قۇرامادان قۇيىلعان قۇرىش

كەشە استانا قالاسىنداعى جۋرناليستەر ۇيىندە قوستاناي جەرىندە قۇراستىرىلىپ شىعارىلعان وڭتۇستىككورەيالىق “Ssang Yong” كولىگىنىڭ العاشقى توبىن بۇقارالىق اقپارات قۇرالدارىنىڭ وكىلدەرىنە تانىس­تىرۋعا ارنالعان ءباسپاسوز ءماسليحاتى بولىپ ءوتتى. ءبىر جاعى اتالمىش كولىكتىڭ تۇساۋكەسەرى رەتىندە تۇڭدىك كوتەرگەن بۇل جيىنعا ەكى ەلدىڭ وسى ءونىمدى شىعارۋعا قاتىسى بار مەكەمەلەرىنىڭ جەتەكشىلەرى قاتىستى. ءباسپاسوز ءماسليحاتىنىڭ كىرىس­پە­سىن­دە يندۋستريا جانە جاڭا تەح­نولوگيالار مينيسترلىگى ونەركاسىپ كوميتەتى توراعاسىنىڭ ورىنباسارى داۋلەت باقبەرگەن ءبىرىنشى بولىپ ءسوز الىپ, قازاقستان مەن وڭتۇستىك كورەيا مەملەكەتتەرى اراسىنداعى اۆ­توموبيل ونەركاسىبى باعىتىنداعى بايلانىس­تىڭ باستاۋىنا توقتالدى. مۇنىڭ ءوزى پرەزيدەنت ن.نازار­باەۆ­تىڭ اتالمىش ەلگە رەسمي سا­پار­مەن بارعان كەزىنەن ارنالى ار­قاۋ تارتا­دى. سول جولعى مەملە­كەت­ارالىق ۋاعدالاستىق ءناتي­جەسىندە قوستاناي­داعى “قازاقستان اگرو­ماش­حولدينگى” اق كاسىپورنى­نىڭ بازاسىندا “Ssang Yong” كولىگىن قۇ­راستىرىپ شىعارۋعا نەگىز قالاۋدىڭ مۇمكىندىگى تۋدى. ونى كوپ جىل­دار­دان بەرى ءوزارا ىنتىماقتى جۇمىس جاساسىپ كەلە جاتقان كورەيالىق كولىك شىعارۋشى “Ssang Yong Motors Cor­po­ratىon” كومپانياسى مەن قازاق­ستان­دىق “Allur Auto” اۆتوموبيلدەر كومپا­نياسى توبى بىرگە ۇيىمداس­تىر­دى. جوبا ەلىمىز­دىڭ وتاندىق ەكو­نو­ميكانىڭ قۋاتىن ارتتىرۋدى كوزدەي­تىن ءوندىرىستى جەتىلدىرۋگە ارنالعان مەملەكەتتىك باعدارلاماسىنىڭ ءبىر بولىگىنە جاتادى. سونىمەن بىرگە ول ەلبا­سىنىڭ “قازاقستاندا جاسالعان” اتتى پاتريوتتىق باستاماسىن ءجۇ­زەگە اسىرۋدىڭ بىردەن-ءبىر ناقتىلى جولى بولىپ تابىلادى. – ءبىز قازاقستان اۋماعىندا قازىرگى زاماناۋي اۆتوموبيل قۇراس­تىرۋ ءوندىرىسىنىڭ قۇرىلۋىن ۇلكەن تا­ريحي وقيعا دەپ باعالايمىز, – دەدى توراعانىڭ ورىنباسارى. – ەلى­مىزدە جاڭا كولىك قۇراستىرۋ كون­ۆەيە­رىنىڭ قاتارعا قوسىلۋىنىڭ ءوزى الەمدىك ماشينە جاساۋشىلاردىڭ كەلەشەك ءبىزدىڭ رەسپۋبليكامىزدا ءتيىمدى جۇمىس جاساسۋ مۇمكىندىگىنىڭ بارى­نا سەنىپ وتىرعانىن كورسەتەدى. بۇل – ءبىر. ەكىنشى جاعىنان, جوعارى تەح­­­­نولوگيالى كولىكتەردى قۇراس­تى­رىپ شىعارۋ وتاندىق اۆتوموبيل ونەركاسىبىنىڭ رەسەي جانە