جوسپاردىڭ ىسكە اسىرىلۋ جايى پىسىقتالدى

كەشە ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆتىڭ توراعالىق ەتۋىمەن كوميسسيانىڭ پارلامەنت ءماجىلىسى مەن ءماسليحاتتارى دەپۋتاتتارىنىڭ سايلاۋىن ازىرلەۋ مەن وتكىزۋ جونىندەگى ءىس-شارالاردىڭ جوس­پارىن ىسكە اسىرۋ بارىسى تۋرالى جۇمىس كەڭەسى ءوتتى. كەڭەستە وسك مەن اۋماقتىق سايلاۋ كوميسسيالارىنىڭ سايلاۋ ناۋقانىن ۇيىمداستىرۋ ءجونىن­دەگى اعىمداعى قىزمەتى قارال­دى. ورتسايلاۋكوم مۇشەلەرى وزدە­رى جەتەكشىلىك ەتەتىن ماسەلە­لەرى مەن باعىتتارى بويىنشا اتقار­عان جۇمىستارى تۋرالى ايتىپ بەردى. سايلاۋ ناۋقانى باستال­عان كەزەڭنەن بەرى وسك پارلا­مەنت ءماجىلىسى مەن ءماسليحات­تار ساي­لاۋى جونىندەگى كۇنتىزبە­لىك جوس­پارلارىن جانە سايلاۋ قۇ­جات­تارىنىڭ نىساندارىن بەكىتۋ تۋرا­لى, سونداي-اق, شەت مەملەكەت­تەر, حا­لىقارالىق ۇيىمدار مەن شەت­­ەل­­دىك باق-تار وكىلدەرى قىز­مەت­­تەرىنىڭ كەيبىر ماسەلەلەرى تۋ­را­­لى قاۋلى قابىلداعانى اتاپ ءوتىلدى. ورتالىق سايلاۋ كوميس­سيا­سىنىڭ مۇشەسى تاتيانا وحلوپ­كو­ۆانىڭ ايتۋىنشا, شەت مەم­لەكەتتەردىڭ جانە حالىق­ارالىق ۇيىمداردىڭ بايقاۋ­شى­لارى سىرتقى ىستەر مينيستر­لىگىنىڭ ۇسىنىسىمەن عانا اككرە­ديت­تەلەدى. «دەگەنمەن, قازىردىڭ ءوزىن­دە بىرقاتار حالىقارالىق ۇيىم ەلىمىزدىڭ سىرتقى ىستەر مين­يسترلىگىنە سايلاۋعا قاتىسا­تىن­دىق­تارىن اۋىزشا قۋاتتادى, – دەدى ول وسى جايىندا. – ولار­دىڭ قاتارىندا شانحاي ىنتى­ماق­تاستىق ۇيىمى, ەۋروپا كەڭەسىنىڭ پارلامەنتتىك اسسامبلەياسى, سون­داي-اق, تۇركى تىلدەس مەملەكەتتەر ىنتىماقتاستىعى كەڭەسى بار. بۇل ۇيىمدار ءبىزدىڭ سايلاۋعا باي­قاۋ جۇرگىزۋگە نيەتتى ەكەندىگىن ءبىلدىرىپ, قازىرگى ۋاقىتتا كانديداتتارىن ىرىكتەۋدە». سونىمەن بىرگە, كوميسسيا مۇشەسى ورتالىق سايلاۋ كوميس­سياسىنىڭ توراعاسى 18 مەم­لەكەتتىڭ سايلاۋ كوميسسيالارىنىڭ ءبىرىنشى باسشىلارىنا شاقىرۋ جىبەرگەنىن, ال ەلىمىزدىڭ سىرتقى ىستەر مينيسترلىگى 18 حالىقارالىق ۇيىمعا, سونىمەن قاتار, وسى ۇيىمداردىڭ اياسىندا 112 مەملەكەتكە شاقىرۋ جىبەرگەنىن اتاپ ءوتتى. «قر سىرتقى ىستەر مينيسترلىگى بىزگە 98 مەملەكەتتىڭ اككرەديتتەلگەن بۇقارالىق اقپارات قۇرالدارى وكىلدەرىنىڭ ءتىزىمىن بەردى. تۇراقتى نەمەسە ۋاقىتشا اككرەديتتەلگەندىگى تۋرالى كۋالىگى بار ولار قازىردەن باستاپ سايلاۋعا بايقاۋ جۇرگىزۋگە كىرىسە الادى», – دەدى ت.