جاڭا ەكونوميكالىق ساياساتقا كوشۋ جوسپارى ماقۇلداندى

سەنبى كۇنى پرەمەر-مينيستر كارىم ءماسىموۆ ۇكىمەتتىڭ سەلەكتورلىق وتىرىسىن وتكىزدى. وتىرىستا جاڭا ەكونوميكالىق ساياساتقا كوشۋ جاعدايىنداعى ەلدىڭ الەۋمەتتىك-ەكونوميكالىق دامۋى ماسەلەلەرى قارالدى, دەپ حابارلادى پرەمەر-ءمينيستردىڭ ءباسپاسوز قىزمەتى. اتاپ ايتقاندا, ورتا مەرزىمدى پەرسپەكتيۆادا ەكونوميكالىق ءوسىمدى قامتاماسىز ەتۋگە باعىت­تالعان شارالار جوسپارى تالقى­لاندى, سونداي-اق, ۇكىمەت پەن ۇلت­تىق بانكتىڭ ينفلياتسيالىق تارگەتتەۋگە كوشۋ جاعدايىنداعى شۇعىل شارالارى ماقۇلداندى. ۇلتتىق ەكونوميكا ءمينيسترى ە.دوساەۆ اتاپ وتكەندەي, شۇعىل شارالار جوسپارى بەس باعىتتان تۇرادى. جوسپار تۇتاستاي ەكونوميكانى دا ءارى ونىڭ جەكەلەگەن سالالارىن دا قورعاۋعا باعىتتالعان. جوسپارعا سايكەس, ۇكىمەت پەن ۇلتتىق بانكتىڭ قىزمەتى ەكو­نو­ميكانىڭ ناقتى سەكتورىن قول­داۋعا, جەكە ينۆەستيتسيا تارتۋدى ىنتالاندىرۋعا, جۇمىسپەن قام­تۋعا, جاڭا جۇمىس ورىندارىن قۇرۋعا, قارجىلىق تۇراقتىلىقتى ۇستاپ تۇرۋعا, ۇلتتىق قور قارا­جاتىن ءتيىمدى پايدالانۋعا, سون­داي-اق, رەسپۋبليكالىق بيۋدجەت تەڭگەرىمدىگىن قامتاماسىز ەتۋگە باعىتتالاتىن بولادى. مينيستر «قارجى رەسۋرستارى شەكتەۋلى بولىپ وتىرعان جاعداي­دا قاراجات باسىم باعىتتارعا قايتا ۇلەستىرىلىپ, مەملەكەتتىك جانە سالالىق باعدارلامالاردى قارجىلاندىرۋدى وڭتايلاندىرۋ جالعاسىن تابادى جانە اياق­تالادى», دەپ اتاپ ءوتتى. سونىمەن قاتار, ە.دوساەۆ «شۇعىل شارالار جوسپارى الەۋمەتتىك ماڭىزدى تاۋارلارعا باعانىڭ وسۋىنە جول بەرمەۋ, جەكە تۇلعالار مەن تۇرعىن ءۇي قۇرىلىس جيناق بانكى سالىمشىلارىنىڭ مەرزىمدى دەپوزيتتەرى بويىنشا وتەم­اقى تولەۋ مەحانيزمىمەن تو­لىق­تىرىلاتىنىن» اتاپ كورسەتتى. جوسپارعا سونداي-اق, ونەركاسىپ كاسىپورىندارىن, تۇرعىنداردىڭ الەۋمەتتىك از قامتىلعان توپتارىن قولداۋ جانە جۇمىسپەن قامتۋ بويىنشا جەدەل شارالاردى قامتيتىن وڭىرلىك بلوك تا قوسىلعان. «شۇعىل سيپاتتاعى باسقا دا امالداردى, سونىڭ ىشىندە, جال­پى العاندا ەكونوميكانىڭ ناقتى سەك­تورىنداعى جاعدايدى تۇراق­تاندىرۋعا باعىتتالعان سىرتقى ساۋدانى رەتتەۋدىڭ تاريف­تىك ەمەس ءادىس­تەرىن, ىشكى نارىقتى قور­­­عاۋ امال­دارىن ىسكە اسىرۋ قاراس­تىرىلىپ وتىر», دەپ اتاپ ءوتتى مينيستر. سونىمەن قاتار, ۇكىمەت مۇشە­لەرى الەۋمەتتىك ماڭىزدى ازىق-ت ۇلىك تاۋارلارى باعاسىنىڭ كوتەرى­ل­ۋىنە جول بەرمەۋدى قاراستىراتىن كەشەندى شارالاردى تالقىلادى. ولار اتالعان تاۋارلاردىڭ ماڭىز­دىلىعىن انىقتاپ, جوسىقسىز باسە­كە­لەس­تەردىڭ جولىن كەسىپ, مونوپو­لياعا قارسى باقىلاۋ شارالارىن قا­راستىرماق. وعان قوسا, ۇلتتىق ەكونوميكا ءمينيسترى ەربولات دوساەۆ ايماق باسشىلارىنا تۇ­راق­تىلىق قورلارى ارقىلى تا­ۋار ينتەرۆەنتسياسىن جۇرگىزۋ جانە تۇ­راقتى تۇردە اۋىلشارۋاشى­لىق ءجار­مەڭكەسىن وتكىزىپ تۇرۋ كەرەك­تىگىن ايتتى. «ودان باسقا, الەۋمەتتىك ما­ڭىز­دى تاۋارلار باعاسىنا كۇندە­لىكتى مونيتورينگ جۇرگىزىلىپ, جىل­دىڭ اياعىنا دەيىن بازارلاردا الەۋمەتتىك ماڭىزدى تاۋارلارعا تالداۋ جاسالادى. باعا باسەكەسىنىڭ دامۋىنا كەدەرگىلەر انىقتالاتىن بولادى», دەپ تۇيىندەدى ە.دوساەۆ. وتىرىس سوڭىندا پرەمەر-مينيستر مۇددەلى مەملەكەتتىك ورگاندار باسشىلارىنا بىرقاتار تاپسىرمالار جۇكتەدى.