ديپلوماتيالىق قىزمەتتى جاڭعىرتۋ سالاسىنداعى تاجىريبە الماسۋ

قازاقستان پرەزيدەنتى ن.ءا.نازارباەۆتىڭ «نۇر وتان» پارتياسىنىڭ XVI سەزىندە جاريالاعان بەس ينستيتۋتتىق رەفورماسىن, ونىڭ ىشىندە زاماناۋي, كاسىبي ءارى اۆتونومدى مەملەكەتتىك اپپارات قۇرۋدى جۇزەگە اسىرۋ جونىندەگى تاپسىرماسىن ورىنداۋ ماقساتىندا سىرتقى ىستەر ءمينيسترى ەرلان ىدىرىسوۆتىڭ بۇيرىعىمەن قۇرىلعان مينيسترلىكتىڭ جاڭعىرتۋ جونىندەگى ارنايى جۇمىس توبى كادرلىق ماسەلەلەر بويىنشا شەتەلدىك تاجىريبەنى زەرتتەۋ ماقساتىندا تۇركياعا ساپارمەن باردى. ساپار شەڭبەرىندە انكارادا قازاقستان سىرتقى ىستەر مينيستر­لىگىنىڭ جاۋاپتى حاتشىسى اناربەك قاراشەۆ پەن تۇركيا سىرتقى ىستەر ءمينيسترىنىڭ ءبىرىنشى ورىنباسارى ءالي نادجي كورۋدىڭ توراعالىعىمەن ەكى ەلدە كادرلىق ساياساتتى جۇزەگە اسىرۋدىڭ كەڭ اۋقىمدى ماسەلەلەرى تالقىلانعان قازاقستان مەن تۇركيا سىرتقى ىستەر مينيسترلىكتەرى اراسىنداعى كادرلىق ماسەلەلەر جونىندەگى كونسۋلتاتسيالار ءوتتى. اتاپ ايتقاندا, حالىقارالىق قاتىناستار ماماندارىن, ىلەسپە اۋدارماشىلاردى دايارلاۋ, ءسىم مەن شەتەلدىك مەكەمەلەر اراسىنداعى كادر الماسۋى, ديپلوماتيالىق قىزمەتكەرلەر رەزەرۆى, ديپلوماتتاردى جەكە سەكتورعا, «اقىلماندار» ورتالىقتارىنا, حالىقارالىق ۇيىمدارعا جانە ت.ب. اۋىسۋ جانە ۋاقىتشا ىسساپارعا جىبەرۋ ماسەلەلەرى تالقىلاندى. مەملەكەت باسشىسىنىڭ ناقتى 100 قادامنان تۇراتىن ۇلت جوس­پارىن جۇزەگە اسىرۋعا قاتىستى قويعان تاپسىرمالارىن ورىنداۋ ماقساتىندا سىرتقى ىستەر مينيستر­لىگى مەملەكەتتىك قىزمەت جۇيەسىن جاڭ­عىرتۋ جانە زاماناۋي, كاسىبي مەملەكەتتىك اپپارات قۇرۋ تۋرالى شەتەلدىك تاجىريبەنى زەرتتەپ, زەردەلەۋدە. وسىعان وراي, وسىنداي كونسۋلتاتسيالاردىڭ وتكىزىلىپ تۇرۋى مەملەكەت باسشىسى قويعان تاپسىرمالاردى ءتيىمدى جۇزەگە اسىرۋعا سەپتىگىن تيگىزەدى. «ەگەمەن-اقپارات».