قوستاناي. 1 قىركۇيەك. قوستاناي وبلىسىنىڭ توتەنشە جاعدايلار دەپارتامەنتى اپپاراتىنىڭ قىزمەتكەرلەرى «مەكتەپكە جول» اتتى رەسپۋبليكالىق قايىرىلىمدىق اكتسياسىنا قاتىستى. اعىمداعى جىلى الەۋمەتتىك باعىتتاعى بۇل باستاماسى «بالالارعا بىرگە كومەك بەرەيىك!» ۇرانىمەن وتكىزىلۋدە. بۇل تۋرالى egemen.kz ءتىلشىسى حابارلادى.
اكتسيانىڭ باستى ماقساتى از قامتىلعان جانە كوپ بالالى وتباسىلار, جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ مەكتەپكە دايىنداۋ ىسىنە اتسالىسۋ بولىپ تابىلادى. مەملەكەتتىك ورگانداردىڭ, ۇلتتىق كومپانيالاردىڭ, اكتسيونەرلىك قوعامداردىڭ كومەگىنىڭ ارقاسىندا وتكەن جىلى وبلىستا اتالعان ساناتتاعى 190 215 بالاعا 1 ملرد.159 ملن. تەنگەدەن ارتىق سوماعا كومەك كورسەتىلدى.
اكتسيانىڭ الەۋمەتتىك ماڭىزدىلىعىن, قوعامدىق يگى ءىس ەكەندىگىن ەسكەرە وتىرىپ دەپارتامەنت اپپاراتىنىڭ قىزمەتكەرلەرى قوستاناي قالاسىنداعى №20 ورتا مەكتەبىنىڭ 8 سىنىبىندا وقيتىن جانار مەن جانەل تورەباەۆالارعا كومەك كورسەتتى. ولارعا مەكتەپ قۇرالدارى مەن مەكتەپ فورماسىن الىپ بەردى.
ءنازيرا جارىمبەتوۆا.
دەرەك,, سۋرەت: egemen.kz
