ماقسات – ۇيلەسىمدى ءىس-قيمىل ۇلەسىن ارتتىرۋ

قازاقستان رەسپۋبليكاسى پارلامەنتى ءماجىلىسى مەن ءماسليحاتتارىنىڭ دەپۋتاتتارىن سايلاۋ جونىندەگى سايلاۋ ناۋقانىن ۇيىم­داستىرۋ مەن وتكىزۋ جونىندەگى دايىن­دىق جۇمىسىنىڭ شەڭبەرىندە ورتالىق سايلاۋ كوميسسياسى سايلاۋدى ادىستەمەلىك قامتاماسىز ەتۋگە ەرەكشە كوڭىل بولەدى. اتالعان جۇمىس ورتسايلاۋكومنىڭ سايلاۋ كوميسسيالارى مۇشەلەرى مەن سايلاۋ پرو­تسەسىنە قاتىسۋشىلاردى قۇقىقتىق وقىتۋ جانە اقپاراتتاندىرۋ جونىندەگى قىزمەت باعىتتارىنىڭ ءبىرى بولىپ تابىلادى. ورتسايلاۋكوم ازىرلەگەن ءتۇرلى انىق­تام­الىق جانە اقپاراتتىق ماتەريالدار سايلاۋدى ۇيىمداستىرۋشىلاردىڭ سايلاۋ­دى ازىرلەۋ مەن وتكىزۋ جونىندەگى كاسىبي قىز­مەتىندە, سونداي-اق, سايلاۋ ناۋقانىنا قاتى­سۋشىلاردىڭ ولاردىڭ سايلاۋ قۇقىقتارىن ىسكە اسىرۋىنا جاردەمدەسۋگە بەيىمدەلگەن. ورتسايلاۋكومنىڭ تاپسىرىسى بو­يىنشا اۋماقتىق, وكرۋگتىك جانە ۋچاسكەلىك سايلاۋ كوميسسيالارى, ساياسي پارتيالار مەن ولاردىڭ سەنىم بىلدىرىلگەن ادامدارى, كانديداتتار مەن ولاردىڭ سەنىم بىلدىرىلگەن ادامدارى, بايقاۋشىلار, باق وكىلدەرى مەن تاعى باسقالارعا ارنالعان 8 اقپاراتتىق پلاكات جانە 14 اتاۋلى جادناما, ادىستەمەلەر, جيناقتار جانە باسقا دا باسپا ونىمدەرى ازىرلەنۋدە. ال ورتالىق سايلاۋ كوميسسياسىنىڭ تاپسىرىسى بويىنشا ازىرلەنگەن بارلىق ادىستەمەلىك ماتەريالدار ونىڭ www.election.gov.kz رەسمي ينتەرنەت-رەسۋرسىندا ورنالاستىرىلادى. ازاماتتاردى اقپاراتتاندىرۋ ءتيىم­دى­لىگىن ارتتىرۋ جانە ولاردىڭ سايلاۋعا قاتىسۋ قۇقىقتارىن قامتاماسىز ەتۋ ءۇشىن ورتسايلاۋكومنىڭ تاپسىرىسى بويىنشا, سونداي-اق, رەسپۋبليكالىق تەلەارنالاردا, راديودا, سونىمەن قاتار, نەعۇرلىم تانىمال اۋماقتىق تەلەارنالار ەفيرىندە سايلاۋ ناۋقانى بويى كورسەتىلىپ, دىبىستالاتىن اقپاراتتىق جانە جۇمىلدىرۋ بەينە- جانە دىبىسروليكتەرى ازىرلەنۋدە. سونىمەن قاتار, ەلدىڭ وڭىرلەرىندە سايلاۋ تۋرالى نە­گىزگى اقپاراتتى قامتيتىن جانە ازاماتتار­دى داۋىس بەرۋگە قاتىسۋعا شاقىراتىن اقپا­راتتىق جانە جۇمىلدىرۋ بيلبوردتارى ورنالاستىرىلادى. ۋچاسكەلىك سايلاۋ كومسيسسيالارى ءۇشىن «سايلاۋ كۇنى داۋىس بەرۋ راسىمدەرى تۋرالى» ارنايى وقىتۋ ءفيلمى ازىرلەنۋدە, ول ەل­دىڭ بارلىق اۋماقتىق, وكرۋگتىك جانە ۋچاس­كەلىك سايلاۋ كوميسسيالارىنا جىبەرى­لەدى. ورتسايلاۋكوم, سونىمەن قاتار, اق­پا­راتتىق جانە ءتۇسىندىرۋ جۇمىستارىنا, ساي­لاۋ ورگاندارى قىزمەتىنىڭ اشىقتىعى مەن ايقىندىعىن قامتاماسىز ەتۋگە, سايلاۋ زاڭناماسى نورمالارىنىڭ قاتاڭ ساقتالۋىنا ەرەكشە كوڭىل بولەدى. سونداي-اق, ورتالىق سايلاۋ كوميسسياسى بارلىق بۇقارالىق اقپارات قۇرالدارىمەن بەلسەندى ءىس-قيمىل جاسايدى, ولاردىڭ بارلىق اقپاراتتىق ماتەريالدارعا تەڭ قول جەتكىزۋىن قامتاماسىز ەتەدى. بۇل ىنتىماقتاستىقتىڭ تيىمدىلىگىن ارتتىرۋ ءۇشىن سايلاۋ ناۋقانى كەزەڭىنە ورتسايلاۋكوم جانىندا تۇراقتى تۇردە جۇمىس جاسايتىن ءباسپاسوز ورتالىعى اشىلعانىن تاعى دا قاپەرگە سالامىز. ساۋلەبەك ءبىرجان.