جانكەشتىلەردىڭ لاڭكەستىك ارەكەتتەرىنەن 15 ادام مەرت بولدى. سونداي-اق, 50-گە جۋىق ادام ءتۇرلى جاراقات الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. قالانىڭ ەش-شۋلا اۋدانىندا ورنالاسقان مەشىتتەردىڭ بىرىندە ەكى جانكەشتى وزدەرىن جارىپ جىبەردى. ولاردىڭ ءبىرى بەلدىككە ورالعان جارىلعىش زاتتارىن مەشىت ىشىندە ىسكە قوسسا, ەكىنشىسى وقيعا ورنىنا ءتارتىپ ساقشىلارى كەلگەن ساتتە جوسپارىن جۇزەگە اسىرعان. پوليتسيا قىزمەتكەرلەرىنەن 4 ادام مەرت بولدى. ايتا كەتەيىك, وسىدان ءبىر اپتا بۇرىن ەكسترەميستىك توپتاردىڭ مۇشەلەرى رامادي قالاسىندا شابۋىل جاساپ, 13 ادام قازا تاپقان. سونداي-اق, اتىشۋلى لاڭكەستەر وسىعان دەيىن بىرنەشە مارتە عيبادات ورىندارىندا تەررورلىق ارەكەتكە بارىپ, تاريحي ورىنداردى جەرمەن جەكسەن ەتكەن. جالپى سودىرلار ۇيىمى 2014 جىلدىڭ جازىنان بەرى يراكتىڭ سولتۇستىگى مەن باتىسىندا شابۋىل جاساپ كەلەدى. الەمدىك قولداۋ مەن مايدان الاڭىنداعى جەڭىستەرىنە قاراماستان ەل باسشىلىعى ءالى كۇنگە دەيىن بيلىكتى تولىعىمەن ءوز قولدارىنا الا الماي كەلەدى. يراك جەرىنىڭ ۇشتەن ءبىر بولىگى لاڭكەستەر توبىنىڭ باسقارۋىندا. ايان ءابدۋالي. دەرەك, سۋرەت: تاسس.