پرەزيدەنت داۋلەت تۇرلىحانوۆتى قابىلدادى

استانا. 31 ناۋرىز. پرەزيدەنت نۇرسۇلتان نازارباەۆ قازاقستان كۇرەس فەدەراتسياسىنىڭ قۇرمەتتى پرەزيدەنتى, بىرىككەن كۇرەس الەمىنىڭ بيۋرو مۇشەسى داۋلەت تۇرلىحانوۆتى قابىلدادى. بۇل تۋرالى اقوردانىڭ ءباسپاسوز قىزمەتىنە سىلتەمە جاساعان egemen.kz حابارلادى. كەزدەسۋ بارىسىندا ەلدە بۇقارالىق سپورتتى دامىتۋ, سونىڭ ىشىندە جاس ۇرپاقتى سپورتقا باۋلۋ ماسەلەلەرى تالقىلاندى. قازاقستان پرەزيدەنتى جاستار اراسىندا سالاماتتى ءومىر سالتىن ناسيحاتتاۋدىڭ, سونداي-اق جوعارى جەتىستىكتەر سپورتىن دامىتۋمەن قاتار حالىقتىڭ دەنە شىنىقتىرۋمەن جانە سپورتپەن بەلسەنە اينالىسۋى ءۇشىن قاجەتتى بارلىق جاعدايدى جاساۋدىڭ ماڭىزدىلىعىنا توقتالدى. ءوز كەزەگىندە داۋلەت تۇرلىحانوۆ وتاندىق سپورتتىڭ ءىرى قالالاردا عانا ەمەس, شالعاي وڭىرلەردە دە دامۋىنا كورسەتىپ وتىرعان قامقورلىعى, وسىعان قاجەتتى ينفراقۇرىلىمداردىڭ سالىنۋىنا تىكەلەي مۇرىندىق بولىپ كەلە جاتقانى ءۇشىن مەملەكەت باسشىسى العىس ايتتى. مۇنىڭ نەگىزىندە ەلىمىز سپورتىنىڭ مىقتى ىرگەتاس قالاپ, سونىڭ ناتيجەسىندە سپورتشىلارىمىزدىڭ ايماقتىق جانە حالىقارالىق جارىستاردا جوعارى كورسەتكىشتەر قول جەتكىزىپ جۇرگەنىن اتاپ ءوتتى. ساكەن مايلىباي.