سايلاۋشىلارمەن ساليقالى اڭگىمە

«اۋىل» حالىقتىق-دەموكراتيالىق پاتريوتتىق پارتياسى ءوزىنىڭ سايلاۋ ناۋقانىنداعى ۇگىت-ناسيحات جۇمىستارىن جۇيەلى تۇردە جالعاستىرۋدا. ماسەلەن, كەشە «اۋىل» پارتياسى رەسپۋبليكالىق قوعامدىق شتابىنىڭ مۇشەلەرى كوكشەتاۋ قالاسىنا بارىپ, سايلاۋشىلارمەن كەزدەسۋ وتكىزدى. «اۋىل» پارتياسىنىڭ بەلسەندىلەرى كوكشەتاۋ قالاسىنداعى اسپازدىق-كونديتەرلىك ءونىم شىعاراتىن «لەنەۆ» جەكە كاسىپكەرلىگىنىڭ تىنىس-تىرشىلىگىمەن تانىسىپ ءارى وسى ءوندىرىس ورنىنداعى ەڭبەك ۇجىمىمەن ساليقالى اڭگىمە قۇردى. «اۋىل» پارتياسىنىڭ مۇشەلەرى كاسىپورىن قىزمەتكەرلەرىنە «اۋىل ءداستۇرىن جاڭعىرتامىز» اتتى سايلاۋالدى باعدارلاماسىن ءتۇسىندىرىپ, ونىڭ نەگىزگى باسىم باعىتتارىنا توقتالدى. «ەلباسى نۇرسۇلتان نازارباەۆ حا­لىق­قا «ماڭگىلىك ەل» ۇلتتىق يدەياسىن جاريا ەتتى. ءبىزدىڭ پارتيامىزدىڭ دا باس­تى ماقساتى – حالىقتىڭ ءداستۇرلى قۇن­دى­لىقتارىن دامىتۋ, وتانىمىز – قازاق­ستاننىڭ تاۋەلسىزدىگىن بەكەمدەي ءتۇسىپ, «ماڭگىلىك ەلدى» نىعايتۋ», – دەدى «اۋىل» پارتياسىنىڭ توراعاسى ءالي بەكتاەۆ. ودان ءارى سپيكەر بىرقاتار وزەكتى ءما­سەلەلەر جونىندە ءسوز قوزعاي كەلىپ, اۋىل­شارۋاشىلىق ونىمدەرىن نەسيە­لەۋ جانە سۋبسيديالاۋ شارالارىن جەتىل­دىرۋ, اۋىلشارۋاشىلىق ونىمدەرىن ءوندىرۋ, وڭدەۋ, ساقتاۋ جانە تاسىمالداۋعا ار­نالعان, اۋىلشارۋاشىلىق تاۋار ءون­دى­رۋ­شىلەرىنە سەرۆيستىك جانە نەسيەلەۋ قىز­مەتىن كورسەتەتىن كووپەراتيۆتەردى قۇ­رۋدى ىنتالاندىرۋ جانە باسقا دا جاع­داياتتاردى اتاپ كورسەتتى. ال «بيزنەستىڭ جول كارتاسى-2020» باعدارلاماسى بويىنشا مەملەكەتتەن سۋبسيديا الىپ, سونىڭ ارقاسىندا ءورىسىن كەڭەيتە تۇسكەن «لەنەۆ» كاسىپورنى جوعارى ساپالى كونديتەرلىك, نان-توقاش ونىمدەرىن شىعاراتىن زامان­اۋي جابدىقتارمەن قامتاماسىز ەتىلگەن. بۇل اسپازدىق-كونديتەرلىك تسەحتىڭ دايىندايتىن ونىمدەرى جەرگىلىكتى حالىق اراسىندا سۇرانىسقا يە, كوپكە تانىمال. ءوندىرىس ورنى باسشىسىنىڭ ايتۋىنشا, بۇگىنگى تاڭدا مەملەكەت بيزنەستى دامىتۋ باعىتىندا اۋقىمدى شارالار اتقارىپ كەلەدى. سونىڭ ارقاسىندا شاعىن كاسىپكەرلەر ءىسىنىڭ ءورىسىن كەڭەيتۋگە مول مۇمكىندىكتەر تۋىپ وتىر. ال كاسىپورىن ەڭبەككەرلەرى: «ءبىز جەرگىلىكتى, اسىرەسە, اۋىلدىق جەرلەردە بيزنەستىڭ قارقىندى دامىعانىن قالايمىز. سەبەبى, بۇل ايماق حالقىن جۇمىسپەن قامتىپ قانا قويماي, نارىقتاعى وتاندىق ءونىم كولەمىن ارتتىرادى», – دەپ ەسەپتەيدى. جيىن بارىسىندا «اۋىل» پارتيا­سىنىڭ وكىلدەرى تابىستىڭ كوزىن تابا ءبىل­گەن, مەملەكەت بەرگەن مۇمكىندىكتى قالت جىبەر­مەي پايدالانىپ, بۇگىندە نارىقتان ءوز ور­نىن تاپقان كاسىپورىن ۇجىمىنا ساتتىلىك تىلەدى. جولدىباي بازار, «ەگەمەن قازاقستان». كوكشەتاۋ.