جاڭا پورتال اشىلدى

كەشە تۋريزم جانە سپورت مينيسترلىگىندەگى يندۋستريا جانە تۋريزم كوميتەتىنىڭ وكىلدەرى ءvىsىtkazakhstan.kz رەسمي تۋريستىك پورتالىنىڭ تۇساۋىن كەستى. بۇل سايتتا ەلىمىزدىڭ تۋريستىك ءيميدجىن نىعايتۋ مەن تۋريزم سالاسى بويىنشا دايىندالعان تاۋارلاردىڭ ۇگىت-ناسيحاتى جۇزەگە اساتىن بولادى. ەگەمەن ەلىمىزدى جا­ڭا تۋريستىك باعىتتاعى ەل رە­تىندە تانىتاتىن پورتال بارشا حا­لىق­ارالىق تالاپتارعا ساي دايار­­لان­عان. ونى ازىرلەۋ جۇمىستارى اتالمىش سالاداعى كوپتەگەن سا­راپ­شىلار مەن مامانداردىڭ جانە سول سالا تۋرالى جازىپ جۇرگەن جۋر­ناليستەردىڭ قاتىسۋىمەن ءبىر جىلدان اسا ۋاقىتقا سوزىلعان. پورتالدىڭ باستى ماقساتى – قا­زاق ەلىن الەمگە ءوزىنىڭ تەڭدەسى جوق تۋريستىك مۇمكىندىكتەرى بار جۇرت رەتىندە تانىتۋ. – پورتالدا قازاقستاننىڭ ين­تەر­­اكتيۆتى تۋريستىك كارتاسى ەنگىزىل­گەن. ونىڭ كومەگىمەن ۇلان-بايتاق ەلى­مىزدىڭ بارلىق وڭىرلەرىنە ۆير­تۋ­ال­­دى ساياحات جاساۋعا بولادى. ءدالى­رەك ايتساق, ءسىز وسى كارتا ارقىلى اي­ماق­تاردىڭ قوناقتارعا ارنالعان ورىندارى مەن سۋرەتتەرىن, ۆيدە­و­رو­ليكتەر, ماقالالار جانە جاڭا­لىق­تار, ءوڭىر جونىندە تولىق اقپا­راتتار مەن مالىمەتتەردى بىلە الا­سىزدار. پورتال ونى قىزىقتاۋ­شى­لار ءۇشىن تەك تانىمدىق جانە اقپا­رات بەرەتىن قۇرال عانا ەمەس, ول ار­قىلى مەيمانحانالار مەن مەيرام­حا­نالارعا, سونداي-اق كولىككە بيلەتكە تاپسىرىس بەرۋگە بولادى. ەندى ەلىمىزدىڭ قاندايدا ءبىر اي­ماعىنا ساياحات جاساۋعا نيەت ءبىل­دىرگەن ازاماتتار ۇيىنەن شىقپاس­تان عالامتور ارقىلى كەز كەلگەن تۋريستىك قىزمەت ءتۇرىن تاڭداپ, وعان ونلاين برونداۋ ارقىلى تاپسىرىس بەرە الادى, – دەيدى جوبانىڭ جە­تەكشىسى ب.قانافين. جاڭا تۇساۋى كەسىلگەن پورتال ءvىsىtkazakhstan.kz نارىق سۇرانىس­تارىن تولىق قاناعاتتاندىرۋ, الەۋەتتى تۋريستەردىڭ عالامتور جە­لىسى ارقىلى الدىن-الا تاپسىرىس بەرۋ قىزمەتىنىڭ ەرەكشەلىكتەرىن پايدالانۋى, كەڭ اۋقىمدى كولەم­دەگى پايدالى اقپاراتقا قول جەت­كىزۋ, حات الماسۋ مەن قىزمەت كور­سەتۋ اقىسىن تولەۋ جانە باسقا دا ماقساتتار ءۇشىن قۇرىلعان. جاندوس مەديمانوۆ.