استانا قۇرىلىسىندا ءوسۋ بار

وتكەن جىلدىڭ قورىتىندىسىنا سايكەس قۇرىلىس جۇمىستارىنىڭ كولەمى 472 ملرد. تەڭگەنى قۇراپ, 1759,0 مىڭ شارشى مەتر باسپانا پايدا­لانۋعا بەرىلدى. بۇل – ەلوردا تاري­حىن­داعى ەڭ جوعارى كورسەتكىش. قولدا­نۋعا بەرىلگەن باسپانا كولە­مى 2014 جىلعى كورسەتكىشپەن سالىس­­تىرعاندا 146%-عا ارتىق ەكەن­­دىگى بايقالادى. وسىلاي دەدى پرەزي­دەنت جانىن­داعى ورتالىق كوممۋ­­نيكاتسيالار قىزمەتىندەگى ەلوردانىڭ قۇرىلىس سالا­سىن­دا اتقارىلعان جۇمىس قورى­تىن­دىلارىنا بايلانىستى وتكەن باس­پاسوز ءماسليحاتىندا استانا قا­لاسى اكىمىنىڭ ءبىرىنشى ورىن­­با­سارى سەرگەي حوروشۋن. ونىڭ ايتۋىنا قاراعاندا, 2015 جىلى جال­پى اۋماعى 2371 مىڭ شارشى مەتر بولاتىن بارلىعى 1135 ءار­تۇرلى نىساندار پايدالانۋعا بەرىلدى. سونىمەن قاتار, تۇتىنۋعا ۇسىنىل­عانداردىڭ قاتارىندا 107 الەۋمەتتىك نىسان, سونىڭ ىشىندە ارقايسىسى 1200 ورىندىق جالپى ءبىلىم بەرەتىن 4 مەكتەپ, 1720 ورىندىق 8 بالاباقشا بار. بۇعان قوسا, 250 توسەك-ورىندىق بالالار جۇقپالى اۋرۋلار اۋرۋحاناسى, مەديتسينالىق-الەۋمەتتىك ساۋىقتىرۋ ورتالىعى, سول جاعا­لاۋ­دا 500 كەلۋشىگە ارنالعان امبۋلا­توريالىق-ەمحانالىق كەشەن, قازاق­ستان رەسپۋبليكاسى پرەزيدەنتى ءىس باسقارماسىنىڭ كلينيكالىق-وڭالتۋ كەشەنى سياقتى دەنساۋلىق ساقتاۋ نىساندارى پايدالانۋعا بەرىلدى. جانە دە «قولجەتىمدى تۇرعىن ءۇي-2020» مەملەكەتتىك باعدارلاماسى اياسىندا 343 مىڭ شارشى مەتر, سونىڭ ىشىندە ەسكى جانە اپاتتى جاعدايداعى ۇيلەردى بۇزۋ جونىندەگى قاناتقاقتى جوبا شەڭبەرىندە 151 مىڭ شارشى مەتر باسپانا قول­دانۋعا بەرىلىپ وتىر. بۇل تۇرعىدا قاناتقاقتى جوبا باستالعالى بەرى اپاتتى جاعدايداعى ۇيلەردىڭ 1762 تۇرعىنى ءوز پاتەرلەرىنىڭ كىلتىن يەمدەندى. بەكىتىلگەن كەستەگە سايكەس جو­بانىڭ 1-كەزەگىن تولىق جۇزەگە اسىرۋ 2017 جىلدىڭ ەكىنشى جارتىسىندا اياقتالادى. يندۋستريالىق پارك اۋماعىندا 27 وندىرىستىك نىسان پايدالانۋعا بەرىلىپ, 2735 جاڭا جۇمىس ورنى اشىلعان. بۇل رەتتە جالپىەكونوميكالىق كونيۋنك­تۋرا دامۋىنىڭ تۇراقسىزدىعىنا قاراماستان بيىلعى جىلى ەكونو­ميكانىڭ قۇرىلىس سالاسىنداعى ءوسۋ قارقىنىن كەمىندە 104% كولەمىندە ساقتاپ قالامىز, دەگەن جوسپارىن اتاپ وتكەن اكىمنىڭ ءبىرىنشى ورىنباسارى وسى باعىتتاردا جۇيە­لى جۇمىستار اتقارىلاتىنىن ناق­تىلادى. ونىڭ ايتۋىنشا, قولدا بار قارجىلىق رەسۋرستاردىڭ ازدىعىنا بايلانىستى حالىقارالىق قارجى ۇيىمدارىمەن, سونىڭ ىشىندە مەملەكەت-جەكەمەنشىك سەرىكتەستىگى تەتىكتەرىن پايدالانۋ ارقىلى قارىز بەن نەسيە تارتۋ ماقساتىندا اكىمدىك تاراپىنان جۇمىستار جۇرگىزىلۋدە. بۇل باعىتتا وسى جىل­دىڭ وزىندە 960 ورىندىق 4 بالا­باقشا, 4 امبۋلاتوريالىق ەمحانا, 4 پاركينگ قۇرىلىسى جوبالارىن باس­تاۋ جوسپارلانىپ وتىر. بۇگىنگى تاڭدا استانا قالاسىندا قۇرىلىس كەزەڭىندە – 2591, جوبالاۋ كەزەڭىندە 1195 نىسان جۇزەگە اسىرىلۋدا. سونداي-اق, ەلوردادا تۇرعىن ءۇي سالۋداعى بىرقاتار تۇيتكىلدەرگە تولىعىراق توقتالعان س.حوروشۋن «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرى­لىس قىزمەتى تۋرالى» جانە «تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭداردى بۇزۋعا جول بەرگەن تۇرعىن ءۇي سالۋشىلارعا قاتىستى جاعدايلاردى باياندادى. وتكەن جىلى قۇرىلىس سالاسى بويىنشا 909 بۇزۋشىلىق, پاتەرلەردى زاڭسىز ساتۋ بويىنشا 37 دەرەك انىقتالىپ, وسى ماسەلەگە وراي مەملەكەتتىك ورگاندار تاراپىنان قاجەتتى شارالار قابىلداندى. بۇگىنگى كۇنى قانداي دا ءبىر قۇ­رىلىس جۇمىستارىنا كىرىسكەن­دەر ءوز بەتىمەن سالۋدى باس­تا­عان نىساندارىنىڭ قۇرىلىسىن سوت شەشىمىمەن توقتاتىپ, كەيىن ايىپ­پۇل تولەگەنشە, زاڭمەن بەلگى­لەنگەن تارتىپتەگى رۇقسات قاعاز­دارىمەن جۇمىس ىستەۋدىڭ ءتيىمدى ەكەندىگىنە كوزدەرى جەتتى, دەيدى س.حوروشۋن. ەلميرا ماتىباەۆا, «ەگەمەن قازاقستان».