استانا «اقىلدى» قالالار قاتارىنا ەنبەك

 

يننوۆاتسيالىق كلاستەرلەردى دامىتۋ مەن قالىپتاستىرۋ بارىسىندا شەتەلدىك ينۆەستيتسيالاردى تارتۋ جانە سىرتقى ەكونوميكالىق بىرىكتىرۋدى جانداندىرۋدىڭ ءتيىمدى تەتىگى جاتىر. وسى ماقساتتا ەلىمىزدە كوپتەگەن جوبالار قولعا الىنىپ, بىرقاتار مىندەتتەر اتقارىلۋدا.

پرەزيدەنت جانىنداعى ور­تا­لىق كوممۋنيكاتسيالار قىز­مەتىندە وتكەن ءباسپاسوز ءماسلي­حاتىندا اتالعان سالانىڭ قازىرگى تاڭداعى احۋالى ءجونىن­دە حا­بار­دار ەتىلدى. باق وكىل­دەرى­مەن كەزدەسۋگە كەلگەن «استانا – جاڭا قالا» ارنايى ەكونو­مي­كا­لىق ايماعىن اكىم­شىلەن­دىرۋ باسقارماسى» مەم­لەكەت­تىك مەكەمە­سىنىڭ باسشىسى ءىلياس جانعاس­كين مەن «اس­تانا Inno­vations» اق باسقار­ما توراعاسى ءال­تايىر ۋىزباەۆ اس­تا­نادا يننو­ۆاتسيالىق كلاستەردى دامىتۋ تاقىرىبىن تارقاتا ايتتى. اەا اۋماعىنا استانانىڭ ەكى يندۋستريالىق پاركى كىرە­دى. يندۋستريالىق پاركتەر – بۇل جەڭىل­دىكتى سالىق جانە كەدەن رە­جىمى بەلگىلەنگەن جاڭا ونەر­كاسىپتىك ايماقتار. ينۆەستورلار كور­پوراتيۆتىك جانە تابىس سالى­عىنان, مەرزىمى 10 جىلعا دەيىن ۋچاسكەنى جالعا الۋ تولەم­اقىسىنان, جەر سالىعىنان, م ۇلىككە سالىناتىن سالىقتان بوساتىلدى, دەدى ءىلياس جانعاسكين ءوز سوزىندە. ال بۇل تۇرعىدا ەداۋىر سالىقتىق جەڭىلدىكتەر ينۆەستيتسيالاردى تارتۋ مەن وندىرىستەردى قوسۋ ءۇشىن اەا ايماعىن جانە يندۋستريالىق پاركتەردى تارتىمدى ەتەتىندىگىن ايتتى. سونداي-اق, «استانا – جاڭا قالا» ارنايى ەكونوميكالىق ايماعىندا 2002 جىلمەن سالىس­تىرعاندا بيىل تارتىلعان ينۆەس­تيتسيالار كولەمى ەكى تريلليوننان اسا تەڭگەنى قۇرادى, ال 2010 جىلى بارلىعى 393,5 ملرد.تەڭگە سوماسىنا ءونىم شىعارىلدى, دەپ اتاپ ءوتتى ءى.جانعاسكين. كەلەسى كەزەكتە ءسوز العان ءال­­تايىر ۋىزباەۆ 2013 جىلى اس­تا­نانى دامىتۋ جونىندەگى كەڭەس­تە ەلباسى نۇرسۇلتان نازار­­باەۆ ۇكىمەتكە جانە استانا اكىمدىگىنە 2017 جىلى استا­نا قالاسىن الەمنىڭ 50 «اقىلدى» قالالارىنىڭ رەيتينگىنە كوتەرۋ ماسەلەسىن تاپسىرعانىن ايتا كەلە, وسىنىڭ اياسىندا بىرقاتار مالىمەتتەرمەن تانىستىردى. سونىمەن قاتار, «استانا Inno­vations» كومپانياسىنىڭ قىزمەتى نەگىزگى ءۇش باعىت بويىنشا جۇمىس ىستەيتىندىگىن العا تارتتى. ولار­دىڭ قاتارىنا يننوۆاتسيالىق ستار­تاپتاردى قولداۋ, «Smart Astana» باعدارلاماسىن ىسكە اسىرۋ, سونداي-اق, استانا قالاسىنىڭ تىنىس-تىرشىلىگىن كەشەندى قامتا­ماسىز ەتۋ جۇيەسىن دامىتۋ جاتادى, دەدى ءا.ۋىزباەۆ. اتالمىش ءۇش باعىتقا جەكە-دارا توقتالىپ ءوت­كەن ول, ءبىرىنشى باعىت بويىنشا ستارتاپ-كومپانيالارعا ولار­دى دامىتۋدىڭ باستاپقى كەزەڭىن­دە قارجىلىق جانە كەڭەس بەرۋ قىز­مەتتەرى كورسەتىلەتىندىگىن ايتتى. ال, كەلەسى باعىت اياسىندا ەلور­دا ومىرىنە يننوۆاتسيالىق Smart تەحنولوگيالارىن ەندىرۋ قىزمە­تى تۇرعاندىعىن جەتكىزگەن ءا.ۋىز­باەۆ وسى باعدارلاما شەڭبەرىندە Smart ەرتس, Smart مەكتەپ, Smart ەمحانا, Smart كولىك, Smart اۆتو­تۇراق, Smart تكش جانە Smart جا­رىق­تاندىرۋ سياقتى جوبالاردى ءىس­كە اسىرۋ جۇرگىزىلەتىندىگىن ايت­تى. سونداي-اق, كومپانيا قىز­مەتىنىڭ ءۇشىنشى باعىتى استانا قالاسىنىڭ «تىنىس-تىرشىلىگىن كەشەندى قامتاماسىز ەتۋ جۇيەسى» باعدارلاماسىن ىسكە اسىرۋ بولىپ تابىلاتىندىعىن جەتكىزدى. ەلميرا ماتىباەۆا, «ەگەمەن قازاقستان».