ويىن دەپ, مىنە, وسىنى ايت!

17-19 قىركۇيەك ارالىعىندا استانادا تەننيستەن قازاقستان مەن شۆەيتساريا قۇرامالارىنىڭ اراسىندا دەۆيس كۋ­بوگىنىڭ الەمدىك ليگاسىنا جولداما بەرەتىن ماتچتىق كەزدەسۋ ءوتتى. وسى كەزگە دەيىن الەمدىك بايگەدە باق سىناسىپ كورمەگەن قازاقستاننىڭ ەرلەر قۇ­راماسى بۇل جولى كەزدەسۋدىڭ ءفاۆوريتى سانالعان قارسىلاستارىنان ءۇش كۇن بويى باسىم ءتۇسىپ, تەننيستەن الەمدەگى ەڭ ۇزدىك 15 ەلمەن بىرگە دەۆيس كۋبوگىنىڭ كەلەسى اي­نا­­لىمىندا كۇش سىناسۋعا مۇمكىندىك الدى. بۇل باسەكەگە اتاقتى رودجەر فە­دە­رەر­دىڭ قاتىسۋى جوسپارلانعانىمەن, ول استاناعا كەلە المادى. كورتقا شۆەي­­­­تسا­ريادان ماركو كيۋدينەللي, ميحاەل لاممەر, يۆو اللەگرو, ستا­نيسلاس ۆاۆرينكا سياقتى تەننيسشىلەر شىقسا, ءبىزدىڭ ەلدەن اندرەي گولۋبەۆ, يۋري ششۋكين, ميحايل كۋكۋشكين شىقتى. جارىستىڭ قىزىقتى بولاتىنى ءبىرىنشى كۇننەن كورىندى. كورتقا العاش بولىپ شىق­­قان قازاقستاننىڭ ءبىرىنشى راكەتكاسى ان­درەي گولۋبەۆ پەن ماركو كيۋدينەلليدىڭ ارا­سىندا وتكەن باسەكە ءۇش سەتتىڭ بارىندە 6:4 بولىپ اياقتالدى. بۇل كەزدەسۋدە اندرەي ەكى-اق رەت قاتەلىك جىبەرىپ, ەيستەردى جاقسى ور­ىن­داپ, قارسىلاسىنا ەش مۇمكىندىك بەرمەدى. وسى كۇنى ميحايل كۋكۋشكين مەن ستانيسلاس ۆاۆرينكانىڭ اراسىندا بول­عان كەزدەسۋ دە قىزىقتى جانە تار­تىستى ءوتتى. مۇ­نىڭ الدىندا ەكەۋى اقش-تىڭ اشىق چەم­پيوناتىندا كەز­­دەسكەن ەدى. سول جەردە مي­حايلدى ءۇش سەتتە ويسىراتا ۇتقان ۆاۆرينكا وسى جولى دا ءوزىنىڭ جەڭەتىنىنە سەنىمدى بولدى. ءبىزدىڭ جىگىت اتر رەيتينگىسىندە 96 ورىندا تۇرسا دا, وسى كەزدەسۋدىڭ الدىندا اتالمىش رەيتينگتە 27 ورىندا بولعان ستانيسلاس ۆاۆرين­كا­دان ەكى سەتتە ۇتىلعانىمەن, قالعان ءۇش سەتتە 6:1, 6:4, 6:3 ەسەبىمەن باسىم ءتۇستى. وسى ويىننان كەي­­ىن قازاقستان قۇ­راماسىنىڭ كاپي­تانى ەگور شالدۋنوۆتىڭ: “بىزگە ەندى كەلەسى, جۇپتاسىپ ونەر كورسەتۋدە قو­ناقتاردى جەڭۋ كەرەك. بىراق ول وڭاي بولمايدى. شۆەيتساريالىقتار قۋلىققا باسىپ, قۇراماسىن ويىنعا الماستى­­رىپ شىعۋى مۇمكىن”, دەگەن ويىن بىلدىرگەن ەدى. سونىڭ بولجامى كەلەسى كۇنى اينا قاتەسىز ءدال كەلدى. شۆەي­تساريالىقتار