شىمبۇلاقتا اداسقان ءتۋريستىڭ ءمايىتى تابىلدى

الماتى. 27 قاڭتار. شىمبۇلاق تۋريستىك كەشەنىنىڭ اۋماعىندا سەرۋەنگە شىققان پولشالىق ءتۋريستىڭ ءمايىتى تابىلدى. بۇل تۋرالى الماتى قالالىق توتەنشە جاعداي دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «112» نومىرىنە سەرۋەنگە شىققان ءتۋريستىڭ ءىز-ءتۇزسىز كەتكەنى تۋرالى  حابار تۇسكەن بويدا ىزدەۋ سالىندى. كوپ كەشىكپەي ءتۋريستىڭ پولشالىق ەكەنى, ونىڭ ساپارعا شىعاتىن كەزدە ارىپتەستەرىمەن اقىلداسپاعانى, قاي باعىتتا جۇرەتىنى تۋرالى ەشكىمگە ەشقانداي مالىمەت قالدىرماعانى دا انىقتالدى. ىزدەۋ شارالارىنا بارلىعى 21 قۇتقارۋشى, 6 تەحنيكا جۇمىلدىرىلدى. سونداي-اق, ارنايى توپقا شىمبۇلاق تاۋ-شاڭعى كەشەنىنىڭ 4 شاڭعىلى ءپاترۋلى, 1 تىكۇشاق قاتىستى. ۇسىك شالىپ قاتىپ قالعان ءتۋريستىڭ ءمايىتى تالعار شاتقالىنىڭ سول قاپتالىنان تابىلدى. تالعات ءسۇيىنباي. دەرەك, سۋرەت: الماتى قالالىق توتەنشە جاعداي دەپارتامەنتىنىڭ ءباسپاسوز قىزمەتى.