«بىرلىكتىڭ» كوزدەگەنى – حالىق بىرلىگى

«بىرلىك» ساياسي پارتياسىنىڭ ءماجىلىس سايلاۋى ناۋقانىنىڭ توتە جولىنداعى بۇل كەزدەسۋى وزگەشەلىگىمەن ەرەكشەلەندى. ءتىپتى, مۇنى «بىرلىك» پارتياسى – ورال تاڭسىقباەۆ اتىنداعى ساندىك-قولدانبالى ونەر كوللەدجىنىڭ اۋديتورياسىندا شەبەرلىك-ساباعىن وتكىزۋ شاراسىنا تىكەلەي ۇيىتقى بولدى دەگەن ءجون شىعار. الدىمەن بولاشاق ونەر شەبەرلەرىنە قاجەتتى قىلقالام مەن ءارتۇرلى بوياۋلار, پارتيانىڭ اتى جازىلعان جالاۋشالار مەن ۇلبىرەك ماتادان تىگىلگەن جەڭىل قول سومكەلەر ۇلەستىرىلىپ, سىيعا تار­تىلدى. ال پارتيانىڭ سايلاۋالدى باع­دارلاماسىنا سايكەس جۇرگىزىلگەن بۇل ءىس-شارانىڭ مازمۇنىن «بىرلىك» ساياسي پارتياسى الماتى فيليالىنىڭ جەتەكشىسى دامەن بيدايبەكوۆ بىلاي ءتۇسىندىردى: – وزدەرىڭىز بايقاعانداي, اۋديتوريادا تولىپ وتىرعان جاسوسپىرىمدەر داۋىس بەرۋ قۇقىنا قول جەتكىزىپ ۇلگەرمەگەن بۋىن بولىپ سانالادى. بۇل جەردە ەشقانداي ساياسي ۇگىت-ناسيحات جۇمىسى جوق. بىراق, «بىرلىك» ساياسي پارتياسىنىڭ رەسمي تانىلعان «ىزگى نيەت! ادال قىزمەت! تازا ورتا!» بەلگىسىنىڭ اياسىندا شەبەرلىك-ساباعىنىڭ ءوتۋى جاستاردىڭ ەسىندە ۇزاققا ساقتالارى انىق. ونىڭ ۇستىنە ساباقتى وسى كوللەدجدىڭ بۇرىنعى تۇلەگى, «بىرلىك» پارتياسىنىڭ بۇگىنگى بەلسەندى مۇشەسى كريستينا دەپۋتاتوۆا جۇرگىزەدى. جاس ۇرپاق ەلىمىزدىڭ ەرتەڭى, سوندىقتان دا «بىرلىك» ەلىمىزدىڭ ەرتەڭىن بۇگىنگى ۋاقىتپەن ساباقتاستىرۋدى ماقۇل دەپ تاپتى, – دەدى ول. شاكىرتتەردىڭ جاس تا بولسا ەلەۋلى جە­تىس­تىكتەرگە قول جەتكىزىپ, دۇنيەنىڭ ءار بۇ­رىشىن ارالاعان, ءتىپتى, ءوز تۋىندى­لارىن اۋكتسيونداردا باعالاتىپ, ساتىپ ءۇل­گەرگەن كريستينا دەپۋتاتوۆاعا قويار سۇ­راقتارى دا كوپ بولدى. پارتيا مۇشەسى دە ءىزباسارلارىنىڭ ءاربىر ساۋالىن زەيىن قويا تىڭداپ, زور ىقىلاسپەن جاۋاپ قايتاردى. جاستاردىڭ جادىندا بۇگىنگى سىيعا تارتىلعان بوياۋلار مەن قىلقالام, پار­تيالىق بەلگى سالىنعان جالاۋشالار مەن ءساندى قول سومكەلەر ساقتالارى ءسوزسىز. ءويت­كەنى, بۇگىنگى شەبەرلىك-ساباعى شىن مانىندە دە ناعىز شەبەردىڭ قاتىسۋىمەن وتە قىزىقتى ءوتتى. ستۋدەنتتەر وزدەرى ءدا­رىس الىپ جۇرگەن وقۋ ورنىنىڭ تۇلەگىنىڭ ءتاجى­ريبە دارىستەرىن ەرەكشە ۇيىپ تىڭ­دادى. ال كوللەدجدىڭ سايلاۋ قۇقىنە يە شاكىرتتەرىمەن ءتۇس اۋا وتكەن كەزدەسۋى بارىسىندا «بىرلىك» پارتياسىنىڭ وكىلدەرى ءوز باعدارلاماسىنىڭ نەگىزگى باعىتتارى تۋرالى اشىلا ايتىپ بەردى. «تاۋەلسىز قازاقستاننىڭ بولاشاعى ءبىزدىڭ قولىمىزدا!» دەگەن پارتيالىقتار ۋاقىت تالابىنان تۋعان باستامالارى مەن ۇسىنىستارىن ورتاعا جايىپ سال­دى. ەكولوگيا سالاسى مەن رۋحاني ءبىلىم بەرۋ, دەنساۋلىق ساقتاۋ مەن ەكونو­ميكالىق-الەۋمەتتىك سالادا ۋاقىت كوشى­نەن قالماي تابىسقا جەتۋ – ءاربىر ازامات­تىڭ پاتريوتتىق بورىشى ەكەنى قىزۋ اڭگىمەنىڭ نەگىزگى تاقىرىبىنا اينالدى. تالعات ءسۇيىنباي, «ەگەمەن قازاقستان». الماتى. سۋرەتتى تۇسىرگەن نيكولاي سۋداكوۆ.