ۇلتارالىق ارازدىقتى قوزدىرعان ازاماتشا جازاسىن الدى

استانا. 31 ناۋرىز. الماتى قالاسى الاتاۋ اۋداندىق سوتى قىلمىستىق كودەكستىڭ 164-بابى بويىنشا ايىپتالعان تاتيانا شەۆتسوۆا-ۆالوۆاعا قاتىستى ۇكىمدى جاريالادى. ازاماتشانى الماتى قالاسىنىڭ تۇرعىندارى ۇلتارالىق ارازدىقتى قوزدىردى دەپ ايىپتاعان بولاتىن. بۇل تۋرالى radiotochka.kz حابارلادى. سوت تالعات ماقۇلوۆ جاريالاعان ۇكىم بويىنشا شەۆتسوۆا-ۆالوۆا شارتتى تۇردە 4 جىلعا باس بوستاندىعىنان ايرىلدى. سونىڭ 3 جىلى سىناق مەرزىمى ەكەنىن ايتا كەتەيىك. سونداي-اق, سوتتالۋشىنىڭ ارنايى مەملەكەتتىك ورگاندارعا ەسكەرتپەي ەلدەن شىعۋعا جانە تۇرعىلىقتى جەرى مەن جۇمىس ورنىن اۋىستىرۋعا قۇقى جوق. ودان بولەك, سوت كەزىندە كەتكەن شىعىن ءۇشىن ول 48 500 تەڭگە تولەۋى ءتيىس. بۇل ۇكىمگە قارسى بولعان شەۆتسوۆا-ۆالوۆا اپەللياتسيالىق-جانە كاساتسيالىق سوتقا شاعىمدانباق. ونىڭ ايتۋىنشا, وزىنە تاعىلعان ايىپ دالەلدەنبەگەن. «بۇل الدىن الا جوسپارلانعان دۇنيە. ماعان قارسى قولدانىلعان سكرينسۋرەتتەر قولدان جاسالعان. مۇنىڭ ارتىندا ورىس ۇلتىنا قارسى جانە ۇلتارالىق ارازدىقتى قوزدىرۋشى ادامدار تۇر. كورسەتىلگەن سكرينسۋرەتتەر مەن جازبالارعا مەنىڭ قاتىسىمنىڭ بارى دالەلدەنگەن جوق. فيلولوگيالىق ساراپتاما دا جالعان سۋرەتتەر نەگىزىندە جاسالدى», – دەيدى سوتتالۋشى. ال شاعىمدانۋشىلار ۇكىمنىڭ ءادىل بولعانىن ايتۋدا. ولاردىڭ ءبىرى باق وكىلدەرىنە بەرگەن سۇحباتىندا: «ەلىمىزدىڭ بىرتۇتاستىعىنا سىزات تۇسىرگىسى كەلگەن كەز كەلگەن ادام جازالانۋى ءتيىس. سەبەبى, ءبىر حالىققا قاتىستى اۋىر ءسوز ايتۋ تۇتاس ۇلتقا كىر كەلتىرەدى. سوندىقتان الەۋمەتتىك جەلىلەرگە جازاتىن دۇنيەلەرىمىزگە ەرەكشە ءمان بەرۋىمىز كەرەك. مىنا جاعداي كوپشىلىككە ساباق بولادى دەپ ويلايمىن», – دەدى. ەستەرىڭىزگە سالا كەتەيىك, 2014 جىلدىڭ كوكتەمىندە الماتى قالاسىنىڭ 11 تۇرعىنى قالالىق ىشكى ىستەر دەپارتامەنتىنە تاتيانا شەۆتسوۆا-ۆالوۆانىڭ ۇستىنەن شاعىم تۇسىرگەن بولاتىن. ارىزدانۋشىلاردىڭ ايتۋىنشا, ازاماتشا الەۋمەتتىك جەلىلەردە ۇلتارالىق ارازدىقتى قوزدىرۋمەن اينالىسقان. وسى ىسكە بايلانىستى العاشقى سوت وتىرىسى 12 قاڭتاردا ءوتتى. ەلامان قوڭىر. دەرەك, سۋرەت: radiotochka.kz.