اتىراۋ كاسىپكەرلەرى 198 وتباسىنىڭ 1009 مۇشەسىن قامقورلىققا الدى

اتىراۋ. 25 اقپان. اتىراۋ وبلىسىنىڭ 68 كاسىپكەرى الەۋمەتتىك تۇرمىسى تومەن 198 وتباسىنىڭ 1009 مۇشەسىن قامقورلىققا الدى. بۇل تۋرالى اتىراۋ وبلىسىنىڭ اكىمى باقتىقوجا ىزمۇحامبەتوۆتىڭ مالىمدەمەسىنە سىلتەمە جاساعان egemen.kz ءتىلشىسى حابارلادى. ەل ءىشى جومارت جاندارعا كەندە ەمەس. سونداي جانداردىڭ كوبى تۇرمىسى تومەن وتباسىلارعا كورسەتكەن قامقورلىعىن جاريا ەتكىسى كەلمەيدى. دەگەنمەن, جەرگىلىكتى كاسىپكەر مۇرات سارمانوۆتىڭ اتىراۋ كاسىپكەرلەرى الەۋمەتتىك تۇرمىسى تومەن وتباسىلارعا كومەك كورسەتۋ تۋرالى باستاماسىن قىزۋ قولدادى. ماسەلەن, اتىراۋ قالالىق اكىمدىگىنە قاراستى دامبى اۋىلدىق وكرۋگىندە تۇراتىن بيبىگۇل ءىزباسوۆا اۋىلداستارى, جالعىز باستى انا مەن مۇگەدەكتى ءوز قامقورلىعىنا السا, تاعى ءبىر جەكە كاسىپكەر قاناپيا مۇقاشەۆا دا مۇمكىندىگى شەكتەۋلى جاندى ازىق-ت ۇلىكپەن قامتۋعا بەكىنىپتى. وسى وكرۋگتەگى ەربولات مۇساەۆ ءوز يەلىگىندەگى «ارۋجان» ءسان سالونىندا الەۋمەتتىك تۇرمىسى تومەن جاندارعا بىرنەشە تەگىن قىزمەت كورسەتۋدى, ال مونشا يەسى گۇلجان مۇقاشەۆا بالا كۇنىنەن مۇمكىندىگى شەكتەلگەن جاننان ءبىر جىل بويى اقى الماۋدى كوزدەپ وتىر. «ءدال وسىنداي قايىرىمدىلىق تانىتقان كاسىپكەرلەر وزگە اۋدانداردا دا بار. سونىڭ ءبىر دالەلى رەتىندە يندەر اۋدانىنداعى عالىمجان نۇعىمانوۆ, ساكەن قاليەۆ, كەرىمباي سابىرعاليەۆ جانە قالقامان احمەتوۆ سىندى شارۋا قوجالىعىنىڭ جەتەكشىلەرى مەن كاسىپكەرلەر 65 مۇشەسى بار 15 وتباسىنا ءبىرىنشى كەزەكتە تۇتىناتىن ازىق-ت ۇلىك ساتىپ بەرگەنىن ايتۋعا بولادى. مۇنداي جومارت جاندار جىلىوي اۋدانىنان دا تابىلىپ وتىر. وسى اۋداندا تۇراتىن كاسىپكەر ماعاۋيا مەرعاليەۆتىڭ جومارتتىعى وزگەلەرگە وي سالارلىقتاي. ول قازىر قۇلسارى قالاسىندا 160 ورىندىق بالاباقشا قۇرىلىسىن جۇرگىزىپ جاتىر. كاسىپكەر جىگىت مەكتەپكە دەيىنگى بىردەن-ءبىر تاربيە ورنى – بالاباقشانى مەملەكەتكە تۇبەگەيلى تارتۋ ەتۋدى ويلاستىرىپ وتىر. تاعى ءبىر جىلىويلىق ىسكەر جىگىت باعىتجان دوستانوۆ ءوزىنىڭ تۋىپ-وسكەن اۋىلى – شوقپارتوعايدا سپورت كەشەنىنىڭ قۇرىلىسىن اياقتادى. ال قۇرمانعازى اۋدانىندا نۇرلان قۇسايىنوۆ 99 جاستاعى اجەگە ءۇي سالىپ بەردى. «گەولوگ وكرۋگىندە وتكەن ەسەپتىك جيىندا جەرگىلىكتى كاسىپكەر مۇرات سارمانوۆ دەگەن ازامات ءسوز الىپ, الەۋمەتتىك ءالجاۋاز ەكى وتباسىن ءوز قامقورلىعىنا الۋعا دايىن ەكەنىن ايتتى. قوعام «نە الامىن ەمەس, نە بەرەمىن» دەيتىن وسىنداي ادامدارعا مۇقتاج. بارلىق اۋدان اكىمدەرىنە اۋىل-اۋدانداردا سارمانوۆ سياقتى جىگىتتەرگە وي سالۋدى تاپسىردىم. قازىر سارمانوۆ باستاماسىنا وبلىستىڭ 68 كاسىپكەرى قوسىلىپ, 1009 مۇشەسى بار الەۋمەتتىك ءالجۋاز 198 وتباسىن قامقورلىعىنا الدى. سونداي-اق, وبلىستاعى 139 دۇكەننەن الەۋمەتتىك ساۋدا نۇكتەلەرى اشىلدى. مۇقتاج جاندارعا ازىق-ت ۇلىك 10-50 پايىز ارالىعىندا جەڭىلدىكپەن ساتىلادى. بۇل الەۋمەتتىك ساۋدا نۇكتەلەرى 3 مىڭعا جۋىق ادامعا قىزمەت ەتىپ وتىر», – دەپ ءمالىم ەتتى وبلىس اكىمى باقتىقوجا ىزمۇحامبەتوۆ. جولداسبەك شوپەعۇل. دەرەك: egemen.kz. سۋرەت: sxodim.kz.