بەلارۋس ەلدەرىمەن كەدەندىك ءبىرتۇتاس كەڭىس­تىك جاعدايىنداعى باسەكەلەستىكتى ارتتىرۋعا تىڭ سەرپىن بەرەدى. ايتاتىنى جوق, بۇل شىنىندا دا ەلىمىزدىڭ اۆتوموبيل قۇراستىرۋ سا­لا­سىنداعى ۇلكەن جاڭالىق بولىپ وتىر. “سۇيەگى كورەيلىك, ەتى بىزدىكى” بو­لىپ وتىرعان سول كولىكتەردىڭ ءبىر­نەشەۋىن جۋرناليستەر ۇيىنە جەتكەن بويدا ءوزىمىز دە تاماشالاپ كورگەنبىز. عي­ماراتتىڭ الدىنا قاڭتارىلىپ قوي­ىلعان ولار كوزگە اسەم كورىندى. قۇ­رامادان قۇيىلعان قۇرىشتاي بە­رىك, س ۇلىكتەي كورىكتى كولىك توتى­دايىن تارانىپ-اق تۇر. ورىس تىلىندە “ۆنە­دوروجنيك” دەگەن سيپاتتاماعا يە بۇل جولسىزبەن جۇرە الاتىن كولى­ك­تەر­دىڭ قازاق دالاسى­نىڭ كەز كەلگەن پۇشپاعى ءۇشىن بوتەن بولا قويماسى انىق. – ءبىز قازاقستاندا جيناستى­رىل­­عان “Ssang Yong” اۆتوموبي­ل­­دەرىنىڭ ساپاسىنا ريزامىز, – دەدى “Ssang Yong Motors ءCorporatىon” كومپا­نيا­سى­نىڭ تمد ەلدەرى بويىنشا مە­نەدجەرى رۋ يون حون ءبىزدىڭ وسى ويى­مىزدى قۋاتتاعانداي ءباسپاسوز ءماس­لي­حاتىندا. – قازىردىڭ وزىندە ماماندار مەن تۇتىنۋشىلار ولار­دىڭ وڭتۇستىك كورەيادا قۇراس­تىرىل­عان نۇسقاسىنان كەم تۇسە قوي­ماي­تىنىنا كوز جەتكىزە الادى. قازاق­ستانداعى كاسىپورىندا بارلىق تەحنولوگيالىق تالاپتار ساقتالىپ, ونەركاسىپ جانە ساپا مەنەدجمەنتى جۇيەسى ىسكە قوسىلدى. بۇعان كاسىپ­ورىنعا جۇمىسقا تارتىل­عان كوپتە­گەن مامانداردىڭ وڭتۇستىك كورەيا زاۋىتتارىندا ارنايى وقۋ كۋرستا­رىنان ءوتىپ قايتقانى دا وڭ اسەر ەتكەن سياقتى. ال ءسوزىنىڭ باسىندا رۋ يون حون مىرزا ەكى مەملەكەتتىڭ اراسىنداعى ىنتىماقتاستىقتى ودان ءارى دامىتا تۇسۋدەگى وتە ماڭىزدى قادام بولىپ تابىلاتىن جوبانىڭ جاقسى باس­تال­عانىنا قۋانىشتى ەكەندىكتەرىن بىلدىرە كەلىپ, وسىعان جاردەم جا­ساعان قازاقستان ۇكىمەتىنە, سونداي-اق يندۋستريا جانە جاڭا تەحنولو­گيالار مينيسترلىگىنە ال­عىس سەزىمىن جەتكىزدى. وسى جەردە كو­ڭىلگە ءتۇي­گەنىمىز, قوستانايدا “Ssang Yong” ءاۆتوموبيلىن قۇراس­تى­رۋدىڭ ءبىرىنشى كەزەڭى ءىرى توراپ­تىق ءادىس بويىنشا جۇرگىزىلەدى. سودان كەيىن كاسىپ­و­رىن­­­نىڭ كولىك شىعارۋداعى جەكە ۇلەسى 50 پايىزعا دەيىن جەتكىزەتىن شاعىن توراپتىق ءتاسىل قولعا الى­نادى. العاشقى جى­لى مۇندا 1000 اۆتوموبيل شى­عارۋ جوسپارلانىپ وتىر. بىرلەسكەن جۇمىستىڭ بەسىنشى