ويىنعا ميحاەل لاممەر­دىڭ ورنىنا قايتادان ەڭسەسى تۇسە باستاعان ستانيسلاس ۆاۆرينكا مەن يۆو اللەگرونى قوستى. ءبىزدىڭ قۇراما دا قا­راپ قال­مادى. كورتقا ەۆگەني كورو­لەۆ­تىڭ ور­نىنا اندرەي گولۋبەۆتى شى­عار­دى. ول يۋري ششۋكين­­مەن بىرگە قوناقتارعا قارسى وينادى. وسى كەزدە­سۋدە سوڭعى كەزدە جاقسى تاندەم بولىپ جۇرگەن ەكەۋى قارسى­لاس­تارىن ءۇش سەتتە 6:4, 6:3 ەسەبىمەن جەڭىپ, ەلىمىزگە كوپ­تەن بەرى كۇتكەن دەۆيس كۋبوگىنىڭ جولدا­ماسىن الىپ بەردى. ال ۆاۆرينكا كورتتا تاعى دا مىنەز كورسەتىپ, تورە­شىنىڭ ساناعان ۇپايلا­رىمەن كەلى­س­­­پەيتىنىن, دوپتىڭ كەيبىر جەردە الاڭعا ەمەس, سىرتقا كەتىپ قالعانىن دالەل­دەۋمەن بولدى. اقىرى, ونىڭ ۋاجىنە تورەشى قۇلاق اسپاعان سوڭ ول ويىننىڭ سوڭىندا راكەتكاسىن لاقتىرىپ, كورت­تان كەتىپ قالدى. شۆەيتساريا قۇرا­ما­سىنىڭ كاپيتانى سەۆەرين لۋتي دە تورەشىمەن داۋلاسقىسى كەلىپ ەدى, بىراق ونىڭ دا ءۋاجى ەسكەرىلمەگەن سوڭ ءوزىنىڭ ورىن­دى­عىن ءبىر تەۋىپ, كورتتان شىعىپ كەتتى. مىنە, وسىنداي نوتامەن جارىس­تىڭ ەكىن­شى كۇنى, ياعني قازاقستان قۇرا­ماسىنىڭ دەۆيس كۋبوگىنىڭ ەڭ ۇزدىك 16 كو­مان­داسى قاتىساتىن پلەي-وفف ءبا­سەكەسىنە جولداما العان كۇنى اياقتالدى. ال جارىستىڭ ءۇشىنشى كۇنى اندرەي گولۋبەۆ ءبىرىنشى كۇننەن باستاپ تاسادا قالىپ جۇرگەن ميحاەل لاممەرمەن كەزدەسىپ, ونى 6:2, 6:4, ال ميحايل كۋكۋشكين ماركو كيۋ­دي­نەلليدى دە ءدال وسىنداي ەسەپپەن ۇتىپ, كەشەگى ويىندا لايىقتى تۇردە جەڭگەنىن كورسەتتى. ءسويتىپ,  جارىستىڭ سوڭعى كۇنى وت­ان­­داس­تارىنىڭ جەڭىسىنە سەنىمدى بولعان 160-قا جۋىق شۆەيتساريالىق جانكۇي­ەر­­­لەردىڭ استاناعا كەلەر الدىنداعى كو­ڭىل-كۇيى ءبىر كۇندە سۋ سەپكەندەي باسىل­دى. وسى كۇنى قو­ناقتاردىڭ كو­ڭىلىن تەك قانا مىنا ءبىر وقيعا كوتەرە الدى. جارىس اياقتالعان سوڭ شۆەي­­تسا­ريالىق ءبىر جانكۇيەر ىشىندە ماڭىزدى قۇجات­تارى مەن اقشاسى بار كەيستى جو­عال­تىپ الىپتى.  سونى بىرنەشە مي­نوت­تەردەن كەي­ىن ءتارتىپ ساقشىسى قاي­تارىپ بەرىپتى. وعان كەيستى ءبىر جاس با­لا اكەلىپ بەرگەن كورىنەدى. داستان كەنجالين. ------------------------------- سۋرەتتى تۇسىرگەن ورىنباي بالمۇرات.