“قارلىعاش” قاناتىن قاقتى

تەمىر اۋدانىندا سوڭعى كەزدەرى الەۋ­مەتتىك سالا نىساندارىنىڭ قۇرىلىسىن سالۋ قارقىن الا باستادى. مۇنى جۇرت­شىلىق وسى اۋداننىڭ تىزگىنىن ۇستا­عانىنا كوپ ۋاقىت بولا قويماعان ب.قا­نيەۆتىڭ ىسكەرلىگىمەن ساباقتاستىرادى.ول اۋدان اۋماعىندا جۇمىس ىستەيتىن ينۆەستورلارمەن ورتاق ءتىل تابىسۋ ارقىلى وزەكتى ماسەلەنىڭ وڭ شەشىلۋىنە ىقپال ەتىپ وتىرعان كورىنەدى. ەكى جىلعا جەتەر-جەتپەس ۋاقىتتا عانا توعىز بالا باقشا مەن ءتورت كلۋب پايلالانۋعا بەرىلىپ, حا­لىق­­تىڭ يگىلىگىنە قىزمەت ەتۋدە. جاقىندا اۋدان ورتالىعى شۇبارقۇدىق كەنتىندە ەلباسىنىڭ “بالاپان” باعدارلاماسى بويىنشا ىسكە قوسىلعان 75 ورىندىق “قارلىعاش” بالاباقشاسى بالالاردى عانا ەمەس, ولاردىڭ اتا-انالارىن قۋا­نىشقا بولەدى. ونىڭ دا رەتى بار, بۇرىن ورتالىقتان قاشىقتاۋ تۇراتىن اۋىل جۇرتشىلىعى بوبەكتەرىن يت ولگەن جەرگە سۇيرەپ اۋرەگە تۇسەتىن, ەندى ىرگەدەن ءتار­بيەشىلەرىنە تاپسىرىپ, الاڭسىز جۇمىس­تارىنا اياڭدايتىن كۇنگە دە جەتتى. بۇل بالاباقشا قۇرىلىسىن ءتورت ايدا ء“اليحان ويل”جاۋاپكەرشىلىگى شەكتەۋلى سەرىكتەستىگى سالىپ بەرىپتى. جاڭا نىسان­نىڭ تۇساۋكەسەرىندە ءسوز العان اۋدان اكىمى باۋىرجان قانيەۆ سالتاناتتى ساتكە جينالعانداردى جاڭا ۇلگىدەگى بالا­باقشانىڭ اشىلۋىمەن قۇتتىقتادى, شاراعا قاتىسقان قر پارلامەنتى سەناتىنىڭ دەپۋتاتى يران ءامىروۆ يگى تىلەگىن ءبىلدىردى, ەڭبەك جانە سوعىس اردا­گەرى ايتباي الماعامبەتوۆ باتاسىن بەردى. تاعى ءبىر سالتانات وسى باعدارلاما اياسىن­دا سالىنعان 50 ورىندىق “گاۋھار” بالا­باق­شاسى جاڭادان پايدالانۋعا بەرىلگەن تەمىر قالاسىندا دا بولدى. شۇكىر, ەلبا­سىنىڭ “بالاپان” باعدار­لا­ما­سى وسى­نداي قارقىنمەن جۇرگىزىلسە, تاياۋ ۋاقىت­تاردا بۇلدىرشىندەردى مەكتەپكە دەيىنگى مەكەمەلەرگە ورنالاستىرۋ ماسە­لەسى تۇبەگەيلى شەشىمىن تابارى ءسوزسىز. ساتىبالدى ءساۋىرباي, اقتوبە وبلىسى.