قايىرىمدىلىق نانى

شىعىس قازاقستان ءوڭىرىنىڭ الەۋ­مەتتىك جەلى قولدانۋشىلارى وسىلاي دەپ اتالاتىن شارانى قولعا الدى. ياعني, كەز كەلگەن تۇرعىن اتالعان اكتسيا اياسىندا قايىرىمدىلىق جاساي الادى. وڭىردەگى بەلسەندى الەۋمەتتىك جەلى قولدانۋشىلارىنىڭ ءبىرى رينات حاليكوۆ ءوز پاراقشاسىنا: «قايىرىمدىلىق نانى» – دوستا­رىمنىڭ باستاماسىمەن جانە قولداۋىمەن باستالعان الەۋمەتتىك اكتسيا. ءتىپتى, اكتسيا بولماعان كۇننىڭ وزىندە ءبىزدىڭ كۇندەلىكتى ءومىرىمىزدىڭ ءبىر بولشەگى. ءوزىمىز ازىق-ت ۇلىك الىپ جۇرگەن دۇكەننەن ءبىر بولكە ناندى ساتىپ الىپ, ساتۋشىعا قالدىرامىز. ولار ونى قارتتار مەن الەۋمەتتىك جاعىنان از قامتىلعان ادامدارعا بەرەدى. ءبىز ءۇشىن بۇل ۇساق-تۇيەك كورىنۋى مۇمكىن, ال بىرەۋلەردىڭ ءومىرى ءۇشىن وتە ماڭىزدى. مۇنى ءوزىمىزدى تىم قيناماي, جانىمىزدىڭ قالاۋىمەن جۇزەگە اسىرساق جەتكىلىكتى. ايىنا ءبىر-ەكى نان, قالاساڭىز ودان دا كوپ قالدىرساڭىز بولادى. بىراق اسىرا سىلتەۋدىڭ قاجەتى جوق. بۇل ءسىزدىڭ ىشكى الەمىڭىزدىڭ ءبىر بولىگى بولسىن! ال ءسىزدىڭ ارەكەتىڭىز وزىڭىزگە جانە بالا-شاعاڭىزعا جاقسىلىق بولىپ قايتا ورالسىن!, – دەپ جازدى. الەۋمەتتىك شاراعا ءۇن قو­سىپ جاتقان وسكەمەندىكتەر بار­شىلىق. ولاردىڭ قاتارى ءسات سايىن تولىعىپ كەلەدى. اك­تسيا­عا قاتىسۋشى جەلى قول­دا­نۋ­شى­لارىنىڭ بارلىعى دۇكەن­دەردە ساتۋشىمەن, قايىرىم­دى­لىققا قالدىرعان نانمەن بىرگە تۇسكەن سۋرەتتەرىن الەۋمەتتىك جە­لىگە ور­نا­لاستىرىپ, اتالعان شا­راعا ءۇن قو­سۋعا شاقىرۋدا. دۋمان اناش, «ەگەمەن قازاقستان». وسكەمەن.