وسسە ءتىلىم, مەن دە بىرگە وسەمىن

شىعىس قازاقستان وبلىستىق سوتىنىڭ سۋديالارى مەن سوت جۇيەسى قىزمەتكەرلەرىنىڭ اراسىندا مەملەكەتتىك تىلدەن بايقاۋ بولىپ ءوتتى ءتىل دامىعان جەردە كەز كەلگەن سالادا العا باسۋشىلىق ايقىن باي­قالىپ, ادامداردى العا جەتەلەپ تۇراتىنى بەلگىلى. ال ءتىلدىڭ وركەندەۋى ۇجىمدار مەن مەكەمەلەردەگى باسشى­لاردىڭ بىلىكتىلىگىنە, مەملەكەتتىك ءتىلدى قۇرمەتتەۋى مەن سىيلاۋىنا بايلا­نىستى ەكەنى بەلگىلى. – ءبىزدىڭ ەلدە ءتىل نەگە دامىماي كەلەدى؟ ول, ەڭ الدىمەن مىندەتتەۋ, قۇر­­مەتتەۋ, بۇل قاعيدانى دۇرىس با­عا­لاماۋعا بايلانىستى العا جىل­جى­ماي كەلەدى. ەكىنشىدەن, ءتىلدى نا­سي­حاتتاۋ ءالى كۇنگە ءوز دەڭگەيىندە ەمەس. ونىڭ ۇستىنە حالىق قالاۋلى­لارى بۇل باعىتتا زاڭنامالاردى دۇ­رىس قابىلداماي وتىر. سوندىقتان دا, ول بوساڭ, سولقىلداق, – دەيدى شى­­عىس قازاقستان وبلىستىق سوتىنىڭ توراعاسى مۇحامەتجان پاقىردىنوۆ. – شىعىس قازاقستان وبلىسىندا 36 مەكەمە بولسا, ولاردا 250 سۋديا بار. بۇل قاراعاندى وبلىسىنان كەي­ىنگى ەكىنشى كورسەتكىش. قاراعاندىدا وسى سالانى باسقارعان كەزىمدە مەملەكەتتىك ءتىلدى مەڭگەرۋگە كوڭىل ءبولىنىپ قانا قويماي, زاڭ اكتىلەرىن, تەرميندەرىن يگەرۋگە دە نازار اۋدا­رىلدى. كەندى التايدا دا مۇنداي باي­قاۋلار ءوتىپ تۇرادى ەكەن. دەمەك, ءتىل­دى ەركىن مەڭگەرۋ باستى نازاردا, سول ءۇشىن سۋديالار اراسىندا ءتىل باي­قا­ۋ­لارىن وتكىزۋدى داستۇرگە اي­نال­دىردىق, – دەيدى مۇحامەتجان احمەديا ۇلى. جاقىندا شىعىس قازاقستان وب­لىستىق سوتىنىڭ جاڭا مەكەمەسىندە “وسسە ءتىلىم, مەن دە بىرگە وسەمىن” اتتى ءتىل بايقاۋى بولىپ ءوتتى. وعان وبلىستىق قالالىق جانە اۋداندىق سوتتاردىڭ سۋديالارى مەن مامان­دارىنان جاساقتالعان 26 كوماندا قاتىستى. بايقاۋ باستالماس بۇرىن وبلىستىق سوتتا قىزمەت ەتەتىن سوت ماماندارى “قارا جورعا” ءبيىن مىڭ بۇرالا بيلەپ بەردى. ءتىل مەرەكەسى قىزىقتى دا تارتىستى ءوتتى. وعان وبلىستىق سوتتىڭ توراعاسى مۇحامەتجان پاقىردىنوۆ جەتەكشىلىك ەتسە, وبلىستىق تىلدەردى دامىتۋ باسقارماسىنىڭ باستىعى ماناربەك مۇحامەتجانوۆ قازىلار القاسىنىڭ تاۋەلسىز تورەشىسى رەتىندە قاتىستى. “اسەرلى تانىستىرۋ”, “ەڭ ۇزدىك سوت اكتىسى”, “ەڭ ۇزدىك كورىنىس”, “ۇزدىك اۋدارما”, “ناعىز قازاقي توپ” جانە “ناعىز ۇلتجاندى سوت ماماندارى” دەگەن تاقىرىپتار بويىنشا وتكەن بايقاۋ جينالعانداردى وزىنە باۋراپ الدى. بايقاۋ ءتورت تۋردان تۇردى. ءبىرىنشى تۋردىڭ قاعيداسى بويىنشا قاتىسۋشىلار وزدەرى اتقاراتىن جۇ­مىستاردىڭ ەرەكشەلىكتەرى, مىندەتتەرى جايلى كەڭىنەن اڭگىمەلەپ بەرۋى ءتيىس ەدى. ال ەكىنشى تۋردا قازاق حالقىنىڭ سالت-ءداستۇرى, بيلەرى مەن شەشەندىك سوزدەرى, ماقال-ماتەلدەرى قامتىلعان بولاتىن. سونىمەن بايقاۋ قورىتىندى­سىن­دا №2-ءشى قالالىق سوتىنىڭ (قۇرامىندا ب. قايسينا, ن. ساعي­دول­دينا) كومانداسى باس جۇلدەنى جەڭىپ الدى. ال ءبىرىنشى ورىنعا شىعىس قا­زاقستان وبلىستىق مامانداندىرىلعان اۋدانارالىق ەكونوميكالىق سوتى يە (س. قابيدولدينا, ا. ەستاي) بولدى. جۇلدەلى ەكىنشى, ءۇشىنشى ورىنداردى شىعىس قازاقستان وبلىسى بويىنشا مامانداندىرىلعان اۋدانارالىق قىلمىستىق ىستەر سوتى, №2-ءشى كوك­پەكتى اۋداندىق سوتى يەلەندى. “ناعىز ۇلتجاندى”, “ۇزدىك سوت اكتىلەرى” اتالىمدارىن تارباعاتاي اۋداندىق سوتى مەن شىعىس قازاقستان وب­لىستىق سوتىنىڭ كوماندالارى يەلەنىپ, باعالى سىيلىقتارمەن ماراپاتتالدى. ءسويتىپ, “وسسە ءتىلىم, مەن دە بىرگە وسەمىن” بايقاۋىنىڭ باستاماشىسى, قازىلار القاسىنىڭ توراعاسى, ءتىل جاناشىرى مۇحامەتجان پاقىردىنوۆ جەڭىمپاز كوماندالار مەن جەكەلەگەن ازاماتتاردى اقشالاي سىيلىقتارمەن, گراموتالارمەن ماراپاتتادى. جا­قىن­دا م. پاقىردىنوۆ اقپارات قۇرالدارى وكىلدەرىن قابىلداپ, ەمەن-جارقىن اڭگىمەلەسىپ, ولاردىڭ ساۋالدارىنا جاۋاپ قايتاردى. الداعى ۋاقىتتا دا مۇنداي كەزدەسۋلەردىڭ حالىق ءۇشىن ءتيىمدى بولاتىنىن تىلگە تيەك ەتىپ, قۇقىق قورعاۋ سالاسى قىزمەتكەرلەرىن ناسيحاتتاپ جۇرگەن ءبىر توپ جۋرنا­ليستەردى ماراپاتتادى. وڭداسىن ەلۋباي. شىعىس قازاقستان وبلىسى.