اتاقتى ۆەلوشاباندوزدار — استانادا

كەشە ەلىمىزگە “سامۇرىق-قا­زىنا” ۇلتتىق ءال-اۋقات قورى” اق پەن قازاقستان ۆەلوسپورتى فە­دەراتسياسىنىڭ شاقىرۋىمەن سپورت­تىڭ وسى تۇرىنەن بىرنەشە مارتە رەكوردتار جاساعان, كوپ كۇنگە سوزىلاتىن ءۇش ءىرى جارىستا 11 رەت جەڭىسكە جەتكەن ەددي مەركس, “تۋر دە فرانس” بايگەسىنىڭ ءۇش دۇركىن, “دجيرو د يتاليا”, “ۆۋەلتا يسپانيا” جارىس­تا­رىنىڭ جەڭىم­پازى البەرتو كون­تادور مەن وتان­­داسىمىز, كوپتە­گەن تۋرلار­دىڭ, سونىڭ ىشىندە “ۆۋ­­ەل­تا يس­پا­نيا” باسەكەسىنىڭ جە­ڭىم­پازى الەك­ساندر ۆينوكۋروۆ كەلدى. وسى كۇنى “سامۇرىق-قازىنا” قورىنىڭ باسشىلىعى اتاقتى سپورت­شىلارمەن كەزدەسۋ وتكىزىپ, “اس­تانا” كومانداسى مەن ۆە­لو­سپورت فەدەرا­تسيا­سىنىڭ اتقارىپ جاتقان جۇمىس­تارى تۋرالى مالىمەت بەرىپ, مەي­مانداردىڭ سپورتتاعى جە­تىستىكتەرى مەن الداعى جوسپارلا­رى جونىندە وي بولىسۋىنە جاعداي جاسادى. كەزدەسۋدە قور باسشىسى قايرات كەلىمبەتوۆ الدىمەن “استانا” كو­مانداسىنىڭ بيىلعى “تۋر دە فرانس” جارىسىنداعى تابىسى سپورت­شىلار, مەنەدجەرلەر مەن دە­مەۋشىلەردىڭ ارقاسىندا قول جەتكەن جەتىستىك ەكەنىن, كوماندانىڭ جو­عارى سپورت­تىق جەتىستىككە جەتۋىندە ەلباسى نۇر­سۇلتان نازارباەۆتىڭ دا قولتاڭباسى جاتقانىن ايتىپ, قازىر “استانا” ۆە­لوكومانداسىنىڭ تەك سپورت الەمىندە عانا ەمەس, ەلىمىزدى, ەل استاناسىن دۇنيە جۇزىنە تا­نىس­تىرۋ ماقساتىندا دا ۇلكەن ءرول ات­قارىپ كەلە جاتقانىن, ونىڭ حالىق­ارالىق كوماندا بولعان­دىقتان, الداعى كەزدە دە بەلگىلى ۆەلوسپورت­شىلاردى شاقىرىپ, سولار ارقىلى تاجىريبە جينايتىن جاس­تارىمىزدى تاربيەلەۋدى جالعاستىرا بەرەتىندەرىن اتاپ ءوتتى. – “استانا” ۆەلوكومانداسى سپورتتىق جوبا ەمەس, ول – مەملە­­كەتتىك دەڭگەيدەگى ماڭىزدى ءىس. ول ەلىمىزدە سپورتتىڭ وسى ءتۇرىن دامىتۋ, حالىق اراسىندا سالاماتتى ءومىر سال­تىن قالىپتاستىرۋ بويىنشا سترا­تەگيالىق ماقساتقا يە, – دەدى ول. وسىدان كەيىن “تۋر دە فرانس­تىڭ” ءۇش دۇركىن چەمپيونى, “استا­نا” كومانداسىنىڭ ساپىندا ەكى رەت جارىسقا قاتىسقان البەرتو كون­تادور وتانداستارىمىزدىڭ قوناق­جاي­لىلىعىنا, ەلىمىزدىڭ كوماندا­سىنىڭ جەيدەسىن كيىپ, بايگەلەردە باق سىناسۋىنا مۇمكىندىك بەرگەنى ءۇشىن العىسىن ءبىلدىردى. ال الەكساندر ۆي­نوكۋروۆ كەلەر جىلعا جوسپارلا­­­رىن ايتا كەلىپ, “استانا” كومان­داسىنا “تۋر دە فرانس” كوپكۇندىك ءباي­گە­سىندە كوماندالىق ەسەپتە العاشقى ورىن الۋعا كومەكتەسەتىنىن ءمالىم­دەدى. وسىعان وراي ول: ء“بىز جەكە تۇرعىدا تاعى دا جوعارى ساتىعا شىعامىز دەپ ويلايمىن. قازىرگى كۇنى شلەك پەن كونتادور سەكىلدى ەكى ەڭ ءىرى ۆەلوشاباندوز بار. بىراق, ولاردى دا جەڭۋگە بولادى”, دەدى. كەزدەسۋدەن كەيىن سپورتشىلار استاناداعى بالالار ۇيىندە بولىپ, ولارعا “سامۇرىق-قازىنا” قورى سىيلاعان ميكرواۆتوبۋستىڭ كىلتىن تاپسىردى. وسى جەردە الەكساندر ۆينوكۋروۆ بالالارعا كىلت تابىس ەتە وتىرىپ, “مىقتى, كۇشتى جانە ءومىر­دە جەتىستىكتەرگە جەتەمىن دەسەڭىزدەر, سپورتپەن اينالىسىڭىزدار”, دەگەن تىلەگىن جەتكىزدى. داستان كەنجالين, سۋرەتتەردى تۇسىرگەن ورىنباي بالمۇرات.