“شاڭىراقتىڭ” شاتتىعى

وسىدان ءبىراز جىلدار بۇرىن ال­­ما­­تىعا قاراستى “شاڭىراقتىڭ” ءتو­ڭى­رەگىندەگى الاياقتاردىڭ ارباۋىنا ال­دان­عان, جالعان قۇجاتتارمەن ءرا­سىم­دەلگەن جەر تەلىمدەرىنەن تۋىن­داعان شاتاقتار كوپ ۋاقىتقا دەيىن وسى ءتو­ڭى­رەكتەن جەر العىسى كەلگەن جۇرتشى­لىقتىڭ ءبارىن سان سوقتىر­عانى بەل­گىلى. “شىن جىلاسا, سوقىر كوزدەن جاس شىعار” دەگەندەي, الدان­عانىمىزدى ءبىل­گەننەن كەيىن كوپشىلىك قاۋىم وت­تىڭ ۇشقىنىنداي عانا ءۇمى­تى­مىزدى ەش­ۋاقىتتا دا ۇزگەن ەمەسپىز. ەلىم, جە­رىم دەپ ءوز باۋىر­لا­رى­­مىز­دىڭ كوشىنە قوسىلىپ, قازاعى­مىزدىڭ داڭقىن اس­قاقتاتۋ جولىندا بارلىق قيىنشى­لىق­­­تارعا توزەمىز دەپ كەل­گەندە, قاسيەت­تى قازاق جەرى, قارا شا­ڭىراق ءبىزدى دالا­عا قالدىرمايتىنىنا كامىل سەندىك. ەلباسىنىڭ تىكەلەي قا­داعالاۋىمەن, بيلىكتىڭ بەلسەنە ارالا­سۋىمەن كوپ ۇزاماي ماسەلەنىڭ ءتۇيت­كىلى وڭ ءناتي­جە­لەرمەن شەشىلىپ جات­تى. اتاجۇرتىن اڭساپ, تاريحي وتا­نى­نا ورالعان, وزگە ەلدە سۇلتان بولعان­نان گورى ءوز ەلىنىڭ ۇل­تانى بولۋعا بەي­ىل باۋىرلاس وتان­داس­تار مەن ەلى­مىزدىڭ باسقا دا ايماق­تا­رىنان كوشىپ كەلگەن وت­باسىلارعا زاڭدى جەر تەلىم­د­ە­­رىنىڭ قۇجاتتارى ۇلەستىرىلدى. “باسى قاتتى بولسا, سوڭى ءتاتتى بولادى”, دە­مەك­شى العاشىندا داۋعا تولى مەكەن ءداۋ­لەتى تاسىعان قۇتتى جەرگە اينالدى. بۇل ءوڭىر قالاداعى الاتاۋ اۋدا­نى­نا قارايدى. وسى اۋداندا ەكى جىل ىشىندە ءۇش مىڭنان استام وتباسى “جەر تۋرالى مەملەكەتتىك اكتىنى” قولدارىنا الىپ, ۇرەيلى سەزىمدەرىن ءۇمىت پەن قۋانىش ارقىلى ۇكىلەدى دەسەك قاتەلەسپەيمىز. بيلىك تاراپىنان جاسالىنىپ جاتقان يگى ىستەرمەن, جوسپارلانىپ جاتقان جۇمىستارمەن كۇندەلىكتى بۇقارالىق اقپارات قۇرالدارى ار­قىلى كورىپ, ەستىپ, وقىپ ءجۇرمىز. سال­ماقتى ىستەردىڭ جاۋاپكەرشىلىكتەرىن ءوز ەلىمىزدىڭ پەرزەنتى رەتىندە ءتۇسىنىس­تىكپەن قاراپ, قۋانىشقا بولەنۋدەمىز. الاتاۋ اۋدانى­نىڭ ورتالىعى “شاڭىراق-2” شاعىن اۋدانى بۇگىنگى تاڭدا كوز الدىمىزدا گۇلدەنىپ كەلەدى. بوي كوتەرگەن №164 بالاباقشا قازىرگى زامان تالاپتارىنا ساي, وتە اسەم عيمارات. اللا اماندى­عىن بەرسە, تالاي بۇلدىرشىندەر, ەلىمىز­دىڭ ەرتەڭى سانالاتىن ورەندەر وسى جەر­دەن ال­عاش­قى وقۋ تاربيەلەرىن الماق. سونىمەن قاتار, جۋىق ارادا شەتەلدىك قۇرىلعىلارمەن, تەحنولوگيالارمەن جابدىقتالعان اۋدان ەمحاناسى دا ەسىگىن ايقارا اشپاق. اكىمدىك ماڭايى­نان قاز-قاتار اشىلىپ جاتقان حالىققا قىزمەت كورسەتۋ ورتالىعى, پروكۋراتۋرا, سوت, سالىق باسقارماسى سىندى قىزمەت ورىندارىنىڭ ءبىر جەردە شوعىرلانۋى ەل ءۇشىن وتە ءتيىمدى بولىپ وتىر. الاتاۋ اۋدانىنىڭ توڭىرەگىندە ناتيجەلى جۇمىس اتقارىپ جۇرگەن ۇكى­­­مەت­تىك ەمەس ۇيىمداردىڭ قاتارىنا جا­­­تاتىن قوعامدىق ۇيىمدار مەن ءبىر­لەستىكتەر جەتەرلىك. ماسەلەن, جووبك مەن “شاڭىراق-يگىلىك” قوعامدىق بىرلەستىك­تەرىن ايتۋعا بولادى. بۇل ەكى قوعامدىق ۇيىمنىڭ باسى-قاسىندا جا­ن­­­اشىر ءارى باتىل قادامداردان تاي­سالمايتىن, ءوزى نازىك جاندى بولسا دا قايسارلىعىمەن كوزگە تۇسەتىن الما مە­دەۋباەۆانىڭ ەڭ­بەگىن ايتپاي كەت­پەس­كە بولماس. قوعامدىق جۇمىسقا ابدەن ىسىلىپ العان ءتورايىم “ورالمان­دارعا كومەك جانە ولاردى الەۋمەتتىك بەيىمدەۋ قىزمەتىن ۇيىمداس­تىرۋ”, “الاتاۋ اۋدانىنىڭ دامۋ ەرەك­شەلىكتەرىن زەرتتەۋ”, “اقپاراتتىق بيرجا كومەگىمەن ال­ما­تى قالاسىنداعى شاعىن كاسىپكەر­لىك­تىڭ يننوۆاتسيالىق جوبالا­رىن داع­دارىسقا قارسى قولداۋ” اتتى الەۋ­مەتتىك جۇمىستارعا باسشىلىق ەتىپ, ارقايسىسىمىزدىڭ ءوز ۇلەستەرى­مىزدى قوسۋعا مۇمكىندىك جاساپ كەلەدى. اۋ­دانىمىزدىڭ دامۋىنا, وركەندەۋىنە توننىڭ ىشكى باۋىنداي جاقىن, قويان-قولتىق جۇمىس ىستەپ كەلە جاتىرمىز. نەبارى ەكى جىلدىڭ ىشىندە كوشە­مىزدىڭ باسىم كوپشىلىگىنە اسفالت توسەلىپ, جەرلەرىمىز زاڭداستىرىلىپ, اۋدان ەلەكتر قۋاتىمەن, تابيعي گاز­بەن, اۋىز سۋمەن تولىق قامتاماسىز ەتىلدى. سوندىقتان دا وسىنداي يگى ءىس­تەردى اتقارىپ جۇرگەن بيلىك با­سىن­دا­عىلار مەن اۋدان باسشىلارىنا ال­عىسىمىز شەكسىز. ولاي بولسا باسەكەگە قابىلەتتى بولىپ, جاسامپاز ەلدىڭ اتىنا لايىق بولۋ ءۇشىن ەل پەرزەنتى رەتىندە ءبىز دە ايانباي ەڭبەك ەتەمىز. حالىق يگىلىگى ءۇشىن جول باس­تاعان, ناقتى قادامدارعا باعىت ءسىل­تەگەن ەلدىڭ تىرەۋى, ۇلتتىڭ جاناشىرى بولامىز. ەلدىڭ ەرتەڭىنە ەرىنبەي ەڭبەك ەتەمىز! گ.بيلىباەۆا, س.ءابىلشانوۆا, ا.شۇكەنوۆا, ك.بورانوۆ, و.ساتاەۆ. حاتقا بۇدان باسقا دا 10 ادام قول قويعان. الماتى, شاڭىراق – 2 شاعىن اۋدانى.