قوستانايدا شوشقا تۇماۋى تىركەلدى

قوستاناي. 28 قاڭتار. وبلىستا لابوراترويالىق تالداۋدان كەيىن 16 ادامنىڭ شوشقا تۇماۋىنا شالدىققانى بەلگىلى بولدى. بۇل تۋرالى تۇتىنۋشىلار قۇقىن قورعاۋ دەپارتامەنتىنىڭ اقپاراتىنا سىلتەمە جاساعان egemen.kz ءتىلشىسى حابارلادى. قازىر وبلىستا بارلىعى جۇقپالى ۆيرۋستى سۋىق ءتيىپ اۋىرعان 23 876 ادام تىركەلگەن, ونىڭ 16-سى لابوراتوريالىق تالداۋلار كورسەتكەندەي شوشقا تۇماۋى ەكەنى بەلگىلى بولعان. تۇتىنۋشىلار قۇقىن قورعاۋ دەپارتامەنتىنىڭ ديرەكتورى ۆلاديمير نەچيتايلو: «تۇماۋدىڭ ا (ن1N1) ءتۇرى وبلىستا تىركەلىپ وتىر, بۇل تەك بىزدە ەمەس الەمدە جايىلىپ وتىرعانى بەلگىلى. تۇماۋمەن قاتار وبلىستا جۇقپالى ۆيرۋستى سۋىق ءتيىپ اۋىرۋ دا كەڭ تاراپ كەتتى. وتكەن جىلى مۇنىمەن 20 مىڭداي ادام اۋىرعان ەدى, بيىل قازان ايىنان باستاپ بۇگىنگە دەيىن ولاردىڭ قاتارى 23876-عا جەتتى», – دەدى. ۆلاديمير سەمەنوۆيچتىڭ ايتۋىنشا اۋىرعاندار نەگىزىنەن 14 جاسقا دەيىنگى بالالار. دارىگەرلەر شوشقا تۇماۋىن العاشقى 1-2 كۇندە ەمدەۋدى قاتاڭ ەسۋكەرتىپ وتىر, ايتپەسە مەڭدەپ كەتۋى ابدەن مۇمكىن. قازىر وبلىس بويىنشا جۇقپالى ۆيرۋستى سۋىق ءتيىپ اۋىرعان 77 ادام اۋرۋحاناعا جاتقىزىلدى, ونىڭ اراسىندا 4 ەكىقابات ايەل جانە ءبىر جاسقا دەيىنگى 25 بالا بار. قازىر وبلىستاعى ءۇش اۋدان مەن ءۇش قالادا شەكتەۋ شارالارى جۇرگىزىلىپ جاتىر. بالا باقشالاردا تاڭەرتەڭگى سۇزگى شاراسى وتكىزىلىپ, اۋىرعان بۇلدىرشىندەر بىردەننەن ەمحاناعا جىبەرىلەدى, سونداي-اق مەكتەپتەر مەن بالا باقشالاردا كوپشىلىك شارالار وتكىزىلمەيدى, ەگەر سىنىپتا وقۋشىلاردىڭ 30 پايىزى اۋىرسا, وقۋ ۇدەرىسى توقتاتىلادى. ءنازيرا جارىمبەتوۆا. دەرەك, سۋرەت: egemen.kz.