اسحاتتىڭ «اينازى» اۋىلداستارىنا قىزمەت ەتەدى

اۋىلدىق جەرلەردەگى وزەكتى ءما­سەلەنىڭ ءبىرى قوعامدىق مونشانىڭ جوقتىعى بولاتىن. كوپ ادامدار تەز ارادا قايتارىم بەرە قويمايتىن مۇنداي الەۋمەتتىك جوبانى قولعا الۋعا جۇرەكسىنە بەرەتىنى شىن­دىق. بىراق, بۇل اۋىل تۇرعىندارى ءۇشىن اسا قاجەت الەۋمەتتىك نىسان بولىپ تابىلادى. اركىمنىڭ وزدەرى سالىپ العان قارابايىر مون­­شانىڭ قىزمەتى قازىرگى وسكەلەڭ تالاپ ۇدەسىنەن كورىنە بەرمەيتىنى دە راس. اۋەلدەن ءارتۇرلى كاسىپپەن اي­­نالىسىپ, تاجىريبە جيناعان كوپتوعايلىق كاسىپكەر اسحات نيازوۆ تاۋەكەلگە بەل بۋىپ, قوعامدىق مون­شا قۇرىلىسىن بىلتىر قولعا الدى. ول بۇل جوبانى «جۇمىس­پەن قام­تۋدىڭ جول كارتاسى-2020» باعدارلاماسى ارقىلى باستادى. وسى باعدارلاما ارقىلى اۋىل شارۋاشىلىعىن قارجىلاي قولداۋ قورىنان 3 ميلليون تەڭگە نەسيەگە قول جەتكىزگەن اسحات ىسكە بىردەن قۇل­شىنا كىرىسكەن بولاتىن. الايدا, جوبانى جۇزەگە اسىرۋ بارىسىندا بۇل قارجىنىڭ جەتپەيتىنى بەلگىلى بولدى. نە ىستەمەك كەرەك؟ ءتۋابىتتى بىربەتكەي مىنەزدى جىگىت العان بەتى­نەن قايتپادى. التى پايىزدىق جە­ڭىلدىكپەن قارجى بەرگەن باعدار­لامانىڭ مىندەتىن ورىنداپ قۇتى­لۋ ءۇشىن بەس ادامدىق «بىردەڭە» سالا سالۋعا نامىسى جىبەرمەدى. قو­­سىمشا ءوز قارجىسىن سالدى. ويىن­داعىداي مونشا سالۋ وڭاي بولمادى, ىشكى ارلەۋ جۇمىستارى مەن قوندىرعىلارى, باسقا دا قا­جەتتىلىكتەرگە قارجى شاش-ەتەكتەن كەرەك ەكەن. وسى زامانعا مونشاعا قاجەتتىنى تۇگەندەۋدىڭ ءتۇبى جەتكىزەر ءتۇرى كورىنبەيدى. الايدا, نامىس­تى جىگىت شەگىنبەدى. «شەشىنگەن سۋدان تايىنباستىڭ» جىگەرىمەن كىرىسكەن شارۋانىڭ قازىرگى جەمىسى مىناۋ! اسحاتتىڭ «اينازى» اۋىلدى ايتپاعاندا, قازىر كەز كەلگەن اۋداندا جوق. ون ادامدىق مونشادا جالپى زالى, WIF پەن باسسەينى دە بار. دەمالىپ وتىرعاندا ينتەرنەت قاراپ, تەلەديدار كورۋگە بولادى. وسى قىزمەتتىڭ بارلىعىنا ءبىر ادام ساعاتىنا 300 تەڭگە عانا تولەيدى. ءبىر سوزبەن ايتقاندا, بۇل مونشادان اينالىمعا كەلمەيتىن كەيبىر شاعىن مونشاسىماقتارعا بارعانداي نە ىستەپ, نە قويعانىڭدى بىلمەي, القىنىپ, «دىڭكەڭ قۇرىپ» ەمەس, تازارىپ, دەمالىپ شىعاسىڭ! ال باسسەيندە بالالاردى قورعايتىن ارناۋ­لى كۇرتەشەلەر بار. VIP زالداعى قىزمەت قىمباتتاۋ. قىمباتتاۋ دەگەندە قالاداعىداي ەمەس, بار بول­عانى 600 تەڭگە. بۇل – اۋىل تۇر­­عىن­دارىنىڭ قاي-قايسىسىنا دا ءبىر اپتا ءۇشىن قولجەتىمدى باعا. ءازىر­گە اسحات مونشانى سەنبى, جەك­سەنبى كۇندەرى عانا جاعىپ تۇر. تۇ­تى­نۋ­شىلار قالىپ­تاسقاننان كەيىن حا­لىق­قا جۇما كۇنى دە قىزمەت ەتەتىن بولادى. كوپتوعايداعى وسىنداي مون­شانىڭ بوي كوتەرۋىنە جوعارىداعى باعدارلامانىڭ تيگىزگەن ىقپالى دا زور. ياعني, سول باعدارلامانىڭ ەكىنشى باعىتىمەن «جەتىسپەيتىن ينجەنەرلىك ينفراقۇرىلىمدى دامىتۋ» ءۇشىن 3 ملن. تەڭگە جۇمسالدى. ول قاراجاتقا مونشاعا ەلەكتر جەلىسى مەن سۋ قۇبىرى تارتىلىپ, كارىز جۇيەسى جاسالدى. اينالاسى اباتتاندىرىلدى. ناتيجەسىندە اۋىلدىڭ ءتورت ادامى تۇراقتى جۇمىسپەن قام­تىلىپ وتىر. سىرتقى ساۋلەتى مەن ىشكى داۋلەتى جاراسقان مونشا جاڭا جىلدان باستاپ كوپتوعايلىقتارعا ساپالى قىزمەت كوسەتۋدە. نەگىزگى ماماندىعى مۇعالىم بول­سا دا, ۋاقىت اعىمىنا ىلەسكەن جاس كاسىپكەر اسحاتتىڭ باسى تولعان «يدەيا». قيالى ۇشقىر, قولى ەپتى جىگىتتىڭ ويىمەن سالىنعان مونشا قازىر اۋىلداعى ەڭ ساۋلەتتى عي­مارات قانا ەمەس, اۋىلدىقتاردىڭ قا­لاداعىداي تۇرمىستىق يگىلىكتەرگە قول جەتكىزۋىنىڭ ناقتى مىسالى دەۋ­گە بولادى. ىشكى ديزاينىن ويلاس­تىرعان دا ءوزى. قابىرعالارىن قازاق­تىڭ ويۋلارىمەن ورنەكتەگەن ونىڭ ەندىگى ماقساتى – اۋىلدا تەمىر ءوڭ­دەۋ تسەحىن ىسكە قوسۋ. ول ءۇشىن نەسيە الىپ, قۇرىلىسىن باستادى. كە­لەشەكتە تەمىردەن تۇيىلگەن قاق­پا, قورشاۋ سياقتى بۇيىمدار الدىمەن اۋىلداستارىنىڭ ۇيلەرىنە ءسان بەرەدى. قالىپتاسقان ۇعىمعا سۇيەنسەك, «تەاتر كيىم ىلگىشتەن باستالادى». دەمەك, اسحاتتىڭ اۋىلداستارىنا ۇلگى كورسەتىپ قانا قويماي, اۋىل كوشەلەرىن اجارلاندىرا تۇسەتىن كەزى قاشىق ەمەس. وسىنىڭ بارلىعى ەلباسىنىڭ جانە ۇكىمەتتىڭ كاسىپكەرلىكتى, سونىڭ ىشىندە, اۋىلداعى شاعىن جانە ورتا بيزنەستى دامىتۋعا قولداۋ كور­سە­تۋىنىڭ ارقاسى, قولايلى جاعداي تۋ­عىزۋىنىڭ ناتيجەسى ەكەنى ءسوزسىز. مۇنى ءوز ءىسىن اشقان ءاربىر كاسىپكەر جەتە تۇسىنۋدە. سودان دا بولار, قازىر كاسىبىنەن ءناسىبىن تابۋعا ىنتالىلار اۋىلدا دا كوبەيە تۇسۋدە. بۇل قا­زىرگىدەي داعدارىس جاعدايىندا ابىرجىماۋعا العىشارت جاساپ وتىرعانىن ادامدار شىنايى سە­زىنۋدە. سونىڭ ءبىرى ءبىز اڭگىمەلەپ وتىر­­­عان كاسىپكەر اسحات نيازوۆ­­تىڭ قادامى دەر ەدىك. ساتىبالدى ءساۋىرباي, «ەگەمەن قازاقستان», سەرىكباي قويباعاروۆ, جۋرناليست. اقتوبە وبلىسى, ويىل اۋدانى.