استانا. 23 تامىز. بۇگىن فۋتبولدان قازاقستان پرەمەر-ليگاسىنىڭ 24-تۋرى شەڭبەرىندە ءتورت ويىن وينالدى. بۇل تۋرالى egemen.kz حابارلادى.
ورتالىق كەزدەسۋ اقتوبەدە جەرگىلىكتى «اقتوبە» مەن شىمكەنتتىڭ «ورداباسى» كوماندالارى اراسىندا ءوتتى. ەكى كلۋبتىڭ ءبىرىنشى التىلىق ساپىندا جۇلدەگە تالاسىپ جاتقانى بەلگىلى. سوندىقتان ماتچ اسا تارتىستى بولدى. اسىرەسە, الاڭ يەلەرى جەڭىس ءۇشىن قولدان كەلگەننىڭ ءبارىن جاسادى. ناتيجەسىندە 1:0 ەسەبىمەن باسىم ءتۇسىپ, كەزەكتى ءۇش ۇپايدى قورجىنعا سالدى. ويىنداعى جالعىز گولدى 52-مينۋتتا چيپريان دياك پەنالتيدەن سوقتى. بۇل كوماندا قاتارىنا جاقىندا عانا قوسىلعان رۋمىننىڭ قازاقستان پرەمەر-ليگاسىنداعى العاشقى گولى ەكەنىن ايتا كەتەيىك.
ءبىرىنشى التىلىقتاعى «قايرات» پەن «ەرتىس» اراسىندا ويىن ەرتەڭ وينالادى. ال «استانا» – «اتىراۋ» ماتچى كەيىنگە قالدىرىلدى. بۇل وزگەرىستەر «قايرات» پەن «استانانىڭ» ەۋروكۋبوكتىق تۋرنيرلەرگە قاتىسۋىنا بايلانىستى بولىپ وتىر.
«وقجەتپەس» (كوكشەتاۋ) – «قايسار» (قىزىلوردا) 2:1 (1:1)
گولدار: دميتري سىچەۆ 22, لۋكا روتكوۆيچ 82 – جاسۇلان مولداقاراەۆ 15.
«جەتىسۋ» (تالدىقورعان) – «تاراز» (تاراز) 1:0 (0:0)
گول: دۋشان ساۆيچ 67.
«توبىل» (قوستاناي) – «شاحتەر» (قاراعاندى) 2:1 (0:1).
گولدار: توماش شيمكوۆيچ 47, 63 – پلامەن ديموۆ 23.
«اقتوبە» (اقتوبە) – «ورداباسى» (شىمكەنت) 1:0 (0:0)
گول: چيپريان دياك 52, پەنالتي.
23 تامىزداعى ويىنداردىڭ ناتيجەسى بويىنشا تۋرنير كەستەسى
ۇزدىك مەرگەندەر:
- جەرار گوۋ («قايرات») – 18 گول;
- لۋكا روتكوۆيچ («وقجەتپەس») – 11 گول;
- دۋشان ساۆيچ («جەتىسۋ») – 9 گول.
ەلامان قوڭىر.
دەرەك: egemen.kz.
سۋرەت: shahter.kz.
