• 25 اقپان, 2016

استانادا ازىق-ت ۇلىك جارمەڭكەcىنىڭ اپتالىعى وتەدى

325 رەت

كورسەتىلدى

1 مين

وقۋ ءۇشىن

Egemen Qazaqstan

استانا. 25 اقپان. استانادا تاۋەلسىزدىكتىڭ 25 جىلدىعىنا وراي اۋىلشارۋاشىلىق ونىمدەرىنىڭ جارمەڭكەلەرى وتەدى. بۇل تۋرالى قالا اكىمدىگىنىڭ رەسمي سايتى – astana.gov.kz-كە سىلتەمە جاساعان egemen.kz ءتىلشىسى حابارلادى. «اۋىلدىڭ وركەندەۋى – قازاقستاننىڭ وركەندەۋى» اكتسياسى شەڭبەرىندە قولعا الىنعان جارمەڭكە 29 اقپان مەن 6 ناۋرىز ارالىعىندا كۇن سايىن «دۋمان» ويىن-ساۋىق ورتالىعى الدىنداعى اۆتوتۇراقتا وتەدى. جارمەڭكەدە استانا قالاسىنىڭ جانە اقمولا وبلىسىنىڭ جاقىن اۋدان تاۋار وندىرۋشىلەرى مەن جەتكىزۋشىلەرى ءوز ونىمدەرىن ۇسىنادى. نەگىزگى ازىق-ت ۇلىك ونىمدەرىنىڭ ءتۇر-ءتۇرى, اتاپ ايتقاندا كارتوپ, پياز جانە كوكونىستەردىڭ باسقا تۇرلەرى, سونداي-اق, قىشقىل ءسۇت ونىمدەرى, كونديتەرلىك جانە ماكارون ونىمدەرى ساتىلادى. جارمەڭكەدە ۇسىنىلعان تاۋارلاردىڭ باعاسى قالالىق بازارلارداعى بولشەك ساۋدا باعالارىنان تومەن بولادى. وتكىزىلۋ ۋاقىتى تاڭعى 9:00-دەن كەشكى 18:00-گە دەيىن. ەلامان قوڭىر. دەرەك, سۋرەت: astana.gov.kz.