وحلوپكوۆا. ال ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووستىڭ حاباردار ەتۋىنشە, ءماجىلىس پەن بارلىق دەڭگەيدەگى ءماسليحاتتار دەپۋتاتتارى سايلاۋلارىنىڭ ەلەكتورالدى ۇدەرىسىنە ەشقانداي شاعىم تۇسپەگەن. «قازىرگە قاندايدا ءبىر ماسەلەگە بايلانىستى شاعىم تۇسە قويعان جوق. دەگەنمەن, ورتالىق سايلاۋ كوميسسياسىنا حاتتار تۇسۋدە. بىراق, ولار ەلەكتورالدى ۇدەرىسكە قاتىستى ەمەس. ولار نەگىزىنەن الەۋمەتتىك, تۇرمىستىق قيىنشىلىقتاردى قامتيدى. بۇل بارلىق ەلەكتورالدى ناۋقاندا ورىن الاتىن ادەتتەگى قۇبىلىس سياقتى», – دەدى ول. ورتالىق سايلاۋ كوميس­سيا­سىنىڭ مۇشەسى ءلاززات سۇلەيمەن وزىنە جۇكتەلگەن ماسەلەلەردى ايتا كەلىپ, سوعان قاتىستى قولعا الىنعان ءىس-شارالارعا توقتالىپ ءوتتى. «كورنەكى اقپارات رەتىندە 757 بيلبوردتى ورنالاستىرۋ ءجو­نىندە وسك توراعاسىنىڭ شەشى­مى شىققان بولاتىن. ونىڭ ءبىرىن­شى كەزەڭىن استانا مەن ال­ماتى, سونىمەن قاتار, وبلىس ورتا­لىقتارىندا ورنالاستىرۋدى اياقتاپ قالدىق. ونداعى اقپا­راتتار سايلاۋشىلارعا سايلاۋدىڭ قاي كۇنى وتەتىندىگىنەن مالىمەت بەرە­دى. بۇل بيلبوردتار «سايلاۋدا ءوز تاڭ­داۋىڭدى جاسا!» دەگەن ۇران­مەن دايىندالعان. جۇمىستار الداعى كۇندەرى دە جالعاسىن تابادى», – دەدى ل.سۇلەيمەن. وسك توراعاسى ق.تۇرعانقۇلوۆ ل.سۇلەيمەننەن اتالعان بيلبورد­تاردىڭ قاشان تولىعىمەن ءىلىنىپ بولاتىنىن سۇراعان ەدى. «بۇل باعىتتا ءبىز جۇمىس ىستەپ جاتىرمىز. بۇل جۇمىستاردى 2-3 كۇننىڭ ىشىندە تولىعىمەن اياقتايمىز», – دەپ جاۋاپ بەردى. كەڭەس بارىسىندا قىزمەتتىڭ نەگىزگى جانە شۇعىل مىندەتتەرى مەن باعىتتارى انىقتالعاننان كەيىن ۇيىمداستىرۋ جۇمىسىنىڭ باسىم بولىگى تىكەلەي وڭىرلەرگە اۋىساتىنى اتاپ ءوتىلدى. قازىرگى ۋاقىت­تا بارلىق وڭىرلەردە سايلاۋ ۋچاسكەلەرىنىڭ شەكارا­لارى مەن ۋچاسكەلىك سايلاۋ كوميس­سيا­لارىنىڭ قۇرامى تۋرالى حا­بارلاردى جاريالاۋ اياقتال­عان. ال وكرۋگتىك سايلاۋ كوميس­سيا­لارىنىڭ قۇرامى مەن ورنالاسقان جەرلەرى, شەكارالارى كورسەتىلگەن سايلاۋ وكرۋگتەرىنىڭ تىزىمدەرى بۇقارالىق اقپارات قۇرالدارىندا 30 قاڭتاردان كەشىكتىرىلمەي جاريالاناتىن بولادى. ءاليسۇلتان قۇلانباي, «ەگەمەن قازاقستان». سۋرەتتەردى تۇسىرگەن ەرلان وماروۆ.