سۋدى تازارتۋعا قابىلەتتى كىتاپ

امەريكادا عالىمدار پاراقتارى زياندى باكتەريالار مەن قوسپادان سۋدى تازارتۋعا قابىلەتتى, ياعني سۇزگىش ءرولىن اتقاراتىن كىتاپ باسىپ شىعاردى. ءتىپتى, ولار زاماناۋي تەحنولوگيا ۇلگىسىنىڭ اتاۋىن «اۋىزسۋ كىتابىنىڭ» پاراقتارى دەپ اتاپ تا ۇلگەردى. ءبىر قىزىعى, پاراقتار سۋدىڭ قۇرامىنداعى كۇمىستىڭ نانوبولشەگى نەمەسە مىس باكتەريالاردى جويادى. ەكىنشى جاعىنان وندا سۋدى نە ءۇشىن, قالاي تازارتۋعا بولاتىنى جايلى تىڭ اقپاراتتار جازىلعان. عالىمدار: «كىتاپتىڭ ءبىر پاراعىن جىرتىپ الىپ, ونى سۇزگىش قوندىرعىعا توسەيدى دە, وزەن, قۇدىق, بۇلاق بولسىن كەز كەلگەن كوزدەن الىنعان سۋدى قۇيادى. ناتيجەسىندە سۋ تازارىپ, باكتەريالار جويىلادى», – دەيدى. سونداي-اق, ولار ءبىر قاعازبەن 100 ليتر سۋدى تازارتۋعا بولادى دەپ وتىر. دەمەك, ونەر­تاپقىشتاردىڭ ايتۋىنشا, ءبىر كىتاپ شامامەن ءتورت جىلعا جەتەدى. ايتا كەتەيىك, سىناق رە­تىندە تازارتىلعان سۋدا باكتەريالار 99 پايىز جويىلاتىنى انىقتالدى. ال كوپ جاعدايدا ادام اعزاسىنا زياندى ميكروبتار سۇزگىدەن وتكەن سۋدا مۇلدەم قالمايتىن كورىنەدى. تالعات رايىمبەك.