جىلىندا بۇل مولشەر 7500-عا دەيىن جەتكىزىل­مەك­شى. ەندى بۇل اۆتومو­بيل­د­ەر “Ssang Yong” ماركاسىنىڭ رەسمي ديس­تري­بيۋتورىنىڭ جەلىسى بولىپ سانا­لاتىن “Allur Auto” اۆتوموبيلدەر كومپانياسى ارقى­لى ساتىلاتىن بولادى. ولار سونداي-اق ەلىمىزدەگى ەڭ ءىرى كولىك ساتۋ ورىندارى بويىنشا دا ساۋداعا شىعارىلادى. ءماسليحاتتا اتالمىش جوباعا 16 ملن. دوللاردان استام ينۆەستي­تسيا قۇيىلعانى بايان ەتىلدى. سونىڭ ىشىندە “Allur Auto” كومپانيالار توبى مەن “قازاقستان اگروماش­حول­دينگى” اكتسيونەرلىك قوعامى ءبول­گەن قارجى 10 ملن. دوللاردى قۇ­رايدى. ال ءوندىرىستى قۇراستىرۋ جە­لىسىن ساتىپ الۋعا ارنالعان 6,5 ملن. دوللار مولشەرىندەگى قارا­جات­­ت­ى “قازاقستان ترانسپورت لي­زينگ­تىك كومپانياسى” اق شى­عارعان. بۇل اك­تسيونەرلىك قوعامنىڭ 100 پايىز­دىق اكتسيالار پاكەتى كولىك جانە كوم­مۋنيكاتسيا مي­نيستر­لىگىنە قارايدى. – قازاقستاندا “Ssang Yong” كولىگىن قۇراستىرىپ شىعارۋ وتان­دىق تۇتىنۋشىلار ءۇشىن ولاردىڭ باعالارىن تومەندەتىپ ۇسىنۋعا ءمۇم­كىندىك بەرەدى, – دەدى “Allur Auto” اۆتوموبيلدەر كومپانياسى توبى­نىڭ باس ديرەكتورى اندرەي لاۆ­رەنتەۆ ءوز كەزەگىندە. – بۇعان قوسا ءبىز ەلىمىزدىڭ بارلىق ءىرى قالا­لارىندا ساپالى دا ءتيىمدى باعامەن اۆتومو­بيل قىزمەتىن كورسەتەتىن بولامىز. ءبىز سىزدەرمەن بۇدان بۇ­رىن دا وسى قۇرامدا جولىققان ەدىك. وندا وسى جوبانىڭ ىسكە قو­سىل­عانىن ءمالىم ەتكەن بولاتىن­بىز. ەندى سول جو­با­دان شىققان كولىكتەردى اكەلىپ تۇر­مىز. ال الدا قازاقستاننىڭ جولدا­رىمەن اۆتو­جۇ­رىس وتكىزۋ ويىمىزدا بار. ول اتالمىش كولىكتەردىڭ ءبىزدىڭ جولدارىمىزعا قانشالىقتى شىداس بەرەتىنىنە سىناق بولماق. جيىندا “قازاقستان اگروماش­حول­دينگى” اكتسيونەرلىك قوعامىنىڭ پرەزيدەنتى دين كيم كاسىپورىن­نىڭ الداعى ۋاقىتتاردا دا ساپالى ءونىم شىعارۋ ءۇشىن كۇرەسە بەرەتىنىن ايتتى. تاياۋداعى 5 جىل ىشىندە كاسىپورىن تاعى 300 جاڭا ورىن اشادى. جاقىن كەلەشەكتە مۇندا جىلىنا شىعاتىن كولىكتەر سانىن 25 مىڭعا دەيىن جەتكىزۋ دە مەجەدە بار. ول كەزدە, البەتتە, جاقىن شەت­ەلدەرگە ەكسپورتقا شىعارۋ ءجۇ­زەگە اساتىن بولادى. ءماسليحاتتى جۇرگىزۋشىلەر سو­ڭىندا جۋرناليستەردىڭ بىرقاتار سۇراقتارىنا جاۋاپ بەردى. سەرىك ءپىرنازار, سۋرەتتەردى تۇسىرگەن ورىنباي بالمۇرات.